Luku 22:37 - Ka Lamana'a Monoꞌi Lu Mu Tifiꞌehina Ka Yabe

³⁷ Hena'mube? Mono bukugu kaga ma luto ni'ibe: Enali foipa bo hiti le'mo malalabe. To nani lu nolepube lu'ehina. Ya'mana kagauba nanitoga huto hilina'mu yabe. Asaga fayahi keye'ahana ya'ma kaga monolugu nani kumu'i ninalo yatai mana'a huto hilube'mu nohibe.

Luku 22:37 ပူးပေါင်းရင်းမြစ်များ

Maki 15:27

To Yesuhi hiti guminalo bo loemo ana hite malipu yafalo etehe'ahabe. Mone hete lamaga'aga yafa fite to mone hete soga'aga yafa fite etehe'ahana yabe.

Maki 15:28

Ya hite etahago mono ka koyapa koyo'ehina ka ya'ma huto hu'ehibe. Ana kaga ma lu'ehina: Ai hiti foipa bole hiti enehe'ahabe.

Luku 18:31

Yesu yahi luga luga su hago gigusaga loemo leke ho malago aposolo panana'a enele'moloto ma luto lu epi'ehina: Kehelilo. Yatai Yelusale hepato tilune. Ya hulenogoti lu huto huto bona'magi koyapa'i asaga kaga Kokulumaguti limi'ehina Bomofi kumu lime lime ti'ahana yatai nose'na'a huto hilibe.

Luku 22:22

Kokulumaguti limi'ehina Bo Hu'mau lu'ehina mege'i moloto fililina'mu yabe. Ya hu'ehinaya ai fatehe bomagihi enayanugu nele'moto buto malalina bomofi buya hilina'mu yabe.

Luku 22:36

To yatai kehelilo, luto Yesu lu epi'ehina: Mone bouba gu'afi to efaha'a ni'inogomo yatai li pili keno. To bo moneuba sipi emita'a meni'inogomo bufalo'na hetito buto bona'i epinogo efatoti mina filenogo ai sipi emita'a alino.

Luku 22:52

To sipi mono bona'i to mono noto kaba gimi negina bona'i to olopa bona'i enali Yesuhi le'malune lite ana bona'i ma luto Yesu lu epi'ehina: Lenali emita'i nelite osahi nelite hite neanaba lenali lubalo bo le'malune'mu nehafihe?

Luku 23:32

Enali ana hite foipa bole loemo etele'mete hiti bi'ahana. Enali Yesu hiti moneko kumu enoho fililune'mu hi'ahana yabe.

Luku 24:27

to ai Moseu hiti to lu huto huto bomagi hiti ai kumu fayahi koyapa'i ge'ahanaloti mono kaga silaga'namo hapi fito luto tiloto etegekesa lu hokolo hu'ehina.

Yoni 10:35

Ya'ma lali mono kaga keye'ahana lamana ka ni'igo mino lito bu'ehina kaga ni'ibe. Hu'mau ka'a lu epi'ehina'a enali kumu nani suhi hite mine'ahabe luto Hu'mau lu'ehina.

Yoni 17:4

To foya nimi'ahata li su nohago metoga kaika fana mehaka huto hulata nohigo enelepi'ohube.

2 Koliti 5:21

Kilisito ai foipana'a meni'ina bo ya'ma Hu'mau lali kumu luto lali foipanati ai gupisa'alo molo eto'ehina. Hena'mube? Ya'ma lali Kilisito hiti i hepiloto Hu'mamofihi bulo fotogo huto minalune luto yamofihi lolo hu'ehina.

Galesia 3:13

Ya huto ni'inaya keya kamomu'i lalitoga gumi'i ho'ehina'a kilisitou ai gupisa'alo li'ehina yabe. Ya huto keya kamofihi gumi'mofihi nagaluguti gulu ho leto'ehina yabe. Ananamomu'i mono bukugu ma luto ni'ina: Yafalo halana bomofitoga gumi'i tilibe. To Kilisitou ai lali kumu luto malipu yafalo fililoto ya'ma gumi'iloti lubuto bi'ehinagihe.