Luku 21:8 - Ka Lamana'a Monoꞌi Lu Mu Tifiꞌehina Ka Yabe

⁸ Ya lago Yesu lu epi'ehina: Lenali kaba hu bati hilo. Mone lenimi'i mele lalabe'mu nolube. Babu bona'i nani nigi'ni hete ma lite lilana'mu yabe: Nani'ni ya'mana bomo nohube. To ma lite lilana'mu yabe: Kana'a anasi yatai lebato huto nohibe. Ya nelinogomo lenali ana bona'i bite enemege'i memalalo.

Luku 21:8 ပူးပေါင်းရင်းမြစ်များ

Matiu 24:11

To kaga lu yege holata bo faga faga lite babu lite huto hilete babu boana'i enimi'i molomofa'na hilana'mu yabe.

Matiu 3:2

Komopatini i gelehe hite foipanatini he'mi su halo lu'ehina. Hu'mamofihi kokulumalugu kapo'a hokolo hilina kana'a epi'ehina.

Matiu 4:17

Ya'mana kanaloti hapi fito Yesu mono ka ma luto lu epi'ehina: Foipanatiniguti komopatini i gelehe hilo. Kokulumamofihi kapo'a anasi a'o leba to'ehibe.

Luku 17:23

To bona'i mone'a ana lite minalanamagi muyana bu gobo lila to mana bu gobo lila hilana'mu yabe. Ya lilenogo lenali heleko limite bite anana sa sa mehilana'mu yabe.

Luku 21:7

Enali ma lite Yesuhi loka he'ahana: Tisa, hiya yupahi ya'mana huto hilina ni'ibe? Henana yata'a huto hinogo bu goloto ya'manana kai lu'ahatana anasi yatai huto hilube'mu nohibe luto keheliluta ni'ibe?

Luku 21:9

To aliha'a sipi luba nehabe lite nelinogomo lenali lenuluhayaguti fiki fiki hinogo koli mehilo. Lubana hena asaga'na yata'a fato fato'i huto hu su holenogo alihi anana me'me huto mehilina'mu.

Yoni 5:43

Nani Afo'nifihi gi'alo o'ohunamo lenali nani ka'ni keheli menenimibe. To bo moneuba ai'a gi'alo o'ehigomo lenali be tigite ka'a lilata nehabe.

Yoni 8:24

Ya'mu luto lenali foipanatini hiti fililabe nolube. Nani kumu ya'ma bo kiyi'afu nohifi lite keheli pili meke netalana foipanatini ni'inogo fililana'mu yabe.

Yoni 8:28

Ya hago Yesu ma luto lu epi'ehina: Alihi Kokulumaguti limi'ehina Bomofihi gi'a li saga hilana yupahi aimo nohinagi lite keheli sepa neite to nani'ni nemeha'nilo ana'ina mone li huto mehu'ohuna. Afo'nifu nelepi'ehinamofihi enelepi'ohuna keheli fotogo hilabe.

1 Koliti 6:9

Ana'ina foipana lilata nehana bona'magi Hu'mamofihi ai kapo'agu henetilana'a meni'ibe. Yamofihi mone keheli'ahafihe? Lenali komopatinigu keheli sibina mehilo. Moko takolo bona'i to nalisa lugefa bona'i to ibe sili abe sili bo to bo luga'a bomagihi enugufa li sibina nehite ana'magi suhi hite minese bo

Efeso 5:6

To bona'i luga'amagi fi taga hi lepalalabe lite faga faga lite lu nelepinogo ka'ani mekehelilo. Foipa nasana yamofihi hite minelata nehananamu'i enali'i Hu'mamofihi keheli meemi'ahana bona'i enalitoga Hu'mamofihi ita bise'na huto hilina'mu yabe.

2 Tesalonika 2:3

Kaga yamofihi nelite lelite tite lenele'mo topa he lalagi ya'mu ya'ma lite kehelilo. Yata'a hapi fito Hu'mamofihi luba li emilatanamofihi huto hulenogo to sipi foipa bouba, Sataha naga'i nohina bo ai logo hepa'i lilube'mu hina bo ai huto hulenogo yalo alihi Sipi Botimofihi kana'a huto hilina'mu yabe.

2 Timoti 3:13

Ya hu'ehinaya bona'i foipa'a enali enimi'i melenogo lelite nebite fala kite bite ai mi'i malago ai mi'i malago ya'ma foya'a lelite nebinogo napa ho lito buto hofa talube'mu hibe.

1 Yoni 4:1

Komopa'ni nolepuna bona'ise. Sikalafu'uba lele'mo babahi higo lulata nohune lite lilata nehana bona'i asaga'magitoga ka'a ya'ma sibigopa mekehelilo. Kaga'a mone ya'ma Hu'mamofitogati ni'ifi meni'ifi keheli fotogo hilune lite kaba hilo. Ka'a leli'ali bona'i fagamofihi silaga'i huto hilete babu li'ahana ni'ibe.

2 Yoni 1:7

Ka Keheli'ahane. Fato mono ka lilabe lite lenimi'i melelata bona'i babu lite huto hilete noto noto hepatoga i tili hite bi'ahabe. Enali Yesu Kilisito kumu ya'ma melugu lusi gufa hiti lito huto hu'ehinamo ni'ibe lite ka'a ya'ma ibe fitebe hilata nehabe. Bona'i ya hana'amagi ya'ma lenimi'i melelata bona'i Kilisitohi fatehe bona'a ya'ma nehabe luto lilune.

Huto Hilina Ka 1:3

To fayahi ya'ma asaga'i amuya malalina kana'a alo'i tupa hu'ehinamo ni'inaya suguna ka lu huto hilina ya'ma leka sete lu epilanamo lenali hiti ya'ma ni'ibe. To ka fayahi ya'ma kehelilete keheliya ilana lenali nehana Hu'mau lusa gi lepolo'ehina'a lolo hite nehabe.

Huto Hilina Ka 12:9

To hagulu osifa'i napa'auba ai koyapa'i ema afeha'aga mino'ehina bo mone gi'amofihi Sata to fato gi'a enifisa ito noto noto bona'i enimi'i moloto enogolaga bilata bo le'mo fitu fe he'migo melugu limi'ehina. Ai'a hiti to yagapana'a hiti kokulumaguti fitu fo he'milago limite melugu mine'ahana.