Luku 22:2 - Ka Lamana'a Monoꞌi Lu Mu Tifiꞌehina Ka Yabe

² To enali mono bona'i to kaga keheli bati hi'ahana bona'i enali boana'magihi koli hilete ma lite li'ahana: Lali hena hulototi Yesuhi ho fala kilune?

Luku 22:2 ပူးပေါင်းရင်းမြစ်များ

Matiu 12:14

Ya higo enali Felosi bona'i heleko limite bite li nupa hilete Yesuhi halune lite kaga lu keheli fa keheli hi'ahana yabe.

Matiu 21:38

Ya higo enali foyagu lili'na nelina bomagi ana pana'a bu gelete ma lite musi musi ka li'ahana: Ya'ma bouba ai afo'afihi fe'noha'a li su halina'mu yabe. Lenali ho tilo, lali mana pana'a ho fililototi ya'mana foya'a laliti lilune.

Matiu 26:2

Lenali akeheli'ahabe, loe yupahisi minolototi koyapa Hu'mau lubuto bu'ehina yupa kumu Pasa yabe nelana ya'ma nose'na naluta kana'a huto hilina'mu yabe. Ya hulenogoti Kokulumaguti limi'ehina Bomofihi le'mete bite fateha'amagihi enayanuga melenogo malipu yafalo ho fililana'mu yabe.

Maki 14:1

To yalo ana kanagu, sipi mono bomagi to mono ka enelepise bomagi hiti Yesuhi suguna huto naga'i emito ho fililune lite mine'ahabe. To ana kanagu, Yuta bona'magi asaga'i sipi mono yupapo hapi filune'mu hite minete: Loe yupahi su holenogo naga'i emilune lite kana mele'ahabe. Hena'mube? Ana loe yupahi, mono yupahi yagi, sipi nose'na loemo laita hilata nehana kana yabe. Mone nose'na kana Pasa yabe nelana, ya'ma koyapa Hu'mau enubuto bu'ehina yupa kumu yabe. To mone nose'na kana enali beleti nose'na'ani yisiti hiti lolo mehise fa'mene nenana ya'ma yupa kumu yabe.

Luku 20:19

Ana yupahi keya ka babafi bo to sipi mono noto kaba enali kumu luto Yesu bame ka ligo enali keheli sibina hilete Yesuhi ana hepato naga'i emilune'mu hana babu boana'magi mege'i nemalago koli he'ahana yabe.

Yoni 11:57

To sipi mono nohi kaba bomagi hiti to Felosi bona'magi hiti boana'i lu epi'ahana: Yesu nominalina hepa'a kehelilete ete lu limilo, lite ya'ma kaga mele'ahana. Hena'mube? Naga'i emilune, lite li'ahana yabe.

Aposolo 4:27

Ya'ma Tebitiu koyapa'i ya lu'ehinagi to lusiga ma'naka luto Helotiugo Ponitiasi Pailati hiti enali fato naga'a hiti to Isilaeli bona'i enali Yesuhi le'mo melugu malalune lite moneko ma hepalugu li nupa hi'ahana, ya'ma koko panaka mana'a koyapa'i le'mo molo'ahata yabe.