Luku 22:34 - Ka Lamana'a Monoꞌi Lu Mu Tifiꞌehina Ka Yabe

³⁴ Ya ligo Yesu Pitahi lu emi'ehina: Pitao, nani ma'naka luto lu nokumube. Yatai folugu'i kokole nogo memolo'ehinogo loegi monegi yupahi nani nigi'ni li fala kito ai'i mekeheli'ohuna bo'mu kaga nelabe luto lilata'mu yabe.

Luku 22:34 ပူးပေါင်းရင်းမြစ်များ

Matiu 26:34

Ya luto ligo Yesu ka'alo lu emi'ehina: Kai ma kaga matuhakagu li molobo. Yatai folugu'i kokole nogo memolo'ehinogo kai loegi monegi yupahi nani'i mekeheli'ohube luto bahane halata'mu yabe.

Matiu 26:74

Ya lite lago Pitau lusi amuya mololoto bahane hoto lu'ehina: Faga nolinogo'nimo Hu'mau naga'i nimilibe. Nani ma'naka luto ana bo mekeheli'ohuna bo'mu nelabe. Ya luto noligo ana baga'a hiti kokole nogo molo'ehina.

Maki 14:30

Ya ligo, Yesu ka'alo ma luto lu emi'ehina: Nani lusiga lu nokumube. Kai yatai folugu'i kokole loe yupahi nogo memolo'ehinogo kai nani kumu: Ana bo mekeheli'ohube, luto bahane hoto loeyagi moneyagi yupahi bahane hoto lu epilane. Yesu Pitahi ya lu emi'ehibe.

Luku 22:33

To Pitau ma luto lu emi'ehina: Sipi Bo, nani kai hiti buto nagalugu moneka bilu'ibe luto loloba huto nohube. To kai hiti moneka fililu'ibe luto loloba huto nohube.

Luku 22:35

To Yesu lu epi'ehina: Yata'a lenoho lifi'ohuna yupahi efahatinifi gutinifi to lenigigu'natinifi melise bilo, luto lu lepuna yupahi lenali luga'a meni'ibe lite sa sa hi'ahafi ya mehi'ahabe? To enali li'ahana: O'e ya mehu'ohune.

Luku 22:61

Ya nohigo Yesu i behe huto bu golago buto Pitahi bugu bu gago Pitau koyapa'i Yesu ma luto lu emi'ehina kaga ekesa hokolo hu'ehina: Ya'mana folugu'i kokole nogo memolo'ehinogo loebe monebe yupahi Yesuhi mekeheli'ohube luto bahane ho netalata'mu yabe.

Yoni 13:38

Ya ligo Yesu lu emi'ehina: Ya hifi? Nani kumu fililube'mu lusiga nolapi? Nani ma'naka lu nokumube. Etehi folugu'i kokole nogo memalalina kana kai yupahi loebe monebe nani kumu menokehelube luto bahane hoto lu epilane, Yesu ya luto lu emi'ehina yabe.

Yoni 18:27

Loka hago Pitau lu'ehina: O'e, luto bahane hago ana'asi fegutoga kokole moneuba nogo molo'ehina yabe.