Luku 23:25 - Ka Lamana'a Monoꞌi Lu Mu Tifiꞌehina Ka Yabe

²⁵ Ya'ma bo ai gamani bonatoga luba li huto huloto bona'i enoho fili'ehina bomofihi boana'magi aku'i le'malune lite lago Pailatiu Balabasihi li gulu fo etago bu'ehina. To enali kaga lana enemege'i moloto Yesuhi gimi bomagihi enayanugu molo'ehina yabe.

Luku 23:25 ပူးပေါင်းရင်းမြစ်များ

Matiu 27:26

Ya lite lago Balabasihi gulu ho etoto le'mo epi'ehina. Ya huloto Yesuhi naga osatu bi yigiloto ho etalo luto gimi bomagi malipu yafalo halabe'mu enali enayanuga epi'ehina yabe.

Maki 15:15

Ya lago, Pailatiu komopa'ani le'mo fulu hilube luto Balabasihi le'mo he'mi eto'ehina yabe. To yalo Yesu kumu kaga ligo, gimi bo'amagi naga osatu heba heba hi'ahabe. To le'mete bite malipu yafalo halo luto lu epilago, gimi bomagi le'mete bi'ahabe.

Luku 23:2

Enali hapi fite ka foya li etelete ma lite li'ahana: Lali ya'ma bo bu gota ai nagatimagihi hapa'ani le'mo fato fato suhi hu'ehibe. Ai takisi sipi Lomu bo ya'ma Sisatoga mehe'milo luto laga hu letalina kaga nolina bo yabe. To ai Mesia'ita gihiti bo nohube luto lulata nohina.

Luku 23:24

Ya hago Pailatiu enali lana ka'aniuba hago enali enemege'i moloto enabaga liyafa hilube'mu hu'ehina yabe.

Luku 23:26

Enali Yesuhi le'mete kapo melete nebite kapogu bo mone Simoni ai Sailini melugu bo fo telete yato li'ahana. Ai kifiguti oto sipi hepalugu tilube'mu nohina bo yabe. To enali Yesuhi malipu yafa lite gi'nalo malago kofiloto Yesuhi mege'i moloto bu'ehina.

Luku 23:5

Ya ligo asaga bona'magi sipi hite kehe ilete ma lite li'ahana: Ai boana'magitoga kaga lu epilago ai ka'auba asaga Yutia kegi'a boana'i enele'mo luba hulata nohina yabe. Ai Galili kapoguti hapi filoto ya'mana suhi humofa'na nohigo yatai ya'malo noabe.

Yoni 18:40

Ya ligo enali nogo'a felana melete li'ahana: O'e, ai'a ya mehubo. Lali Balabasihi gulu ho etobo. Lite li'ahana. Ya'ma bo Balabasiu koyapa'i luba huto gumina lilata bo naga'i emi'ahana yabe.

Yoni 19:16

Ya lite nelago Pailatiu kaga'anilo keheli epito Yesuhi malipu yafalo ho fililabe luto enayanugu le'mo molo'ehina yabe. Enali Yesuhi le'mete bi'ahana.

Aposolo 3:14

Ai hetofa bo foipana'a meni'ina bomofihi lenali lenemegesa hu emi'ahana yabe. Ya hilete lenali fato bo moneuba bo mone ho fili'ehina ya'ma bo limibo lite Pailatihi kehe igo ai le'mo lepi'ehina yabe.