Luku 2:1 - Ka Lamana'a Monoꞌi Lu Mu Tifiꞌehina Ka Yabe

¹ Ya'mana yupahi Sisa Ogasitasi ai Lomu gihiti bouba asaga boanatoga enigi'ani liloto leka salube luto kaga mololoto lenigi lilube lu'ehina.

Luku 2:1 ပူးပေါင်းရင်းမြစ်များ

Matiu 22:17

Ya hu'ehinagi kai ma kaga lu limibo. Kai henabe luto kekesa noyigine? Lomu gamani bomofito takisi he'milata nohutaba lali keya kagati li gofa nohopi to bati huto nohe'mune? Ya, kagatilo nona'a lu limibo.

Matiu 24:14

To Hu'mamofihi kapo'amu luto ka lamana'a ya'ma asaga noto noto kapoga lu yege henogo asaga boana'i kehelilete fato fato hepalugu bai toto ana kana'a su halina'mu yabe.

Maki 14:9

To lusiga nolube. Alihi nani kumu ka lamana'a asaga melugu hepatoga bite kaga beto hite lu epilana nehite ya'ma a'uba hu neto'ehinamofihi ka'mu ana hite lu epilabe. Ai hu neto'ehinamofihi beto hite kaga lilabe.

Maki 16:15

To ai ma luto lu epi'ehina: Lenali asaga melugu hepatoga bite bona'magihi hetofa ka'ni ya'ma ka lamana'a lu epilo.

Luku 2:3

Asaga boana'i enigi'ani lilune'mu nehite hepa'anilo bila bila hi'ahana.

Luku 2:5

Ai gi'a hiti to a'i gi'a lilube'mu Malia nole'moto bi'aha'ina. Ya'ma a'mo Yosefeu alihi liha'a lilina a'i yabe. To Malia ai yagapana'mu hiti hu'ehigo bi'aha'ina.

Luku 3:1

Sipi Lomu bo Taibiliasi 15 kufu'a kana kaba hu'ehinalo gamani bo Ponitiasi Pailati, ai Yutia melugu bona'magihi kohe toto kaba huto mino'ehina. To ya'mana kanalo Heloti ai kohe toto Galili kegi'a sipi kaba bo mino'ehina. To go'afu Filipi ai Itulia to Telekonaitisi kegi'a yata'a kaba bo mino'ehina. To gamani bo Laiseniasi ai Abilini kegi'a kaba huto mino'ehina.

Aposolo 11:28

Ya hana bomagihi folagaha'anigu bo mone bu'ehina gi'a Agabasi. Ai Sikalafu'mofihi amuya'alo ho tiloto asaga melugu nose'na fenene hilinagi hepato hepato kau'na halana'mu yabe luto lu huto hu'ehina. Ya lu'ehinalo alihi Kolotiasiu kibina bo minana kana'alo ya'mana kau'na he'ahana yabe.

Aposolo 25:11

To nani foipana lito ni'ifi to filise suhi luto ana'ina mone li sibina hu'ehinogo'nimo ya bati hite noho fililabe. To enali nifisa neina kamofihi hapa'a meni'inogomo bo moneuba nayato lito meepilina'mu yabe. Nani sipi gihiti bo Sisahi kehe inogo'ni kaga'ni kehelilina'mu yabe luto Polu lu emi'ehina.

Aposolo 25:21

Ya lugo Polu kaga'nilo nona'a lu'ehina: Nani nagalugu nohinogo'ni alihi sipi gihiti bo Sisau kaga'ni kehelilina'mu yabe. Ya ligo nagalugu bite he'mi etenogo nohinogo alihi kana'agu Sisatoga ho lifilube.

Romu 1:8

Yata'a nani lenali kumu Hu'mamofitoga gelo nohube. Hena'mube? Asaga hepatoga nobunogo noto noto bona'magi lenali Yesu Kilisito mege'i nemalanamu'i ya'ma kaga liba liba nehana yagi akehelito gelo nobube.

Filipai 4:22

Ma hepato bona'i Hu'mamofihi yagapana'a lolo hi'ahana bona'i yege yege'i to Lomu kaba bomofihi kele kele pana'i Yesutoga komopa'ani emi'ahana'a hiti keketini li lepelelata nehabe.