Luku 22:31 - Ka Lamana'a Monoꞌi Lu Mu Tifiꞌehina Ka Yabe

³¹ Simonio. Simonio. Kai kehelibo. Satau lenali kumu enimi'i malalube luto higo Hu'mau lu laga mehu etobe. Ai lenali'i lenele'malube luto uiti legeya'a hiti noha'a hiti li gelehe huba huba huto kehe noibe ya'ma tegi huto lenebe ligilube'mu nohinagihe, luto Yesu lu'ehina.

Luku 22:31 ပူးပေါင်းရင်းမြစ်များ

Matiu 26:30

Ya luto lu baga igo enali mono nama mone lilete fegutoga heleko limite Oliba kosagu tite mine'ahana yabe.

Matiu 4:10

Ya ligo Yesu Satahi ho lifito ma lu'ehina: Satao, abufa hubo. Mono kauba: Hu'mamofihi Sipi Bo aisigo gi'a li saga huto fokehi hoto agoya hu emibo, luto lulata nohibe.

Luku 10:41

Ya noligo Yesu ka lu emito lu'ehina: Matao, Matao. Kaiya kekesa yigiba yigiba silaga'namu'i nohuto kipakagu keta hulata nohane.

Aposolo 9:4

Ya higo Soliu melugu limito koloto nogo'a moneuba ma luto noligo keheli'ehina: Solio, Solio. Kai henabe luto negene mane ito nonahane?

1 Koliti 5:5

ana mokolo bomofi folagahatiniguti he'mi etelete Satahi yanugu malalabe luto nolu lepolobe. Hena'mube? Ya'ma gufa'auba foipa nohina hapa'a Satau le'mo sibi hulenogo to komopa'a li gelehe higo Hu'mau ana bo buto bulenogomo Sipi Bo Yesu Kilisito nehetilina kanagu meha'a minalibe luto yabe.

2 Koliti 2:11

Satau ai fi taga hu letoto lebe ligi lalibe luto foipana he'milata nohube. Satau ya'ma ana'ina lolo hu letalube luto kehelilata nohina'a akeheli su ho'ohune.

1 Pita 5:8

Lenali lenegekesa keheliya ite kaba hi etete minalo. Fatehatini ya'ma Satau, ai lopi kala ya suhi huto mino'ehina kala bo mone heni etalufi ai heni etalufi luto sa sa huto bula ola huto mone le'mo sibina hilina'mu yabe

Huto Hilina Ka 12:10

Ya nehago kokulumaga ka sipi ma luto huto higo keheli'ohuna: Hu'mau lubuto bilata nohina to ai amuya bo to gulu ho letalibe luto lu leto'ehina bomofihi kaba hulata amuya'a ya'ma ahuto hu su habe. Le'mo ho ti'ehina bo, Mesia ai amuya'a huto huto nohinagihe. Ligibo lalalutigihi enali kalana'i molo epolo'ehina'mu Hu'mamofihi gobisalo ho tito kana'amu kana'amu utehi etehi ka foya li epoloba li epoloba hu'ehina bo ai ya'ma kokulumatogati fitu fo he'migo limi'ehibe.