Luku 22:41 - Ka Lamana'a Monoꞌi Lu Mu Tifiꞌehina Ka Yabe

⁴¹ To Yesu analo enali'i he'mi epololoto ai'asigo bo moneuba efahi he'mi nomalana legege'alo bu mololoto lapusa nohifito lipito minoloto ma luto nunumu hu'ehina:

Luku 22:41 ပူးပေါင်းရင်းမြစ်များ

Matiu 26:39

Ya luto luloto ai nesi'asi i gofa hoto buloto okabagati melugu koloto ma luto nunumu hu'ehina: Oho, Afo'niga, kai kekesa yigilata bati hinogomo, ma ekesa nagami'i nalunamofihi kohi li he'mi netobo. Ya hu'ehina kai nani'i nemege'i moloto ka'ni liyafa mehuto, kaika kemehuba hilina suhi hubo.

Maki 14:35

Ya luto yalo nesi'asi buloto melugu kana fu tito koloto nunumu huto Hu'mamofitoga ya'ma gupisalo gabu'i gise'namofihi kana'a aku'i huto mehilifi to huto hilifi ya luto loe lugufa ekesa kehelito loka ho'ehibe.

Luku 18:11

Ai Felosi bouba ho tiloto faha'alo buto ho tito nohuto ma luto nunumu komopa'agu hu'ehina: O Hu'mao, nani bona'i luga'amagi suhi huto menohube ya'mu nani kegepohi nolube. Bona'i gumina felete to bo alobo loko hila ya hila nehana bomagihi suhi huto naniya menohube. Ana huto ya'ma bo ai takisi lilata nohina bo legi huto menohube.

Luku 18:13

To takisi lilata bo fato'i ho tito minoloto kokulumatoga bu go saga huto bu megose melugu lipito bu goloto minoto yahi gofa holoto ma luto nunumu lu'ehina: O Hu'mao, nani foipa bo kai kiginaga fi nimibo.

Aposolo 20:36

To Polu ya'ma kaga lu su hago enali hiti ai hiti lahupa nohi fite nunumu hi'ahana.

Aposolo 21:5

To ya'ma li nupa hu'ohunamofihi kana'a su hago anagati he'mito buna yupahi enali asaga'i liha'ani hiti yagapana'ani hiti lele'mete bite to hepa'i he'mite lele'mete nebago lali asaga'i moneko'na nagami beletoga kehetoga lahupa nohi fito nunumu hu'ohune.

Aposolo 7:60

Ya noluto ai lapusa noto minoloto mone'a hiti kehe sipi iloto ma luto lu'ehina: Sipi Bo, enali ya'ma li huto nehana foipana'ani'mu luto kekesa mekehelibe. Sitifeniu ya luto luloto ana'asilo fili'ehina yabe. Ya hite, Sitifenihi hanana'mu Soliu keheligo gufaluga bati hu'ehina yabe.

Aposolo 9:40

Ya hago Pitau asaga bona'i ana hasaguti enele'mo fegu toloto lapusa nohi filoto nunumu hu'ehina. Ya huloto ai ana a'mofihi i behe huto bu goloto ma luto lu'ehina: Tabitao, kai ho tibo. Ya noligo bu i gili huto Pitahi bu goloto sipaloti ho tito analo mino'ehibe.

Hibulu 5:7

Yesu ai metoga mino'ehina kana'alo Hu'mamofihi kehe sipi igo bu nogoya nolimigo sipi nogo moloto buka tito ya'ma fili'ehinaguti le'mo gelehe higo yamofihi buto bise bo, Hu'mamofihi amuya moloto loka ho'ehina yabe. Ya higo Hu'mamofihi maha'aluga limito mino'ehina'mu luto to agoya hu emise'namu Hu'mau keheli emi'ehina.