Luku 2:27 - Ka Lamana'a Monoꞌi Lu Mu Tifiꞌehina Ka Yabe

²⁷ To Simionihi Sikalafu'uba le'mo kapo malago sipi mono nonugu tito'a Malianogo Yosefenogo to ana pana'i Yesuhi keya kagauba lu'ehina suhi hu etalu'ibe'mu neha'igo bu enogo'ehina.

Luku 2:27 ပူးပေါင်းရင်းမြစ်များ

Matiu 4:1

Ya hulago Hu'mamofihi Sikalafu'auba Yesuhi le'moto ka melugu Satau fi taga hu etalibe luto bu'ehina.

Luku 2:22

Ito'afinogo afo'afinogo pana'anogo mono nagamitu okala hi etatalana kana'a hu'ehina ana legitana koyapa'i Moseu keya kaga molo'ehina suhi lite hi'aha'ina. Ya'mu ito'afugo afo'afugo ana pana'i le'mete bite Yelusale hepato Sipi Bomofihi emilu'ibe'mu bi'aha'ina yabe.

Luku 2:28

Simioniu ai ana pana'i yahi komopa'alo le'mo mololoto'a Hu'mamofitoga fokehi hoto ma luto lu'ehina:

Luku 2:41

Asaga kufu kanagu Yesuhi ito'afugo afo'afugo bona'i Yelusale hepato li nupa hilata hanalo bilata hi'aha'ina. Koyapa'i Hu'mau lubuto bu'ehina'a kumu Pasa yabe nelana ya'ma sipi nose'na nalata, yana'mu bi'aha'ina.

Luku 2:48

Etali ito'afugo afo'afugo Yesuhi mono nonugu nohigo bu gelete topa hete ligo ito'afu kehe ito lu'ehina: Pana'ni kai henabe luto ya'ma suhi nohane? To kai ya hanogo le'ali le'elesati'a ligo kai kumu'i higo sa sa nohu'ibe luto ligo,

Luku 2:51

Ya hilete aku'i he'mito ago etali le'mete moneka Nasalete hepato bi'ahana. To kaga'atiti etabaga liyafa huto mino'ehina yabe. To ito'afu asaga ya'mana kaga komopa'agu li moloto ai mino'ehina.

Luku 4:1

Sikalafu'uba Yesutoga bai tago Yota nagami'i he'mito nobigo Sikalafu'uba bona'i menehana ka melugu le'moto bu'ehina.

Aposolo 10:19

Pitau ana bamu'mofihi hapa'amu ekesa yigiba yigiba nohigo Sikalafu'uba ma luto lu'ehina: Kai kehelibo. Loegi monegi bomagi kai kumu lite sa nehabe.

Aposolo 11:12

Ya hago kekesa loe lae meyigito mana bo enemege'i bubo luto Sikalafu'uba lu nimi'ehina yabe. Ya hulago Sisaliati Hu'mamofitoga komopa'ani emite neminana bo luga'amagi hiti Koniliasihi nonuga moneka buto ti'ohuta yabe.

Aposolo 16:7

Enali Misia kegi'a hiti bu baga ilete Bitinia hepalugu tilune lite babeyafa hana Yesuhi Sikalafu'auba metilo luto kapo hekini lo epolo'ehina.

Aposolo 8:29

Ya higo Sikalafu'uba Filipihi ma luto lu emi'ehina: Kai ana bo nobinalo buto gufalo li letogo moneka biliyo.

Galesia 4:4

Ya hulago aliha'a ya'ma kana'a molo'ehina ya'ma su nohago Hu'mau pana'a ho lifigo limito melugu o'ehina yabe. Ana pana'mofihi ito'afu melugu a'i yabe. To ana pana'uba huto huloto ai Mosehi keya kamofihi agoya hu etoto mino'ehina.

Huto Hilina Ka 1:10

Minoto kibina bomofihi kana'alo fuligu ya'ma Sikalafu'uba ai'a komopa'nimofihi bu'a li heligo nemegesagati nogo sipi pikuli ya suhi huto huto hu'ehina.

Huto Hilina Ka 17:3

Sikalafu'uba limito komopa'nigu fololago agelo bu galane luto lu nimi'ehina'auba nele'moto ka meto foto'i bu'ehina. Anaga a'i mone bu go'ohube. Ai akafu yagakafa safa'na mone'mofihi megesalo mino'ehina. Akafu yagakafamofihi suhi huto gufa'alo gi'a babu luto mino'ehina. Ya'ma Hu'mamofihi lube sibina sabana lulata hu'ehina ka'a fato suhi fato suhi huto fayahi koyo'ehina. To ana akafu yagakafamofihi lataha'alo 7 to komu'a 10 mino'ehina.