Luku 22:70 - Ka Lamana'a Monoꞌi Lu Mu Tifiꞌehina Ka Yabe

⁷⁰ To enali: Ya hu'ehinaya kaiya Hu'mamofihi pana'a nohapihe? Ya lago Yesu lu epi'ehina: Lenali alu huto hite nelabe.

Luku 22:70 ပူးပေါင်းရင်းမြစ်များ

Matiu 26:25

Yutasiu Yesuhi fateha'amagihi enelepise bouba ma luto lu'ehina: Tisao, nani kumu nolapihe? Ya luto loka hago Yesu lu'ehina: O'yo, kai alu huto nohane.

Matiu 26:64

Yesu ka'alo nona'a lu'ehina: Kai a'nolane. Ya hu'ehina lenali asaga'i kaga mone lu lepilube. Yatai hiti to aliha'a yupa hiti Kokulumaguti limi'ehina Bouba ifo muya Sipi Boti Hu'mamofihi yahi lamaga'aga minoloto kokulumamofihi sopoha'alo aku alina'mu yabe.

Matiu 27:11

Enali Yesuhi sipi Lomu gamani bomofihi bulo le'mo ho tigo ma luto loka ho'ehina: Kai Yuta bona'magi sipi gihiti bo'ani nohapihe? Ya luto loka hago Yesu lu'ehina: Kaika alu huto nohane.

Matiu 27:43

Ai Hu'mamofihi komopa'a emito ai pana'a nohube lulata hu'ehina ai Hu'mau yatai abuto bino.

Matiu 27:54

Gimi bomagihi sipi bo'ani analo minoto Yesuto kaba hu'ehina hiti to luga'a bona'i hiti imima'i linana hiti to asaga huto hinana be gelete enelesa'ani gofa ligo ma lite li'ahana: Ma'naka luto ma boya Hu'mamofihi Pana'a nohibe.

Matiu 3:17

Ya nohigo kokulumaluguti kaga mone ma luto lu'ehina: Ya'ma nani'ni pana'ni mana'a nohibe. Laga nebesina pana'ni nohigo ai kumuko hetofa pana'ni yabe luto negelo bi emilata nohuna yabe luto kokulumaluguti lu'ehina yabe.

Matiu 4:3

Ya higo Satau aitoga henetiloto ma luto lu emi'ehina: Kai Hu'mamofihi pana'mo nohutomo ka'ma ni'ina efahi lu epitogo nose'na lolo hino.

Maki 14:62

Ya ligo, Yesu ma luto lu'ehina: Nani ana bo nohube. To alihi yupahi nani Kokulumaguti limi'ohuna Bomofita Hu'mamofihi lamaga'alo minenogo'ni bu galane. To aku kokulumaguti sopohi hiti noliminogo'ni bu galane.

Maki 15:2

To Pailatiu Yesu ma luto loka ho'ehina: Kai Yuta bona'magihi kigihiti bo'ani nohapiye? To Yesu: A'nolane, luto lu emi'ehina.

Luku 22:71

Ya ligo enali li'ahana: Lali fato bo Yesuhi kaga'a keheli'ehina bo sa sa mehilune to lali yatai ma bomofihi baga'aguti a'noligo a'nokehelune.

Luku 23:3

Ya lago Pailatiu Yesuhi loka ho'ehina: Kai ma'naka luto Mesiaga Yuta bona'magi gihiti bo'ani nohapihe? Ya ligo Yesu Pailatihi ka'alo nona'a lu emito lu'ehina: Kaika alu huto nohane.

Luku 4:41

To foipa felemagi babu boana'magitoga mine'ahanana Yesu enele'mo he'mi su ho'ehina. Ya nohigo ana foipa felemagi sipi ka kehe ite li'ahana: Kai Hu'mamofihi pana'a yabe. To ya nelago Yesu ka epekigo enali aku'i kaga melise bi'ahana. To hena'mube? Enali Yesu Hu'mau le'mo ho ti'ehina bo yabe lite akeheli'ahana yabe.

Yoni 1:34

To nani anana abu go'ohube. Ana bo Hu'mamofihi pana'a nohibe lu nolepube, luto Yoniu lu'ehina yabe.

Yoni 1:49

Ya luto lu emigo Filipiu lu'ehina: Tisao, kai Hu'mamofihi pana'a nohane. Kai Isilaeli meto gihiti bomo nohane.

Yoni 10:30

Afo'nifu hiti nani hiti moneko babeyafalo nohu'ibe.

Yoni 10:36

To nanimoya Afo'nifu nele'mo ho tito melugu noho lifi'ehina. Nani Hu'mamofihi pana'a nohube luto'ni ya'ma lenali henabe luto lube sibina huto lu'ahatabe lite nelabe?

Yoni 18:37

Ya ligo Pailatiu loka ho'ehina: Kai kigihiti bo nohane ya hifi? luto ligo Yesu lu'ehina: O'yo, kigihiti bo nohane luto lusiga nolane. To ito'nifu neketo'ehina'mu to huto hu'ohuna'mu ma melugu ka lamana'amu ya'ma lu yege haluta ya'ma nasana'muko o'ohunagi kehelilabe. To bona'i ka lamana'alo mege'i melete nehanamagi nani kaga'ni lu epise'namofihi akehelilata nehabe.

Yoni 19:7

To Yuta bona'magi ka nona'alo lu emi'ahana: Ai miya bo Hu'mamofihi pana'a nohube lu'ehina yana'mu ai hiti Hu'mamofi hiti moneko'na nohu'ibe nolina yana'mu ho fililibe. Lali keya kaguti ya luto nolibe.