Luku 2:9 - Ka Lamana'a Monoꞌi Lu Mu Tifiꞌehina Ka Yabe

⁹ To Hu'mamofihi agelo'a ana yaga kabalo bo nehanalo Sipi Bomofihi fana mehena'a hiti nehetigo enali ana sipisipi yaga kabalo bo lusina hite koli hi'ahana.

Luku 2:9 ပူးပေါင်းရင်းမြစ်များ

Matiu 1:20

Ai Yosefeu Maliahi suguna'i he'mi etalina ekesa yigiba yigiba huto nohigo bamulugu agelouba bulo huloto ma luto lu emi'ehina: Yosefeo, Abalahahi tata'aga, kai Maliahi lihaka le'mo lolo hilatana'mu koli mehubo. Ai Sikalafu'uba Maliahi yagapana'i emi'ehibe.

Luku 1:28

To agelouba Malia nohinalo buto ma luto lu emi'ehina: Maliao. Nohapihe? Fuluna kaitoga mineno. Hu'mau kai hiti nohuto sipi lusa gi ketalina'mu hetofa hu ketalibe.

Luku 2:8

To ya'mana yupahi ana hepato sipisipi yaga kabalo bo enali fegutoga yaga kaba hite sininugu mine'ahana.

Luku 24:4

Ya hu'ehigo enali enekesa yigi fato fato hilete negi nagi nete nehago bo loemo ana lebato ho ti'aha'ina to etali gukete'atitiuba fi besa lo baga i'ehina yabe.

Yoni 12:41

Ya'ma koyapa'i lu huto huto bo, Aisaiya ai'i Hu'mau le'mo ho ti'ehina bomofihi fana meha'a bu go'ohuto Yesu kumu kaga luto koyo'ehina.

Aposolo 12:7

Ya hago ana folugu'i agelo bo moneuba Pitau nohina naga nohi hasagu huto higo fana meha'auba i besalo baga i'ehina. Ya huloto ana agelouba Pitahi gi'na'alo le'mo kule kule huto le'mo ho tiloto lu emi'ehina: Kai mele'isi ho tibo. Ya noligo ana'asilo gi yato gi'ahana seni naga'i gulu hoto melugu limo i'ehina yabe.

Aposolo 27:23

Nani Hu'mamofihi lalu'afita nohuto'ni asaga yupahi komopa'ni aitogago emito minolata nohuna bo nohube. Ya'mu luto yatai folugu'i Hu'mamofihi agelo'auba nani nemetoga ho ti'ohuto ma luto lu nimi'ehina:

Aposolo 5:19

Ya hilago ana folugu'i Sipi Bomofihi agelo'auba naga gegisa li hokolo huloto aposolo bona'i enele'mo fegu toloto ma luto lu epi'ehina:

2 Koliti 3:18

Lali ya'ma logobisati aitoga ifi toto sa megi'ehinogo Sipi Bomofihi fana meha'a gapo gapo'i legitanagu bu galata suhi huto Sipi Bomofihi fana meha'a bu goto nohutogo ai fana meha'auba fi fana to letoto lele'mo gelehe higo Sipi Bomofihi suhi lolo huto nohuta yabe. Ya'ma Sipi Bomofihi Meha'a ai ya hu letalata nohibe.

2 Koliti 4:6

Hu'mau ai koyapa'i metepuhi ni'inagu fi besa lobo luto ligo go'i lu besa lo'ehina. To ai'asigo ya'ma lulago komopatigu ai'a kamofihi fana meha'auba mino kikipa hago Kilisitohi gobisalo Hu'mamofihi silikeha fayaha'a huto hu lamana nohigo bu golata nohune.

1 Timoti 3:16

Lali mono'mofihi suguna ka fala kito mino'ehina yamofihi legeya'a Yesuhi hapa'amu lite lu huto hilata nehana yamofihi koli'a hiti nasana ni'ibe. Kilisito kumu ma luto nokehelune. Ai ya'ma lali lugufa lolo huto li huto hu'ehina. To Sikalafu'uba ai hapa'a li huto higo fu ligo mino'ehina keheli'ohune. To agelo bona'magi ai'i be ge'ahana. To noto noto bona'i folagaha'anigu ai'a ka'a lu yege hago enali keheli su he'ahanamo ni'ibe. Melugu bona'magi ai kumu kehelite amuya mele'ahana. To kokulumamofihi fana meha'alo Hu'mau le'moto ti'ehina yabe.

Hibulu 12:21

Ana nasana ya'ma koli huse'na'a hiti sipi huto nohigo Moseu ya'ma bu goloto: Nani yanamofi kumu nelesa'ni noligo afoya foya noube, luto lu'ehina yabe.

Huto Hilina Ka 18:1

To nani agelo mone kokulumaguti limigo bu go'ohuna. Ai amuya'a legege huto mino'ehina to fana meha'auba melugu i besa lago bu go'ohuna.

Huto Hilina Ka 20:11

To nani sekele mamu'a hiti kefa hisa sipilo koholi nasana mone bu go'ohube. Gupisa'alo mino'ehina ai gobisa bu go'ohuna ya'ma kokuluma hiti me'i hiti gobisaloti koli hilete aku'i huto mehite'atiti minigi'aha'ina.