Luku 20:24 - Ka Lamana'a Monoꞌi Lu Mu Tifiꞌehina Ka Yabe

²⁴ Efahi legeya'a mone li nelepilo. Kiyi'afihi okaba'a hiti gi'a hiti ya'mana efahi legeya'alo ni'ibe?

Luku 20:24 ပူးပေါင်းရင်းမြစ်များ

Matiu 18:28

Ya higo ya'mana bouba heleko limito buto lili'na moneka neli'ina bo mone'mofihi tina huto tola efaha'a nesi'a emi'ehina bo bu goto lubaha'alo lito li geka geka huloto mele'isi tinaka pa sobo lu emi'ehina.

Matiu 20:2

Ai enali luga'a lili'nalo pana'i hiti kaga lilete mone kina mone kina yatai lilana lili'nalo lilana'mu yabe lina kaga komopa'ani monetoga nemalabe. Ya luto lu epoloto ai bai naga'i nose'na foya'agu enoho lifigo bite lili'na lilune'mu nebabe.

Matiu 22:20

Ya hago ai li enelepiloto enoloka ho'ehina: Ma okaba'a hiti gi'a hiti kiyi'afihina ni'ibe?

Maki 12:16

To ya ligo, enali efahi mone ite ete emilago, ai li saga nohuto ma luto enoloka ho'ehina: Mana efapolo kiyi'afihi meha'a hiti fayaha'a hiti ni'ibe?

Luku 2:1

Ya'mana yupahi Sisa Ogasitasi ai Lomu gihiti bouba asaga boanatoga enigi'ani liloto leka salube luto kaga mololoto lenigi lilube lu'ehina.

Luku 20:22

Ya hulata nohata kai kehelitaba takisi bati huto epilata nohupi bati mehina suhi luto epilata nohune?

Luku 20:23

Ya hana Yesu faga faga nelana ka'animofihi hapa'a akeheliloto ma luto lu epi'ehina:

Luku 20:25

Ya luto enoloka hago enali sipi bo Sisahi gi'a hiti okaba'a hiti ni'ibe li'ahana. Ya lago Yesu lu epi'ehina: Sisahi nana'a Sisahi emilo to Hu'mamofihi nana'a ya Hu'mamofitogago emilo.

Luku 23:2

Enali hapi fite ka foya li etelete ma lite li'ahana: Lali ya'ma bo bu gota ai nagatimagihi hapa'ani le'mo fato fato suhi hu'ehibe. Ai takisi sipi Lomu bo ya'ma Sisatoga mehe'milo luto laga hu letalina kaga nolina bo yabe. To ai Mesia'ita gihiti bo nohube luto lulata nohina.

Luku 3:1

Sipi Lomu bo Taibiliasi 15 kufu'a kana kaba hu'ehinalo gamani bo Ponitiasi Pailati, ai Yutia melugu bona'magihi kohe toto kaba huto mino'ehina. To ya'mana kanalo Heloti ai kohe toto Galili kegi'a sipi kaba bo mino'ehina. To go'afu Filipi ai Itulia to Telekonaitisi kegi'a yata'a kaba bo mino'ehina. To gamani bo Laiseniasi ai Abilini kegi'a kaba huto mino'ehina.

Aposolo 11:28

Ya hana bomagihi folagaha'anigu bo mone bu'ehina gi'a Agabasi. Ai Sikalafu'mofihi amuya'alo ho tiloto asaga melugu nose'na fenene hilinagi hepato hepato kau'na halana'mu yabe luto lu huto hu'ehina. Ya lu'ehinalo alihi Kolotiasiu kibina bo minana kana'alo ya'mana kau'na he'ahana yabe.

Aposolo 26:32

Ya hilete Agilipau Fesitasihi ma luto lu emi'ehina: Ya'ma bouba Lomu gihiti bo Sisa ka'ni kehelilibe luto kehe meitita lali gulu ho etonogo bitita'mu yabe.

Filipai 4:22

Ma hepato bona'i Hu'mamofihi yagapana'a lolo hi'ahana bona'i yege yege'i to Lomu kaba bomofihi kele kele pana'i Yesutoga komopa'ani emi'ahana'a hiti keketini li lepelelata nehabe.