Luku 20:26 - Ka Lamana'a Monoꞌi Lu Mu Tifiꞌehina Ka Yabe

²⁶ Yesu ka'anilo lu epina kagauba enoholago enelesa ligo babu bona'i minanalo Yesuhi naga ilupi naga meilupi lilete kaga melise enabaga hekini lelete fa'mene mine'ahana yabe.

Luku 20:26 ပူးပေါင်းရင်းမြစ်များ

Matiu 22:12

To gihiti bouba ya'mana bo ma luto lu emi'ehina: Nalaluo, kai hena hibe luto kimi'ohuna gukete mana'a mehepise ma nonuga ti'ahane? Ya luto loka hago ana bouba ai kaga meluse fa'mene mino'ehina yabe.

Matiu 22:22

Yesu ya luto kaga'anilo nona'a lu epina kaga hapa'a kehelilete keka keka lataha'anitu hilete abifa hi'ahana yabe.

Matiu 22:34

Yesu lina kagauba Satusi bomagihi enabagalo ifi tago enali kaga meluse mine'ahana. Ya hite Yesuhi kaga'auba enoho fi tago kaga melise nehago Felosi bomagi be gelete enali Yesutoga ete li nupa hi'ahana.

Matiu 8:10

Ya luto ana bouba Yesuhi lu emilago Yesu ana ka'a keheliloto ekesa yigi babu lu emi'ehina. Ya huloto boana'i mege'i lefeli'ali hana kaga ma luto lu epi'ehina: Kehelilo. Nani lu nolepube. Isilaeli bo moneuba ya'ma bouba hina'a huto komopa'a li nimi'ehina bu megolata nohube.

Luku 11:54

Yesuhi bagalo ka fato fato babeyafa hite loka helete kaba bagalo hi'ehite ka mone sibina'a nolinogomo ka foyagu le'mo malalune lite hi'ahana yabe.

Luku 13:17

Ya luto Yesu lulago Yesuhi ka'auba fateha'a bona'i enubuya sipi higo lipite nehago luga'amagi asaga Yesu Yesu hetofana hinana'mu lite enegelo bite mine'ahana.

Luku 20:20

Ya hago enali fato kanalo naga'i emilune lite mapahi fite bi'ahana. To Yesuhi mapahi fite minalabe lite bona'i luga enoho lifigo bi'ahana yabe. Enali ya'mana bona'i enali bati bona'i suhi hite Yesuhi lalu'agita nohune lite bi'ahana yabe. Enali ya hite bite nehite loka babu lite heba heba hite fi taga hi etelenogo ai Yesu kaga bati hinaga lilifi to bati mehinaga nolinogomo naga ito le'mete sipi gamani bo nohinalo bilune lite mine'ahana yabe.

Romu 3:19

Lali mana keheli'ohune. Bona'i moneuba keya kaloga mege'i nomelenogo ana keya kauba le'malibe. Ya hu'ehigo ana bouba nani lamana bo nohube luto ekesa kehelilina meni'ibe. Ya'ma keya kauba melugu bona'i yege yege'magihi hapa'ani bati mehu'ehina yabe luto enabaga'ani yanauba hekini lo'ehigo Hu'mau kaga'ani loko hilina'mu yabe.

Taitasi 1:10

To bona'i luga'amagi yege yege'i ka lamana'a lu epi'ohuta'mu enipakafa nehabe. Fa'mene kamu'i li muyalo malo hite enimi'i mololata bona'i nehabe. Yuta bona'i enalitogati Kilisitohi ka lamana'a keheli'ahana bona'i mone'amagi aku i behe hite fato kaga enelepite minete lite ya hilata nehabe.