Luku 22:53 - Ka Lamana'a Monoꞌi Lu Mu Tifiꞌehina Ka Yabe

⁵³ Nani asaga yupahi lenali hiti sipi mono nonugu minolata hu'ohuna lenali nani naga'i menimi'ahana yabe. Ya hi'ahana yatai lenali kanatini huto nohigo metepunamofihi amuya'a hiti yabe, Yesu ya luto lu'ehina.

Luku 22:53 ပူးပေါင်းရင်းမြစ်များ

Matiu 21:23

Yesu mono nonuga aku'i oto tito minoto boana'i kaga enelepito mino'ehina. Ya nohigo enali mono bo hiti to Isilaeli hepato enikibina bo hiti enali Yesutoga elete ma lite loka he'ahana: Hiya'agati lito o'ahata suhi li huto nohane? Ya'mana suhi kuyu'afu kelepi'ehina suhi nohane?

Luku 22:52

To sipi mono bona'i to mono noto kaba gimi negina bona'i to olopa bona'i enali Yesuhi le'malune lite ana bona'i ma luto Yesu lu epi'ehina: Lenali emita'i nelite osahi nelite hite neanaba lenali lubalo bo le'malune'mu nehafihe?

Luku 22:54

Ai ya luto alulago enali yato lite bilete le'mete mono bomagihi kaba bo'animofihi nonuga le'mete ti'ahana. Ye nehago Pitau ai enemege'i lifito fala kito bu'ehina.

Yoni 12:27

To Yesu kaga mone hiti lu epi'ehina: Yatai nani nipa'nigu nagabu gofa nogibe. To nani henabe lilube? Afo'niga ma kana lolo mehu netalata ya lilufi? Hena'mube? Ya'ma keke'i luse'na nugupisalo huto hina kanagu o'ohunagi huto hu netolenogo minalube.

Yoni 13:30

To Yutasiu beleti lito ana'asi nonuguti leke ho limito bu'ehibe. Metepu ito folugu kana hu'ehina yabe.

Yoni 14:30

Yatai kana'a hupamone ni'igo mone kaga melepilunagi asaga noto noto bona'magihi kaba bo sibi hu'ehinauba oto huto hilibe. Ai nele'mo sibina huto babeyafa hilinamofihi amuya'auba nebe meligilina'mu yabe.

Yoni 7:30

Ya luto ligo enali yato hite naga'i emilune'mu hanaya mone bufalo lite ya hite mehi'ahana hena'mugope ai kana'a meo'ehina'mu yabe.

Yoni 7:45

Gimi bomagi i behe hite sipi mono noto bo hiti Felosi bo hiti nehanalo bago enoloka he'ahana: Lenali henabe lite le'mete meabe?

Aposolo 26:18

To kai enubu'ani li gili gili huto metepunaguti fana mehenagu enele'mo nomoloto Sataha amuya'aguti Hu'mamofihi kapo'agu enele'mo malalane. Ya hitogo enali komopa'ani nanitoga niminogo foipana'ani kele li epelenogo Hu'mau enele'mo eto higo nehana bona'magi folagaha'anigu hepa'ani lilabe.

Efeso 6:12

Lenali ya'ma akeheli'ahabe. Lali fa'mene lugufa hiti bona'magita luba sabo menohune. Metepu kapo kaba nehana to Satahi kaba bo'a hiti enikibina bo sipi'a to sipi bo amuyana'a nehananamagi to foipa kene'i samahi tito kokuluma megesa'aga neminana enali luba li huto hu limilata nehabe.

Kolose 1:13

Ai Satahi amuya'amofi hiti metepuhi hu'ehina kapo'aguti lele'mo kefefe huto lubuto bi'ehina. To ai'a pana'a gi moneko pana'amofihi kapogo lele'mo molo'ehina yabe.