Luku 21:34 - Ka Lamana'a Monoꞌi Lu Mu Tifiꞌehina Ka Yabe

³⁴ Ya hu'ehina lenali kaba hu bati hilo. Lenali asaga yupahi amuya nagami'i nelete negi nagi ne lalabe. Lenali lenugufalo'namu'i lenekesa yigiba yigiba mehilo. Ya'mana suhi lenalitoga huto nohinogomo yalo Sipi Bomofihi Kana'a hololu luto analo mele'isi lenalitoga nehetilina'mu yabe.

Luku 21:34 ပူးပေါင်းရင်းမြစ်များ

Matiu 13:22

To nose'na legeya'a ufehe yamu'ubago hinagu limo ito notinamoya ma huto ni'ibe. Bo moneuba mono ka kehelilago ma melugu faga efaha fe'nohuba loe lae hu etoto keta besigo ai ana bomofinuguti ma'naka legeya'a huto hulata menohibe.

Maki 13:9

To ya'ma huto nohinogo lenalitini kaba hi bati hilo. Boana'magi alihi lenali'i kefefe hite bite mono nonugu lenele'mete bite ka foya lilete osahi lepilabe. Nani kumu lite lenele'mete bite gamani bona enubulo to enikibina bona enubulo lenele'mete bite ka foya li lepalalabe. To ya hinogo lenali nani kumu ka lamana'a lu epilabe.

Maki 4:19

Enali kaga kehelilete'ani aku'i nasana'animu'i enegekesa keheli keheli hite minete to efaha'animu'i enofokehi lite minete to fato fato'namu'i laga epesinogo minete'ani kaga nehe'mibe. Ya'ma luna lanauba kagamo noi etago komopa'anigu legeya menohabe.

Luku 10:41

Ya noligo Yesu ka lu emito lu'ehina: Matao, Matao. Kaiya kekesa yigiba yigiba silaga'namu'i nohuto kipakagu keta hulata nohane.

Luku 12:40

Lenali hiti ana hite lele hite minalo. Kokulumaguti limi'ehina Bo ana huto lenali lenekesa meyigise fa'mene nehinogo ya'ma kanagu alina'mu yabe.

Luku 17:3

Lenali kaba hu bati lenalitinimu'i hilo. Kogonakauba foipana li huto nohinogomo kai ka emekibo. To komopa'a i gelehe nohinogomo kai foipana'a li he'mi etobo.

Luku 21:35

Asaga kapoga me'i tina'a limina'aga mino baga ite nehana boanatoga ya'mana kana'a huto hu baga ilina'mu yabe.

Luku 21:8

Ya lago Yesu lu epi'ehina: Lenali kaba hu bati hilo. Mone lenimi'i mele lalabe'mu nolube. Babu bona'i nani nigi'ni hete ma lite lilana'mu yabe: Nani'ni ya'mana bomo nohube. To ma lite lilana'mu yabe: Kana'a anasi yatai lebato huto nohibe. Ya nelinogomo lenali ana bona'i bite enemege'i memalalo.

Luku 8:14

To ufehe naga'i hapa'agu limo ina nose'na biha'amoya ma huto hapa'a ni'igi bona'i enali kaga kehelilata nehabe ya nehana enelesa luse'na to yogo fe'nohi bati'amu to enegelonaguti ma melugu minose'nauba neminanalo komopa'anigu bai toto minoto ka mana'a kehelinamofihi le'mo emagu mololago nose'na biha'a mana'a enaliluguti huto hulata menohibe.

1 Koliti 5:11

Nani ma luto koyo lepi'ohunamofihi hapa'a ni'ibe: Hu'mamofihi ka nokehelube luto lenalalutinifu moneuba moko foya lito sibina hilifi to gumesilo a'i lolo hilifi nalisalo lugefa nasana lito minalifi to bona'magi enemegeka lilifi to negi nagamitoko humofa'na hilibe, to keya ka i gofa huto humofa'na hilibe, bona'i ya hana'a hiti mino hepito nose'na menalabe luto lu lepolo'ohunamo ni'ibe.

1 Koliti 6:10

to gumina taminalo bo to fe'nohi samahi tito lilube lilata nehana bo to bia nagamitoko humofa'na nehana bo, to enemegeka lilata nehana bo, to fakupa ka lite luba hilata nehana bo, ya nehana'amagihi Hu'mamofihi kapogu metilana'mu yabe.

Galesia 5:20

To faga lugefa nasanamofihi fokehi holatana, nalisanauba komopa'ani li sibi hulatana, fatehe bona tegi hilata nehana to gulu gulu bilata nehanana luba sabo hulatana, siko hulatana, enali'ani keheligo tigo amuya melelata, to loko hite mine luga luga nehite minelata nasana.

Filipai 4:6

Ana'ina mone'namofihi mone'namofihi kehelinogo lenuluhaya metino. Ana'ina'mu sa sa nehitemo Hu'mamofitoga kaga lite ana'ina'mu kehe ite fokehi linogo li huto hu lepinogo lite minalo.

Hibulu 12:15

Lenalitogati bo mone Hu'mamofihi lehe'mose'na li he'mito i behe huto bu laligi kaba hite minalo. Ya nehite komopatinigu ekesa'namofihi foipana moneuba leneme'na leneme'na bito lulata nohina ya suhi huto komopatinimofihi ekesa'nauba sipi hulenogo bona'i yege yege'magihi komopa'ani haya kolo laligi kaba hi epelelete minalo.

2 Pita 3:10

To Sipi Bomofihi kana'a ya huto hilina luba kala bona'magi kofohi nemalago otopa nehana ya suhi huto ana kana'uba henetilina'mu yabe. Ai huto nohinogo kokuluma'uba ko kililika sipi luto buto hokolo hilina'mu yabe. To kokulumagu ana'ina sonofi'i silaga'i ni'igo bu golata nohuta nasana'ya asaga'i logouba lo su henogo fa'menena lolo hilina'mu yabe. Ya hilenogo melugu to me'mofihi gupisa'alo ana'ina silaga'i logouba ana huto lo su hoto fenene hilina'mu yabe.

2 Pita 3:14

Komopa'ni lepi'ohuna bona'ise. Lenali ana'ina ya suhi hana'mu geba hite Hu'mamofihi bulo komopatini ketipa ito fi fana toto gulu gulu linogo foipanatini meminenogo minalune lite aitoga bati hite amuya malalo.

Huto Hilina Ka 3:3

Lenali ana'ina li nupa hite fi lehe toto lu lepito lenegekesa li'ehinamo le'mo kosaba hite li pili kete lite nehite foipanatini he'mite komopatini li gelehe hilo. Li gelehe hite kaba hite meminalana ya'ma luba li lepilube'mu hube. Kana'a nomolona ya'ma lenali mekeheli'ehinogo gumina baukalo bona mone'mofihi suhi huto mele'isi oto henetilube'mu hube.