Luku 22:43 - Ka Lamana'a Monoꞌi Lu Mu Tifiꞌehina Ka Yabe

⁴³ To agelo bo mone aitoga nehetiloto le'mo amuya molo'ehina.

Luku 22:43 ပူးပေါင်းရင်းမြစ်များ

Matiu 26:53

Nani Afo'nifihi nehe'malibe luto kehe ilunaya agelo gimi bo 12 tauseni'a be ligito babu lito enoho mefilibe luto kai mekehelipiye?

Matiu 4:11

Ya ligo Satau he'mi etoto abufa nohigo agelomagi ete analo Yesuhi he'me'ahana yabe.

Matiu 4:6

ma luto lu emi'ehina: Kai Hu'mamofihi pana'a nohutomo maloti heleko lago uma melugu limibo. Mono kauba ma luto lulata nohibe: Hu'mau kai kumu luto agelo'a enoho lifinogo limite nehinogo enali enayanugu limito ketogo kele'mo saga hilana'mu yabe. Ya hinogo efahuba kigika noto ya huto mehilina'mu yabe.

Luku 22:32

Ya hu'ehina nani afo'nifihi loka hoto kaitoga kehe'malibe luto ahu'ohube to kai nanitoga komopaka moloto nominatana mehe'mibo. To alihi komopaka i gelehe huto olotomo yalo kaikago'i kai to kogonakamagihi enele'mo amuya molobo.

Aposolo 14:22

Ya hilete etali Yesuhi kaga'a kehelise bona'magihi amuya melete mono ka lu epiba epiba hite li pili kalo lite lu epi'aha'ina. Ketana babu luto yata'a kofito bulototi alihi Hu'mamofihi kapo'agu tilune lite Polugo Banabasiugo lu epi'aha'ina yabe.

Aposolo 18:23

Analo'i nesi kana minoloto ana hepa'i he'miloto Galesia kegi'a hiti Filigia kegi'a hiti bula ola huto boana'i Yesutoga komopa'ani melete neminanamofihi enele'mo amuya molomofa'na hu'ehina yabe.

1 Timoti 3:16

Lali mono'mofihi suguna ka fala kito mino'ehina yamofihi legeya'a Yesuhi hapa'amu lite lu huto hilata nehana yamofihi koli'a hiti nasana ni'ibe. Kilisito kumu ma luto nokehelune. Ai ya'ma lali lugufa lolo huto li huto hu'ehina. To Sikalafu'uba ai hapa'a li huto higo fu ligo mino'ehina keheli'ohune. To agelo bona'magi ai'i be ge'ahana. To noto noto bona'i folagaha'anigu ai'a ka'a lu yege hago enali keheli su he'ahanamo ni'ibe. Melugu bona'magi ai kumu kehelite amuya mele'ahana. To kokulumamofihi fana meha'alo Hu'mau le'moto ti'ehina yabe.

Hibulu 1:14

Ya luto agelomagihi lu meepi'ehinamo ni'ibe. Agelo silaga'i enali meha'a hiti Hu'mamofihi kele kele'a nehanaya bona'i enubuto bilatanamagihi enehe'mete enele'mo bati hilabe luto Hu'mau enoho nolifibe.

Hibulu 1:6

Mone ya'ma minoto kohe toto pana'a ho lifinogo melugu limilube'mu nohigo pana'amofihi kaga'a ma luto lu'ehina: Hu'mamofihi agelo bona'a enali asaga'i lipi emite foke ka li emilabe.

Hibulu 2:17

Ya hu'ehina'mu Yesu ai lali'i mamufa gi letolata boti sipi bo komopa'a molo letoto to Hu'mamofihi gobisalo foya amuya moloto lilatanamofihi minalibe luto bona'i lali'i foipanati okala hu letalibe luto ya'ma ai henana hu'ehibe? Ai lali hiti gonamu tamu'a lolo huto'a fili'ehinamo ni'ibe.