Luku 2:7 - Ka Lamana'a Monoꞌi Lu Mu Tifiꞌehina Ka Yabe

⁷ To ai yagapana'i yege'a pana'i ketoto'a katatu sa gi etoloto bulumaka yagamagi nose'na nenana sepeke'nagu ko eto'ehina. To etali ya'ma yagamagihi noha'anigu mine'aha'ina. To hena'mugope, bona'i kose nohi bai to su ho'ehinagi anagu meti'aha'ina yabe.

Luku 2:7 ပူးပေါင်းရင်းမြစ်များ

Matiu 1:25

Ya hu'ehina Yosefeu ai Malia hiti nohi kete ya hite mehuse nohigo Maliau pana'i keto'ehina. Ya higo Yosefeu ana pana'mofihi gi'a Yesu yabe luto molo'ehina yabe.

Matiu 13:55

Yafa lolo huse bomofihi pana'amo nohifi fato bobe? Maliau ito'afu nohifi fato pana'mofihi ito'afube? To Yemesiu, Yosefeu, Simoniu, to Yutasiu ai gona'amo nehafi fato bomofihi enogona'ani nehabe?

Matiu 8:20

To Yesu lu emi'ehina: Lopi kalamo kalina muli'i ni'ibe to namamo kalina nohi ni'inaya to Kokulumaguti limi'ehina Bouba koto basu bilina hepa'i meni'ibe luto lu emi'ehina.

Luku 10:34

Keke'i nolu etoto buto gufa'a gitigi'ehinalo lusa gi etoto bai nagami'i hiti ueli hiti nofoloto sa gi eto'ehina yabe. To ya huloto nu kito le'mo saga huto toki yaga'amofihi megesa'alo le'mo mololoto ya huto buto bo nohi alana bona'i nekana nopogu le'moto ti'ehina. Ana nonugu kaba huto mino'ehina yabe.

Luku 2:6

Betelehe hepato bite neha'igo Maliau yagapana'i ketalina kana'a leba tago hu'ehina.

Luku 2:8

To ya'mana yupahi ana hepato sipisipi yaga kabalo bo enali fegutoga yaga kaba hite sininugu mine'ahana.

Yoni 1:14

Kagauba ai bo huto huloto lali folagahatigu mino'ehina. Lali ai fana meha'a abu go'ohune. Ai ya'ma moneko pana'mofihi fana meha'a afotifu ho lifigo o'ehina aitoga fuluna'a hiti ka lamana'a hiti bai toto mino'ehibe. Ai fana meha'aya pana'a yege'a aigo afo'afitogati li'ehina.

2 Koliti 8:9

Lenali Sipi Boti Yesu Kilisitohi lehe'mose'namofihi akehelilata nehanamo ni'ibe. Ai sekele mamu'amofihi afo'afu lenali kumu yabe luto muhi meni'ina bo lolo hu'ehina yamofihi lenali anatu mono'mofihi yogo fe'noho suhi hilabe luto ya suhi hu'ehinagi nani ya'ma lu nolepugo lenali giyaka lite ana hite bilabe.

Galesia 4:4

Ya hulago aliha'a ya'ma kana'a molo'ehina ya'ma su nohago Hu'mau pana'a ho lifigo limito melugu o'ehina yabe. Ana pana'mofihi ito'afu melugu a'i yabe. To ana pana'uba huto huloto ai Mosehi keya kamofihi agoya hu etoto mino'ehina.