Luku 2:10 - Ka Lamana'a Monoꞌi Lu Mu Tifiꞌehina Ka Yabe

¹⁰ Ya hite koli nehago agelouba ma luto lu epi'ehina: Koli mehite kehelilo. Nani hetofa kaga lenalitoga ito noo lepolona ya'mana kagauba asaga boana'i enele'mo sipi enofokehi halina'mu yabe.

Luku 2:10 ပူးပေါင်းရင်းမြစ်များ

Matiu 14:27

Ya hago hololu luto Yesu enali kehe i'ehina: Lenali amuya malalo. Nani'ni nohube. Nani'ni nohube. Lenali koli mehilo.

Matiu 28:18

Yesu koko pana'amagihi ma luto lu epi'ehina: Kokulumalugu hiti melugu hiti asaga'na kaba hilane lutomo Afo'nifu ya'ma nimi'ehina.

Matiu 28:5

To agelouba a'male'i lu etimi'ehina: Letali koli mehiliyo. Yesu malipu yafalo ho fili'ahana bo kumu sa sa neha'inamo'mu akeheli'ohube.

Maki 1:15

Hu'mau molo'ehina kana abaga i'ehinagi, Hu'mamofihi kapo'a huto hilina kana'a ma'asi a'alina'mu yabe. Lenali komopatini i gelehe hitetini ka lamana'a kehelite agoya hi emilo.

Maki 16:15

To ai ma luto lu epi'ehina: Lenali asaga melugu hepatoga bite bona'magihi hetofa ka'ni ya'ma ka lamana'a lu epilo.

Luku 1:13

agelouba ma luto lu emi'ehina: Sekalaiyao, kai koli mehubo. Hu'mau ai nunumuka akeheli'ehibe. Lihaka Elisapetiu ai panaka ketalina'mu yabe. To kai gi'a Yonio luto molobo.

Luku 1:19

To agelouba Sekalaiyahi ka'alo ma luto lu'ehina: Nani nigi'ni Gebilielita sipi agelo'i Hu'mamofihi okabalo ho notuna yabe. Ai'a noho lifito lu emibo ligo ya'mana hetofa ka oto lu nokumube.

Luku 1:30

to agelouba lu emi'ehina: Malia, kai koli mehubo. Hu'mau ipa'a kaitoga bati nohibe.

Luku 2:11

Yatai sininugu Tebitihi hepalugu a'i moneuba pana'i mone keto'ehibe. Ai ya'mana bouba lali'i lele'mo kosaba huto lenubuto bilina'mu yabe. Ai sipi bo Yesu Kilisito yabe.

Luku 24:47

To ai gi'alo Yelusale hepatoti hapi filete kaga'a lite noto noto bona'i asaga kapoga lu yege henogo ai gi'alo komopa'ani i gelehe hilete foipana'ani'guti mino bati hinogo Hu'mau foipana'ani li he'mi epalalibe.

Luku 8:1

Aliha'a nesi'a minoto Yesu sipi hepa'ifi to lagaso hepa'i ninalo ninalo bula ola huto Hu'mamofihi kapo'amofihi hetofa kaga'a boana'i enalitoga lu epimofa'na hu'ehina yabe. To nayahi luga luga su hoto nigigusagati loemo heleko malago hite Yesuhi koko pana'a minana mege'i melete bi'ahana yabe.

Aposolo 13:32

Ya'mu luto lali yatai lenalitoga ka lamana'a ma luto lu epilune luto noone. Ya'manana koyapa'i Hu'mau tatatigi epilube lu'ehinana yatai lali panana'animagita alimi'ehibe. Mono nama buku kupa'agu 2 enali keye'ahana Yesuhi le'mo ho tilibe luto mono kagu ma luto ni'ibe: Kai nani pana'ni nohane. Yatai'isi kai afokafita lolo hu'ohube.

Romu 10:15

To Hu'mau kaga'a lu yege hose bona'i ho melifinogo kaga tili tele mehinogo kiyi'afu ana kaga lu enelepilibe? Yana'mu mono bukugu fayahi ge'ahanamo ni'ibe: Enali kapo melete hekili hekili hite hetofa kaga'a lite neana bona'magihi enigigusalo soso hu epoloto gepohi lilune.

Efeso 3:8

To nani mono bona'i limite nehanaguti nani'i limito mino'ohunamofita nohunaya Hu'mau mehi nimise'na nanitoga huto higo Kilisitotoga keheli emilata bona'magihi enele'mo mino bati bati huse hapa'a leka soto soto su meholatanamofihi ka lamana'a ya'ma fegutoga bona'i lu huto huto lu epilane luto yamofihi foya kaga'a lu neto'ehinamo ni'ibe.

Kolose 1:23

To lenali yatai amuya melete Yesutoga minete komopatini emite minete ka lamana'amofihi yata'a keheli ule'ale hi'ahana kamu'i li pili kete ya'ma legeya'a huto hilinamofihi geba hite kehelise'natini mopo mopo mehilata nohigo ya hite minalo. Ya'ma nani Poluita, ka lamana'a nasanamofihi kele kele bo nohuna, asaga bona'i melugu neminanamofihi ya'ma nani ka lu yege holata nohunamofihi, ya'ma kehelilo.