Luku 20:22 - Ka Lamana'a Monoꞌi Lu Mu Tifiꞌehina Ka Yabe

²² Ya hulata nohata kai kehelitaba takisi bati huto epilata nohupi bati mehina suhi luto epilata nohune?

Luku 20:22 ပူးပေါင်းရင်းမြစ်များ

Matiu 17:25

Ya ligo Pitau: O'yo, lu'ehina. To Pitau nonuga notigo Yesu aitogati yata'a ma luto loka ho'ehina: Simoni, kai hena hibe luto nokeheline? Ma melugu enikibina bolo kiyi'afu takisi holata nohibe? Mana hepato boana'magifi to bonoho bona'magibe?

Luku 20:21

Enali ya'mana Yesuhi mapahi fite bana bona'magi ma lite Yesuhi loka he'ahana: Tisa kai fotogo hina kaga lula to boana'magi hetofa kaga lu epilata nohanogo keheli ketolata nohuta yabe. Kai sipi enigihiti bomagihi koli'ani menohata yabe. Kai lusigago luto Hu'mamofihi mono ka'a boana'i lu epilata nohata yabe.

Luku 20:23

Ya hana Yesu faga faga nelana ka'animofihi hapa'a akeheliloto ma luto lu epi'ehina:

Luku 23:2

Enali hapi fite ka foya li etelete ma lite li'ahana: Lali ya'ma bo bu gota ai nagatimagihi hapa'ani le'mo fato fato suhi hu'ehibe. Ai takisi sipi Lomu bo ya'ma Sisatoga mehe'milo luto laga hu letalina kaga nolina bo yabe. To ai Mesia'ita gihiti bo nohube luto lulata nohina.

Aposolo 5:37

Alihi ai megesalo gamani bouba boana'magi enigi lina kana'alo Yutasi Galili bouba ho tiloto luga'a boana'magihi kaga lu epigo ai mege'i ana suhi mele'ahana. Enali ho tilete mege'i melete gamani bona'i hiti luba hite enele'mo he'milune'mu hi'ahana. Ya hina ai ana huto fililago mege'i malana boana'i tili tele hi'ahana.

Romu 13:7

To ya hite gamani bona'magihi mina'a efahi asaga'i epilo. Ya'ma takisi efahatini fato fato'i epilo. Ya hite takisi bona'i kaga'ani kehelite to enalitoga agoya hu epite limi lalabe lite mele'isi ana'ina ya'ma bona'i asaga'i epilo.