Luku 22:26 - Ka Lamana'a Monoꞌi Lu Mu Tifiꞌehina Ka Yabe

²⁶ Ya hu'ehinagi lenali ya'mana suhi mehilo. To bo mone folagahatiniguti nani sipi'a nohube luloto ai yagapana'i lagaso'a legita huto mineno, to kaba bo ai koko pana tegi huto mineno.

Luku 22:26 ပူးပေါင်းရင်းမြစ်များ

Matiu 20:26

Ya'ma suhi lenali folagahatinigu memineno. Mone bo lenali folagahatiniguti sipi bo minalube lutomo ai lenali kele kele botini minoto lenehe'meno.

Maki 10:43

To lenali ana suhi hite meminalabe. Lenalitoga sipi botini lolo hilina bouba ai lili'na bonatini nohilibe.

Maki 9:35

Ya hago Yesu komopa'atu keheliloto meto minoto'a pana'alobo'a 12 magi kehe igo ago ma lu epi'ehina: Kibina bouba fa'menena'mu kibina bo lolo nohifihe? O'e. Ai yata'a fa'mene bo nohuto asaga bona'magihi koko hu epoloto alihi kibina bo lolo nohibe.

Luku 9:48

ma luto lu epi'ehina: Bo moneuba ma lagaso yagapana'i nani kumu he'malina ai nani'i nehe'malina'mu yabe. To bo moneuba nani'i nehe'malina ai nani'i noho lifigo limi'ohuna bo he'malina'mu yabe. Bo mone folagahatiniguti nesi bo laba huto nohilina ai sipi bo nohibe.

Romu 12:2

To lenali asaga melugu bona'magihi hapa'ani mege'i memalalo. Hu'mau komopatini li gelehe hu lepololenogo lenegekesa kehelise yuhufana lolo hilina'mu yabe. Ya hulenogo Hu'mamofihi hetofa hapa'amu kehelite to ai bita nohina'mu to ekesa kehelina bati nohina'mu hiti asaga hetofanamofihi ai'a fokehi luse'na'amu lenali keheliya ilabe.

1 Pita 5:3

Ya nehite sipi bo'ani lolo hila ya hila mehilo. Ya'ma bonatini kaba hi epalana'amagihi lenali legeso hite enali hiti koguna ite minalo. Hu'mamofihi naga'i sipisipi yagamagihi enele'mo kohe tete ai'a kagu kehelite ineme limite minete ya hite minalabe.

1 Pita 5:5

To neheya kola bo lenali ana hite olopa bomagihi agoya hu epite limite minalabe luto lu nolepube. Ya nehite lenali asaga'i lili'namofihi kibi bite ai agoya hu eminogo ai agoya hu eminogo hite minalana nasana lite kele kele pana'a suhi hite minalabe. Yamofihi mono bukugu kaga mone fayahi keye'ahanamo ma huto ni'ibe: Hu'mamofihi ai enugufa'ani lelite tilata nehana bona'i enali lukesa'ani sigilata nohibe. To bona'i limite minana'amagihi ya'ma enele'mo hetofa huto enehe'molata nohibe.