Luku 24:44 - Ka Lamana'a Monoꞌi Lu Mu Tifiꞌehina Ka Yabe

⁴⁴ Ya huloto ai ma luto lu epi'ehina: Koyapa'i nani lenali hiti nohuto'ni alu lepi'ohuna yabe. Asaga kaga nani kumu lite Mosehi bukugufi to lu huto huto bomagi bukugufi to nama li'ahana bukugufi koyapa'i fayahi ge'ahana asaga ya'mana kagauba legeya'a mana'a huto hilibe luto lu lepi'ohuna yabe.

Luku 24:44 ပူးပေါင်းရင်းမြစ်များ

Matiu 1:22

Ya'mana asaga'na ma huto huto hilina ai kaga mone Sipi Bouba lu huto huto bomofihi bagagu lulago o'ehinamofihi legeya'a huto hilibe. Lu huto huto bouba ma luto lu'ehina:

Matiu 16:21

Yana kana'alo Yesu koko pana'a kaga hapi fito lu hokolo huto lu epi'ehina: Nani Yelusale hepatoga buloto'ni enikibina bo, sipi mono bo to keya ka tisa bo enalitogati nagabu foya li kofilube. Enali noho fililenogo yege loebe monebe minoloto'ni aku'i ho tiluna'mu yabe.

Matiu 26:54

Nani ya hilunaya Hu'mau fayanugu go'ehinamofihi mana'a hiya'a huto huto hilinabe? Monolugu ma lite ge'ahana yabe, asaga'na ya'ma suhi luto huto hilina'mu yabe.

Matiu 26:56

Ya hu'ehinaya kaga lu huto huto bomagi mono kagu fayahi ge'ahanalo pa salina'mu yabe. Ya luto ligo Yesuhi koko pana'a tili tele hite koli fele su he'ahana yabe.

Maki 9:31

To ai ma luto kaga lu epi'ehina: Bona'magi alihi nani Kokulumaguti limi'ohuna Bomofita nele'mete bite nahalabe. To nehe fililenogo'ni loeyagi moneyagi yegegu keligu minoloto'ni aku'i ho tilube.

Luku 21:22

Ya'mana yupahiya Hu'mau bona'i osahi epilina to li sibina hilina'mu yabe. Ya hulenogo asaga kaga mono bukugu ninamofihi mana'a huto hilina'mu yabe.

Luku 22:37

Hena'mube? Mono bukugu kaga ma luto ni'ibe: Enali foipa bo hiti le'mo malalabe. To nani lu nolepube lu'ehina. Ya'mana kagauba nanitoga huto hilina'mu yabe. Asaga fayahi keye'ahana ya'ma kaga monolugu nani kumu'i ninalo yatai mana'a huto hilube'mu nohibe.

Luku 24:46

Ya hago ai lu epi'ehina: Mono kagu ma luto nina yabe. Mesiau gabu gise'na li kofito fililoto loegi monegi yupanugu aku'i kene keliguti ho tilina'mu yabe.

Luku 9:22

Kokulumaguti limi'ehina Bo sipi gabu'i gilenogo enali olopa bona'i to sipi mono noto kaba bona'i to keya ka babafi bona'i enali enemegesa hu nimite nani'i nehelenogo fili'ohunagati aku'i loegi monegi yupahi minoloto Hu'mau nele'mo ho tilibe luto Yesu lu epi'ehina.

Luku 9:44

Ma'asi ka mone lu lepilube'mu nohuna lenekesu meheno. Alihi bona'magi Kokulumaguti limi'ehina Bomofihi le'mete bite naga'i emilago Hu'mau keheliloto lu laga mehilibe.

Yoni 3:14

Koyapa'i Moseu ka melugu osifa'i yafalo'i li saga hu'ehina, ana supo lite Kokulumaguti limi'ehina Bouba yafalo li saga hilana'mu yabe.

Yoni 5:39

Lenali mono bukugu fayahi keye'ahanamofihi mino kosaba hilana limilibe lite ana fayahi loko luku hite asaga kaga go'ehina bu gelata nehabe. To ya'mana fayahuba nani hapa'ni kumu lu huto huto lu lepilata nohibe.

Yoni 5:46

Lenali Mosehi ka'a keheli li pili ke'ahatita ana hite nani ka'ni keheli pili katita'mu yabe. Hena'mugope ai nani kumu luto fayahi koyapa'i go'ehina yabe.

Aposolo 13:40

Ya hu'ehinagi lenali kaba hu bati hilo. Koyapa'i kaga lu huto huto hulata bomagi ka mone ma lite li'ahanauba lenalitoga o lalibe:

Aposolo 2:27

Kai nugufa'ni he'mitogo filise bona'magi hepatoga meminalibe. To ana huto lamana bomofihi gufa'a he'mitogo tuguma mebilina'mu yabe.

Aposolo 3:18

Ya hi'ahana koyapa'i Hu'mau kaga mone ma luto kaga lu yege hose bomagihi enabagalo lu'ehina, Mesia'nifu ai gabu gise'na li kofilibe. Ya lu'ehinalo lenali ya'ma suhi li huto hi'ahanauba ana kaga baga i'ehibe.

Aposolo 7:37

Ya'mana Moseu ma luto Isilaeli bona'a lu epi'ehina: Nani nele'mo huto hu'ehina bameto suhi huto li moloto kaga lu yege hose bo lenali folagahatiniguti le'mo ho tilina'mu yabe lu'ehina.

Hibulu 10:1

Yuta bona'magihi keya ka ya'ma legeya'a alihi huto hilinamofihi babeyafa'a mone'a anasi ni'ibe. Legeya'a lamana'a meni'ibe. Ya hu'ehina mamufa gilata bona'i enali keya ka lu'ehina ka'alo kufu'amu kufu'amu lokiya fi emi'ahana ana suhi hilenogo hena keya ka koyo'ehinamofihi kugupouba Hu'mamofihi bulo bilata nehana bona'i ya'ma mone'na lusiga luto enele'mo bati hulata nohibe? Ya huto meni'ibe.

Hibulu 3:5

Moseu ai Hu'mamofihi noha'a legi lolo hite nehana bonatoga minoto Hu'mau lu'ehinalo agoya hu emito foya amuya moloto lito minoto Hu'mamofihi ka'a alihi lu huto hilinaga lu yege ho'ehinamo ni'ibe.

Hibulu 7:1

To Melekisitekiu ai ya'ma Seleme hepatoga gihiti bo to Hu'mamofihi sipi bomofihi ai mamufa gilata bo mino'ehina. Abalahau ai fato hepato buto enigihiti bona'magihi kalana'i moloto enoho logo'ehinalo i behe huto noago Melekisitekiu ai buto kapolo fo tula hoto Abalahahi be tigito lusa gi eto'ehina.

Hibulu 9:8

Ana'ina yanamofihi hapa'a ya'ma fana meha'a hiti Sikalafu'uba ma luto lu nolimibe: Nohi hasa luga'a ya'ma fa'mene ni'inogo bebe sose mono nonugu buto fololata nohuta kapo hokolo hu su meho'ehinamo ni'ibe.

1 Pita 1:11

Enali ya'ma huto hilina kana'a sa sa hi'ahana, Hu'mau ya'ma Kilisitohi ho lifilina kana henaki yupahi huto huse kanagu huto hilibe lite sa sa hi'ahana. To Kilisitohi meha'a yauba komopa'anigu molo epalago enali ya'ma lenali kanagu yabe lite keheli'ahabe. Lenali kanagu Kilisitou huto huloto yalo keke'i luse'namofihi gupisalo tito fililina yalo ho tito sekele mamu'a lilina'mu yabe lite keheli'ahabe.

Huto Hilina Ka 19:10

Ya luto lu nimigo nalapusa fito lipi emilube luto nohugo o'e noluto ma luto lu'ehina: Ya melubo. Nani kele kele bo kalalukafita kigiboka Yesu lu hokolo hu'ehina ka'a li pili kete lilata nehana bo enali enalalu'anifita nohube. Kai Hu'mamofihi aigo ya'ma lipi emilane, luto lu'ehina. Yesu lu hokolo hu'ehina kauba mono ka leli'ali bona'i enele'mo babahi higo mono ka lilata hi'ahanamo ni'ibe luto lu'ehina.