Luku 24:6 - Ka Lamana'a Monoꞌi Lu Mu Tifiꞌehina Ka Yabe

⁶ Ai malo menohibe. Ai aho ti'ehibe. Ai Galili kapolo lenali hiti nohuto ma luto lu lepi'ehina kaga molo lenali lenekesa yigilo.

Luku 24:6 ပူးပေါင်းရင်းမြစ်များ

Matiu 12:40

Yonau loegi monegi yege hiti sinihi hiti faya'mofihi komopa'agu ko'ehina'a huto Kokulumaguti limi'ehina Bouba yege loegi monegi hiti sinihi loegi monegi ana suhi huto ma me'i komopa'agu kalina'mu yabe.

Matiu 16:21

Yana kana'alo Yesu koko pana'a kaga hapi fito lu hokolo huto lu epi'ehina: Nani Yelusale hepatoga buloto'ni enikibina bo, sipi mono bo to keya ka tisa bo enalitogati nagabu foya li kofilube. Enali noho fililenogo yege loebe monebe minoloto'ni aku'i ho tiluna'mu yabe.

Matiu 27:63

Ya hilete ma li'ahana: Sipi bo yale, ai fagalo bouba mefili'ohuto kaga mone ma luto lu'ehina lu kimilune. Loegi monegi yupahi minoto'ni aku'i ho tiluna'mu yabe luto lu'ehina.

Matiu 28:6

Ai malo'i menohinagihe. Ai fili'ehinagati aku ho tilube luto lu'ehina'a ya huto ho ti'ehibe. Ete manugu tilete koyapa'i gufa'a ko'ehinalo be galiyo.

Maki 16:6

To ai ma luto lu epi'ehina: Koli mehilo. Lenali Nasalete bo, Yesu, malipu yafalo fili'ehina bomofihi sa nehana keheli'ohube. Ai maga menohibe. Aho ti'ehinagihe. Bu galo. Ya'ma mele'ahana hepa'i bu galo. Menohibe.

Maki 8:31

To yalo, kaga lu noepito ma lu'ehibe: Nani Kokulumaguti limi'ohuna Bomofita alihi kalana'i mele netete to baga'a hiti'na nugupisalo tinogo kofilube. To enali olopa mono bona'magi hiti sipi mono'i kaba bomagi hiti to mono ka negana bona'magi hiti enemegesa hi nimilete nahalabe. To malipu yafalo noho fililenogo'ni loeyagi moneyagi yegegu keligu minoloto'ni yalo fili'ohunaguti gololo tuto ho tito minalube.

Luku 24:34

To enali lu etimi'ahana: Lusiga luto Sipi Boti aho ti'ehibe. Simoniu ai'a abu go'ehibe.

Luku 24:5

Enali ana ana'i enelesa'ani ligo koli hilete melugu lipi gehesa i baga i'ahana. Ya nehago etali ana ana'i lu epi'aha'ina: Lenali hena hibe lite fili'ahana bona'magi hepalugu aho ti'ehina bomofi kumu'i sa sa nehabe?

Luku 9:22

Kokulumaguti limi'ehina Bo sipi gabu'i gilenogo enali olopa bona'i to sipi mono noto kaba bona'i to keya ka babafi bona'i enali enemegesa hu nimite nani'i nehelenogo fili'ohunagati aku'i loegi monegi yupahi minoloto Hu'mau nele'mo ho tilibe luto Yesu lu epi'ehina.

Luku 9:44

Ma'asi ka mone lu lepilube'mu nohuna lenekesu meheno. Alihi bona'magi Kokulumaguti limi'ehina Bomofihi le'mete bite naga'i emilago Hu'mau keheliloto lu laga mehilibe.

Aposolo 2:24

Ya hi'ahana Hu'mau ya'mana bo aku'i le'mo ho ti'ehibe. Ai gabu gigo fili'ehinana asaga'i li he'mi su ho'ehibe. Hena'mugope kene mala malauba ya'mana bomofihi gufa'alo meligo yabe.

2 Tesalonika 2:5

To ya'ma hilina'a ananamomu'i nani'ni lenalitoga minoto ka'a lu lepi lepi hu'ohuna keheli'ahana ni'ifiye?