Luku 23:5 - Ka Lamana'a Monoꞌi Lu Mu Tifiꞌehina Ka Yabe

⁵ Ya ligo asaga bona'magi sipi hite kehe ilete ma lite li'ahana: Ai boana'magitoga kaga lu epilago ai ka'auba asaga Yutia kegi'a boana'i enele'mo luba hulata nohina yabe. Ai Galili kapoguti hapi filoto ya'mana suhi humofa'na nohigo yatai ya'malo noabe.

Luku 23:5 ပူးပေါင်းရင်းမြစ်များ

Matiu 11:1

Yesu nayaha'ni su hago nigigusaga loemo leheko malago koko pana'amagi lili'na lilana kaga alu epi su holoto ana hepa'i he'mito ana kegi'a hepa'i nila nila hu'ehinalo bula ola huto boana'i kaga lu enelepito to hetofa kaga lu yege homofa'na hu'ehina yabe.

Matiu 2:1

Yesuhi Betelehe hepato Yutia melugu Heloti sipi bo minana kanagu Maliau keto'ehina. Ya hulago alihi keheli bati huse bo luga'a enali yege notinagati sonofi'i kene ite Yelusale hepato neheti'ahana.

Matiu 27:24

Pailatihi kaga'a asaga bona'magi ho fi telete luba li huto hilana suhi hago Pailatiu bu enogo'ehina. Ya hago ai silaga boana'i enubulo nagami'i liloto yaha'a sese nohuto ma luto lu epi'ehina: Ma bomofihi ho filise foipana kumu nani nugufalo metilibe. Ya asaga'na lenalitinilogagoko minalibe.

Matiu 4:23

Yesu Galili kegi'a minomofa'na huto mono noha'anigu tiloto boana'i mono ka lu epila to Hu'mamofihi Kapo'a kumu kaga lu epila nohuto to boana'i enebesi'ehinana li he'mi epolola to enigi enayahi sibina hula ya hula hu'ehina bona'i enele'mo bati hu'ehina yabe.

Maki 1:14

To alihi Yonihi naga nonugu le'me mele'ahago, Yesu Galili kapogu nehetito Hu'mamofihi kapo'mu ka lamana'a lu yege nohoto ma luto lu'ehibe:

Luku 11:53

Yesu ana hepa'i he'mito nobigo Felosi bona'i to loto kaga kehelise bona'magi enali ipakafa Yesuhi helete enali amuya enipa hulago kaga Yesunugu lu bilune lite li'ahana. Ya hite enali

Luku 23:23

Ya ligo enali amuya melete ule'ale hilete sipi kehe ite babu kaga lite ya hite malipu yafalo halune'mu hi'ahabe. To enali sipi kehe ite kaga lanauba Pailatihi ka'a hete le'mo meluga mele'ahana yabe.

Luku 23:6

Pailatiu ana ka'anilo keheliloto ma luto enoloka ho'ehina: Ya'mana boba Galili kapolo bo nohifihe?

Yoni 1:43

Yago eteka'a Yesu Galili kapogu bilube'mu nohuto Filipi bu goloto: Nemege'i obo, luto kehe i'ehina.

Yoni 19:15

Ya noligo enali nogo'ani sipi'a lu emi'ahana: Ho filibo. Ho filibo. Malipu yafalo ho filibo. Ya lago Pailatiu enoloka ho'ehina: Gihiti botini yafalo ho lepalalufihe? luto ligo ya'ma sipi mono noto kaba bomagi lu emi'ahana: Lali ligihiti bo, Sisa ai'asigo nohina.

Yoni 2:11

Galili kegi'a Kena hepato Yesu amuya lili'na'a ya'ma yata'a yupahi li huto hu'ehina. To ai hetofa hapa'a enelepilago pana'alobomagi Yesuhi komopa'ani emite keheli bati hi ete'ahana yabe.

Yoni 7:41

To luga'amagi li'ahana: Ai Mesiaumo nohibe. Ya nelago luga'amagi li'ahana: Mesiau Galili metogati huto mehilina'mu yabe.

Yoni 7:52

Ya luto ligo enali loka he'ahana: Kai hiti Galili bomo nohapihe? Mono ka leka so bati huto bu gobo, kaga lu hokolo hulata bo Galili metogati huto mehilina'mu yabe.

Aposolo 10:37

Galili hepatoti hapi filoto Yutia kegi'a bu baga igo sipina Yoniu nagami'i fololoto li huto hinana lenali kehelilata nehabe.

Aposolo 23:10

Kenasabo binanauba napa huloto luba huse huse hago gimi bomagihi kaba'aniuba Poluhi yahi luga luga lite li gepe hilana'mu yabe luto keheli'ehina. Ai ya huloto gimi bo'a bona folagaha'aniguti limite Poluhi le'mo saga hite gimi bomagihi ule'ale noha'anigu le'mete bite malalabe luto enoho lifi'ehina.

Aposolo 5:33

Enali kanisole bona'magi aposolo bomagi lanaga kehelilete enitaluga logo bigo enoho fililune'mu hi'ahana.

Aposolo 7:54

Ya luto kaga enali kehelilete enipagu logo bigo enabagalo heni kofilete Sitifenihi sipi ipakafa he'ahana.

Aposolo 7:57

Ya luto noligo enali enegekesa'ani fi hekini lelete ho tite kehe sipi ite ahi kala kala melelete Sitifenihi bite nu ki saga hi'ahana.