Luku 22:20 - Ka Lamana'a Monoꞌi Lu Mu Tifiꞌehina Ka Yabe

²⁰ Alihi enali ne su helete ai bai nagami'i lito ana suhi huloto ma luto lu'ehina: Ya'ma bai nagami'i nolepunaya nani golaha'nilo lenali kumu kaga lu molo'ehina yabe luto Hu'mau lu mu tifise'namo yuhufasi ni'ibe.

Luku 22:20 ပူးပေါင်းရင်းမြစ်များ

Matiu 26:28

Ya'ma nani golaha'ni ni'ibe. Hu'mau lu mu tifise'na'a golaha'ni huto hu molo'ohube. Asaga boana'magihi foipana'ani li gololo tu epalalibe luto nani nohekube.

Maki 14:24

Ya'ma nagami'i golaha'ni yabe. Hu'mau bona'magi kumu luto kaga lu molo'ehinalo'i golaha'ni limi su halibe. Ya'ma Hu'mamofitoga lu mu tifise'na'amu yabe luto golaha'ni li huto hu molo'ohube. Yege yege bona kumu luto limi su halina'mu yabe.

1 Koliti 11:25

To nose'na nelago bai nagami kohi ana suhi huto lito ma luto lu'ehina: Ya'ma konugu Hu'mamofihi mu tifise'namofihi ka'a kosaba'namofihi golaha'ni malalunamo ni'ibe. Nalana'amu nalana'amu ya'ma nani kumu keheli nimite ya hite nete minalo.

2 Koliti 3:6

Hu'mau ai'a ya'ma lele'mo bati higo lu mu tifise'namofihi ka'a kosaba'namofihi foya'a ya'ma lilata nohune. Lu laga hi'ahana ka fayahi keye'ahana ya'ma keheliya ise'namofihi foya ni'igopa Sikalafu'i li emilata foya'a ni'ibe. Lu laga hi'ahana ka fayahi keye'ahana yauba lemehati filise'na li huto hu limilata nohibe. To Sikalafu'uba minoba minoba huto lemehiti minolata nasana ya'ma li huto hu limilata nohibe.

Hibulu 12:24

To lu mu tifise'namofihi ka'a kosaba'i li huto huloto folagahatigu nohina bo, Yesutoga abu neheti'ahabe. To koyapa'i Ebelihi golaha'auba ya'ma meluguti Ebeliu ho fili'ehinamofihi foipana'mu pa salibe luto lu'ehina. Ya huto ni'igopa, Yesuhi ai'a golaha'auba fepa kopa i'ehina yanauba lelito tito ana'ina legeya'amu fifa ito kehe ilata nohina yalo bu neheti'ahabe.

Hibulu 13:20

Fulu husemofihi afo'afu, Hu'mau ai Sipi Boti Yesu ai'a golaha'atu lele'mo bati huto ule'ale hu letoto minolatana ya'ma minoba minoba mu tifise'namofihi ka'a li huto hina'mu yabe luto sipisipi yagamagihi kaba bo'ani lolo hu'ehina bo fili'ehinaguti le'mo ho tito ho lifi'ehina bo nohigi,

Hibulu 9:15

Ya hu'ehina'mu Kilisitou ai'a ya huloto lu mu tifisemofihi ka'a tafa'a yanagu bona'i mine'ahana foipana li huto hi'ahana yaguti li kele li letalube luto fili'ehinamo ni'ibe. Ya hu'ehina'mu bona'i yata'a lu mu tifise'na kagalugu mine'ahana Kilisitou foipanaguti gulu ho epolo'ehina yabe, luto fili'ehina. To nofilito Hu'mau elesa molo epi'ehina bona'i enali minoba minoba husemofihi kokulumagu yogo fe'nohi lilabe luto lusa gi epalalina'mu yabe. Ya'ma bati hite lilabe luto Hu'ma hiti bona'i hiti enele'mo hepiloto lu mu tifise ka'a kosaba'i li huto huto molo leto'ehinamo ni'ibe.

Hibulu 9:17

Ana bona'i kosaba'i bu hiti nohinogo yogo fe'noho nasanamofihi ka'a ya'ma fa'menego minalina'mu yabe. Fililenogo yamofihi legeya'a huto hilina'mu yabe.