Luku 22:52 - Ka Lamana'a Monoꞌi Lu Mu Tifiꞌehina Ka Yabe

⁵² To sipi mono bona'i to mono noto kaba gimi negina bona'i to olopa bona'i enali Yesuhi le'malune lite ana bona'i ma luto Yesu lu epi'ehina: Lenali emita'i nelite osahi nelite hite neanaba lenali lubalo bo le'malune'mu nehafihe?

Luku 22:52 ပူးပေါင်းရင်းမြစ်များ

Matiu 26:47

Yesu kaga luto nohigo Yutasiu 12 Yesuhi koko pana'a mino'ehinauba Yesu nohinalo neheti'ehina. Ya nohigo babu bona'i mege'i melete yanamagi emita'i yatamana nelite osahi ko nefite bululu hite e'ahana. Ya'mana bona'i enali sipi mono bona'i hiti to soga bona'magi enoho lifigo e'ahana yabe.

Matiu 26:55

Ana kana'asilo Yesu fateha'amagi ma luto lu epi'ehina: Lenali baukalo bo helata nehana suhi lite nani'i nahalune lite yatama emita'i hiti yatama hoso hiti kefefa hite neafihe? Henabe lutobe? Asaga yupahi nani babu boana'i hiti sipi mono nonugu ka enelepito minolata huna lenali bite nayato meli'ahana yabe.

Luku 22:37

Hena'mube? Mono bukugu kaga ma luto ni'ibe: Enali foipa bo hiti le'mo malalabe. To nani lu nolepube lu'ehina. Ya'mana kagauba nanitoga huto hilina'mu yabe. Asaga fayahi keye'ahana ya'ma kaga monolugu nani kumu'i ninalo yatai mana'a huto hilube'mu nohibe.

Luku 22:4

Ya higo Yutasiu sipi mono bo to mono noto kaba gimi negina bona'i enalitoga Yesuhi enayanuga bilinamofihi gutunu ka lu epilube'mu bu'ehina yabe.

Luku 22:51

Ya higo Yesu bu goloto ma luto lu emi'ehina: Ya'ma suhi anasi yagi lenali yatai he'milo. Ya luloto ana bomofihi gufalo meko higo ana ekesa'a aku'i bati hu'ehina yabe.

Luku 22:53

Nani asaga yupahi lenali hiti sipi mono nonugu minolata hu'ohuna lenali nani naga'i menimi'ahana yabe. Ya hi'ahana yatai lenali kanatini huto nohigo metepunamofihi amuya'a hiti yabe, Yesu ya luto lu'ehina.

Yoni 17:12

Enali hiti minota yupahi ya'ma nanitoga enele'mo molo'ahata bona'i ya'ma kaika kigika nimi'ahata yamofihi amuya'auba ya'ma kagakaloti enehe'moto nohugo yamofihi kaba huse'nakagu mine'ahana. Ya hilago kaba hu epoloto nohugo haya mekele'ahana yabe. To mono bukugu keye'ahanamofihi kaga mone ule'ale hilibe luto logo hepa'mofihi nasana bo, ai'a moneko'isi ya'ma fakene huto huto hu'ehina.

Aposolo 5:26

Ya lite lago enali mono noto gimi bo yagi to luga'a gimi bo'a hiti enele'mo mege toloto buto aposolo bona'i sipi mono nonugati enele'mete e'ahana. Enali gimi bomagi aposolo bona'i osahi meepise enele'mete e'ahana yabe. Hena'mugope aposolo bomagi kaga'anilo kehelite nehana bona'magi enitaluga logo binogo efa kosatu'i legene ite loho fililafi lite enelesa'ani ligo yabe.