Luku 23:54 - Ka Lamana'a Monoꞌi Lu Mu Tifiꞌehina Ka Yabe

⁵⁴ Ya'ma kana ai fuli kanalo nete minalana nose'na li loloba huse kanagu ni'inamo to fuli kana'a yatai ahuto hilube'mu nohibe.

Luku 23:54 ပူးပေါင်းရင်းမြစ်များ

Matiu 27:62

To Yuta bona'magihi fuli kana ana'ina li tulu huse kana'ani yago'a yabe luto nina asu holago enali sipi mono bona'i hiti to Felosi bona'i hiti Pailati nohinaga li nupa hi'ahana.

Maki 15:42

To utehi noligo, ana kanagu fuli yupahi hapi filube'mu nohigo, fuli yupahi nalana nose'na le'mo bati hilata kana ni'igo, bo moneuba.

Luku 23:53

Ya luto luloto Pailatiu: O'yo, ligo Yosefeu buto Yesuhi gufa'a malipu yafaloti lilago limiloto koholi katagu le'mo mololoto sa gi etoto lito buto muli kapo efanugu lolo hi'ahana koyapa'i fili'ehina bona'i memele'ahana ana mulilugu molo'ehibe.

Yoni 19:14

To Pasa nose'na nalata kana mone yege meo'ehigo fuligahi nohigo Pailatiu Yuta bona'i lu epi'ehina: Bu galo. Ma bo lenali gihiti botini nohibe.

Yoni 19:31

To Yuta bona'magi Pailatihi loka ho'ehina: Malipu yafalo he'ahanamofihi gigusa'ani li gofa hu epalalune'mu yafaloti li he'milune. Ya litemo hena'mube? Gigusa'ani li gofa hilenogo mele'isi fililabe. To Yuta bona'magihi fili'ehina bona'mofihi fuli yupapogu malipu yafalo meminalina'mu yabe nelana ya'mu gufa'ani li he'mi epalalune lite Pailatihi anana loka he'ahana. Ya'ma he'ahana yupahi falate yagi to ana fuli yupahi mono'i leba talina'mu yabe.

Yoni 19:42

To ana muli'mofihi foto'i meni'igo to Yuta bona'magihi fuli yupahi ma'asi huto hilina'mu etali mele'isi Yesuhi gufa'a ana mulilugu mala'igo ko'ehina yabe.