Luku 22:5 - Ka Lamana'a Monoꞌi Lu Mu Tifiꞌehina Ka Yabe

⁵ Ya ligo enali enegelo bilete fokehi kaga lu bati hilete efahi kimiluta'mu yabe li'ahana.

Luku 22:5 ပူးပေါင်းရင်းမြစ်များ

Luku 22:4

Ya higo Yutasiu sipi mono bo to mono noto kaba gimi negina bona'i enalitoga Yesuhi enayanuga bilinamofihi gutunu ka lu epilube'mu bu'ehina yabe.

Luku 22:6

To Yutasiu bati huto yabe, luto ka'anilo lu'ehina. To ai Yesuhi mi'i moloto le'moto oto enayanugu malalinamofihi kapo'a sa sa hu'ehina. Ai boana'i babu lite Yesu hiti meminalana yupahi yabe luto ana kana geba huto mino'ehina yabe.

Aposolo 1:18

Yutasiu Yesuhi fateha'amagi emina efatu'i me'i nesi'a mone mina fi'ehina yabe. Ai ana melugu buto ho kago ipa'a folaganuguti i hokolo gehesa higo asaga komopa'agu ninana fegutoga limi su hago fili'ehina yabe.

Aposolo 8:20

Ya noligo Pitau lu emi'ehina: Kai hiti efahaka hiti lito logo kapogu bubo. Henabe luto efahakatu Hu'mamofihi amuyana mina filane?

2 Pita 2:15

Enali kapo fotogo hina'alo ya'ma enemegesa hi emite leke he melete ya'ma Bosolohi pana'a Balamu ai koyapa bu'ehina kapogu mege'i melete nehabe. Ai foipanamofihi mina'a lilube'mu topa ho'ehinamo Hu'mau ana foipana'mu ka emeki'ehina. Yamofihi toki yaga'auba kaga menolinauba bona'magihi nogo huto luloto ya'ma Balamu kaga leli'ali bo faga faganamofihi negi nasana hilube'mu nohina kapo'a hekini lo eto'ehina yabe.

2 Pita 2:3

Ya nehinogo faga mono ka lilata bo enali yogo fe'no kumu topa hete komopa'aniguti kaga huto nehinogo lenimi'i melete ana'ina'ani kita hite lilana'mu yabe. Foya ya hite lilanamagi nona'a epilube luto Hu'mau ka foyagu enele'mo malalina bouba yatama kana enegeba huto minana buto su mehabe. To Hu'mau osahi epilina bouba bu'i mekose nohuto'a bu enogoloto nohibe.

Yute 1:11

Akae. Enali minete ya'ma hena hena hilana ni'ibe? Enali Atahi pana'a Keniu foipa kapo'alo bu'ehina'a ya'ma kapolo bilana suhi hite ya nehabe. To efaha fe'nopofihi laga'a kehelite lite minete Balamuhi kapolo ya'ma me'me hite nebabe. To Kolau ai Hu'mau lu'ehina ka'amofihi pelesa ito he'mi'ehina ana hite kegeiyo hilete'ani yanauba enele'mo laba hinogo fililana'mu yabe.