Luku 21:23 - Ka Lamana'a Monoꞌi Lu Mu Tifiꞌehina Ka Yabe

²³ Ke. Enali ana'i yatai yagapana'ani hiti hi'ahanafi to yagapana'ani amihi neepina ana'ise. Ana kanagu sipi ketana ma melugu huto hulenogo Hu'mamofihi ipagu logo bise'na'auba asaga boana'i sa sa hilina'mu yabe.

Luku 21:23 ပူးပေါင်းရင်းမြစ်များ

Matiu 21:16

Ya higo enali bu gelete Yesuhi ma lite lu emi'ahana: Ma nelana kagaba keheli'ahapihe? Ya lago Yesu lu epi'ehina: Nani keheli'ohube. Mono ka mone ma luto nina lenali leka mese'ahana ni'ifihe? Kai lagaso yagapana'i hiti to yagapana ikiliha'a hiti enali Hu'mamofitoga enegelo bi emilabe.

Matiu 21:41

Ya luto Yesu enoloka hago enali ma lite lu emi'ahana: Ai oto ya'ma foipa bona'i enele'mo asaga'i sibina hu epoloto enahalina'mu yabe. Ya huloto ai ana foya'a lito fato bo epinogo kaba nehite kana nose'na'a huto nohinogo enali lite bite foya afo'afihi ai'a luga'a emilana'mu yabe.

Matiu 21:44

To mone bouba ai ana efapo gupisalo heleko malalina ai ibe laga hube huto gufa'a nesi nesi hilina'mu yabe. To ya'mana efahuba bo mone'mofihi limo ito i lilika ilinaya ana bo gufa'a mumusopa lolo hilina'mu yabe.

Matiu 24:19

Enali ana'i ya'mana kanalo yagapana hiti hi'ehilana to yagapana'i amihi epite minalanamagi kumu niginaga fi noepube.

Maki 13:17

Ke. Ana kanagu yagapana'ani hiti nehana a'magi kumu keke'i li epalalo. To yagapana'i yuhufasi kete'ahana a'magi kumu leniginaga fi epilo.

Luku 19:27

Ya hu'ehina enali nani kumu'i gihiti bo meminalane li'ahana fateha'ni enele'mete ete nani nubulo enoho fililo, luto gihiti bouba lu epi'ehina yabe.

Luku 19:43

Kai kehelibo. Alihi kana mone huto hilina yupahi fatehakamagi ete kele'mo bego hilete luba hilana ke'muya kifilana'mu yabe. Ya hite asaga kegi'ati kele'mo bego hite kele'mo folaganugu malalana'mu yabe.

Luku 23:29

To kana alihi mone huto hilina yupahi ma lite lilana'mu: Enali ana'i yagapana'i meketose, enali yagapana'i mekete'ahana, enali ana'i yagapana'i amihi meligi'ahana, ya'ma enali bati hite minalunagihe.

1 Koliti 7:26

Yatai kana'a ya'ma keta huse nasanamofihi komopa'agu nohutogo lenali fa'mene minalana bati hilibe.

1 Tesalonika 2:16

Ya nehite lali fegutoga bona'i ka lamana'a lu yege hoto lu epinogo enubuto bi lalabe lite ya'ma Yuta bona'magi kapo fi hekini lalutagi lite luba ka lu limilata hi'ahana. Enali ya hiba hiba hago enali foipanamofihi gupilo melenogo kolo kolo huto tito minago yatai Hu'mamofihi ita bigo ya nasanamofihi luba'a mone enalitoga neheti'ehina yabe.

Hibulu 13:16

Hetofa foya lilatana agoyana hiti to fe'nohi guna ite epilune lite lenegekesa kehelite minalo. Hu'mau ai'a yanamofihi kehelito bu go laga nohigo mamufa gi emilata nasana suhi huto legeya'a lolo hulata nohibe.

Yemesi 5:1

Lenali fe'noho bona'magita ya'ma kaga lipoti lu nolepugi kehelilo. Fe'nohi ufeha'a hiti nasana lenalitoga huto hilinana'mu ya'ma nekehelite yibi sipi hilo.

1 Pita 4:17

Nekehelifiye? Hu'mau ai'a bona'magihi hapa hapa'animu loko huto guna molo epalalina kana'a tupa nohibe. To bona'a lalitoga hapi fito lilube'mu hibe. Ya hu'ehina lalitoga kohe toto napa huto lilina hena hilibe? Hena huto oto ka lamana'a keheli he'mi'ahanamagihi hena hena hu epalalina ni'ibe?