Luku 22:18 - Ka Lamana'a Monoꞌi Lu Mu Tifiꞌehina Ka Yabe

¹⁸ Nani lu nolepube, yatai hiti to alihi hiti nani bai nagami'mofihi pana'a menose nohinogo'ni alihi Hu'mamofihi Kapo'a alina'mu yabe.

Luku 22:18 ပူးပေါင်းရင်းမြစ်များ

Matiu 16:18

Ya hanogo nani lu nokumube: Pita, kaiya efa tegi suhi luto nohane. Ya hu'ahatago ya'mana efato nani mono noha'ni giluna'mu yabe. Filise'namofihi amuya'auba be megilina'mu yabe.

Matiu 26:29

Nani ma'naka luto lu nolepube. Nani mana bai nagami'i menose minomo buto buto'ni Afo'nifihi kokuluma kapo'alo lenali hiti yuhufa bai nagami'i naluta'mu yabe.

Maki 14:23

To yalo bai nagami kohi lito, Hu'mamofitoga foke ka luto'a yalo li epilago, enali asaga'i ne'ahana yabe. To nenago, Yesu ma luto lu epi'ehina:

Maki 14:25

To lusiga lu nolepube. Nani yatai bai nagami'i nonobe. Aku'i asaga yupahi menalube. To alihi Hu'mamofihi kapo'a huto aku'i yalo yuhufasi naluna'mu yabe luto Yesu ya lu'ehibe.

Maki 15:23

Anaga nehetite Yesuhi bai nagami'i hiti to mone yafa nogoya'a hiti, gi'a mila yabe, yana emilune'mu hana'a mo si'ehibe.

Maki 9:1

To Yesu ka mone hiti ma lu epi'ehina: Lusiga lu nolepube. Alihi Hu'mau ai kapo'a amuya hiti le'mo huto hilina kanagu ya'ma bona'i yatai malo nehana'a mone'amagi enali mefilise nehite bu galana'mu yabe. Yesu ya lu'ehina yabe.

Luku 21:31

Ana suhi luto asaga'na huto nohinogomo Hu'ma bona'a enele'malina kana'a o leba notabe lite lilo, luto Yesu lu epi'ehina yabe.

Luku 22:16

Nani lusiga ma'naka luto lu nolepube, nani aku'i mone hiti Pasa nose'na lenali hiti menose nohinogo ananamofihi nose'na legeya'a li huto Hu'mamofihi Kapo'alo hilina'mu yabe.

Luku 9:27

Lenekesu ka'ni meheno. Yatai nani lu nolepube, luga ma ho tite nehana mefilise nehite Hu'mamofihi kapo'a huto hilina enali yata'a bu gelete fililana'mu yabe.

Kolose 1:13

Ai Satahi amuya'amofi hiti metepuhi hu'ehina kapo'aguti lele'mo kefefe huto lubuto bi'ehina. To ai'a pana'a gi moneko pana'amofihi kapogo lele'mo molo'ehina yabe.