Luku 21:19 - Ka Lamana'a Monoꞌi Lu Mu Tifiꞌehina Ka Yabe

¹⁹ Lenali amuya melete kehelise ule'ale hite mino bati hite nehite aku'i lenali mino bati huse hepatini lilabe.

Luku 21:19 ပူးပေါင်းရင်းမြစ်များ

Matiu 10:22

To anaga bona'magi lenipakafa halana'mu yabe. Hena'mugope lenali nani yagapana'ni minana'mu lite yabe. Ya hu'ehina to bo moneuba amuya moloto minomo buto bona'i guna ise kana'alo minalina Hu'mau aku'i le'menogo ana bo ai Hu'mamofihi pana'a minalina'mu yabe.

Matiu 24:13

Ya hu'ehina bona'magi amuya melete nani kumu li pili kete nehago nani aku aluna Hu'mau enubuto bilina'mu yabe.

Luku 8:15

To nose'na biha'a me'i bati huto nogoya'a ninalo limo ito bati huto tinamofihi hapa'a ma huto ni'ibe, bona'i enali ka keheli ule'ale hite lilete amuya melete minago enaliluguti nose'na biha'a huto huba huba hulata nohibe, Yesu ya lu'ehina yabe.

Romu 15:4

Ya'ma koyapa'i mono bukugu fayahi ge'ahanamofihi asaga kagauba Hu'mamofihi biluta kapo'mu lelepito bu megose'namofihi geba huto mino lito buto lele'mo amuya malalina'mu yabe.

Romu 2:7

To bona'i luga'amagi Hu'mamofitoga agoya hu emite hetofana hiba hiba nehana to fana tose hepato bilune'mu nehite Hu'mau lele'mo ho tilibe lite nelana mino kosaba huse'namofihi kapogu bilune'mu nehana enali'i Hu'mau enele'mo kosaba hilibe.

Romu 5:3

To keta nohinauba lali'i huto hu letolenogo ana huto legelo bito minolata nohune. Hena'mube? Ya'ma keta nolebesinanauba lele'mo amuya melenogo mino lito bilune.

Romu 5:4

To lali amuya lekesa molo lito bilutaya Hu'mau kehelito laga besigo lali kumu fokehe lilibe. To lali kumu fokehe lilata'mu lali lekesa kehelito ai kumu geba huto minalube.

Romu 8:25

To lali mone bu megose'namofihi geba huto hugo Hu'mau limilina'mu yabe luto geba huto minomo buto kosele'i melohose huto minalune.

1 Tesalonika 1:3

Lenali Hu'mamofitoga keheli amuya melete minelata nehana yamofihi lamana'a ya'ma li huto nehabe. To komopatini emilata nehite foya'a amuya melete minelata nehabe. To Sipi Bo Yesu Kilisito alina kumu yabe luto keheli ule'ale hite geba hite minelata nehabe. Ya'ma afotifu Hu'mamofihi ai gobisalo kehelito fokehi holata nohune.

2 Tesalonika 3:5

Sipi Bouba komopatini le'mo babahi hinogo Hu'mamofitoga lenemehi emilata minalabe, luto nolune. To Kilisitou lenele'mo amuya hinogo kosele'i mehose ule'ale hite minalabe, luto lali nolune.

Hibulu 10:36

Yana'mu lenali keta'a hiti'namofihi komopa'agu mino fulu hite minelenogo Hu'mau lilina malalina ka'a kehelite nehinogo ana'ina le'mo babahi huse'namofihi legeya'a lilabe.

Hibulu 6:11

Lenali kumu ya hilabe luto nolube. Lenali asaga'naloga moneko legege hite keta mehuse hite minenogo lele'mo hetofa hilina nasana ya hilune lite fifa ite lenegekesagu melete mine lite netinogo kana'a su halina yalo nehetilabe.

Hibulu 6:15

To Abalahahi Hu'mau lu eto'ehina kaga'mu yabe luto kosele'i mehago geba huto mino lito buto legeya'a ligo ai'na lolo hu'ehina.

Yemesi 1:4

Kalana'i nemele lepelenogomo fulu hite ule'ale hite minalana yamofihi komopatinigu mone sibina mehise bati hinogo mino lite bite minalana'mu yabe.

2 Pita 1:6

Hu'mamofihi hapa'a kehelilatana komopatini mega lenugufa'a ni'ina kaba hulata nasana yalo'i molo emilabe. Yamofihi komopa'agu amuya melelenogo mine lite nebinogo ufeha'a hiti nasana huto fi siti bite minelatana yalo molo emilabe. Kehelite fi siti bise'na ya'ma Hu'mamofi kumu agoya hu emilatana nehana enali yalo molo emilabe.

Huto Hilina Ka 1:9

Lenalalutinifita Yonita nani hiti to lenali hiti Yesu kumu luto keke bake to Hu'mamofihi kapo'agu to keta'a hiti nasana kofito minolata nohuta yamofihi lenali hiti moneka liloto nominonamofita nani fayahi ya'ma koyoto nolepube. Nani Hu'mamofihi kaga'a to Yesuhi gi'a lu huto huto luna'mu luto Patamosi metoga hege nagamilugu ti'ehinalo noho lifigo he'mito nohuna.

Huto Hilina Ka 13:10

Luga'amagi enali naga nonugu minalabe luto lu'ehinamo ya'ma minalabe. Moneuba ai emita'i yatamatu bo mone ho fililenogomo ana hite yatama emitatu ana bo ho fililabe. Hu'mamofihi nona'a pa sose bona'magi ana yupahi ya'ma li hetofa hite keheli amuya meleteba minalafa.

Huto Hilina Ka 14:12

Ya'ma kana'alo Hu'ma keya ka lu'ehina kehelilete to Yesuhi hapa'a kumu ule'ale kehelite lite nehana bona'i Hu'mamofihi pa sose bona'a enali ya'ma amuya melete minalafa.

Huto Hilina Ka 3:10

Lenali kosele kasele'i mehese negeba hite minalabe luto lu lepolo'ohuna kaga'ni ya'ma li pili kete lite mine'ahanamo ni'inaya, yana'mu enimi'i mololata kana'a ya'ma noto noto bona'i enalitoga mino lito bilinamoya, lenalitoga minomo bu lalibe luto nani'ni ya'ma gegisa fi lepoloto kaba hu lepalalube'mu hube.