Luku 19:37 - Ka Lamana'a Monoꞌi Lu Mu Tifiꞌehina Ka Yabe

³⁷ Yelusale hepatoti kapo mone Oliba kosalo limi'ehinalo Yesu o leba notago Yesuhi babu pana'alobomagi li nupa hilete Hu'mamofihi fokehi hete sipi kehe ilete hite Yesu asaga'na fato fato'i bu ge'ahago li huto hina'mu enegelo Hu'mamofihi bi emite: Hetofa suhi hu letane, li'ahana yabe.

Luku 19:37 ပူးပေါင်းရင်းမြစ်များ

Matiu 21:1

Enali Yelusale'i o leba telete Betefasi hepa kegi'a Oliba kosagu neheti'ahana. Ya hilete Yesu aposolo pana'a loemo ma luto lu etototo etoho lifi'ehina.

Maki 13:3

To alihi, pana'alobo hiti ana hepatogati he'mite bite mone kosalo, gi'a Oliba, ana kosalo tilete to miya ya'ma sipi mono nohi bu gete nehago Pitagi Yemesigi Yonigi Atulugi suguna hite ma lite loka he'ahana: Ya'ma sipi efaha nohi i tobo silina kana huto hilina'a lali hiya'a huto kehelilune?

Maki 14:26

Ya ligo, enali mono nama mone lilete yalo nonuguti he'mite bite Oliba kosaga tite mine'ahabe.

Luku 18:43

Yesu ya luto noligo ana'asi ka'a mege'i moloto ana bomofihi bu'a i gili mele'isi hu'ehina yabe. Ya hulago ana bouba Yesuhi mege'i moloto nobuto Hu'mamofihi gelo bi emi'ehina yabe. To babu bona'magi anana huto hina bu gelete Hu'mamofihi ana hite fokehi hete gi'a li saga hi'ahana yabe.

Luku 19:20

To mone lili'nalo pana'a nehetiloto ma luto lu emi'ehina: Sipi bo, mone goli efapo nimi'ahatamo ma li'ohube. Nani gulugu fala kito li gu'i keto'ohuna ma bati huto asaga'i ni'ibe.

Luku 19:29

Ya huloto ai Betefasi hepa'i hiti Betani hepa'i hiti nina o leba toloto Oliba kosaloti loe koko pana'a etoho lifigo etali kohe tete bifa hi'aha'ina.

Luku 19:36

Yesu ya huto toki yaga gupisalo nobigo asaga boana'magi gukete'ani kapogu molo lehete lite tibi'ahana yabe.

Luku 7:16

Ya higo asaga boana'i anana bu gelete enelesa'ani gofa ligo Hu'mamofihi gi'a li saga hite fokehi hete ma lite li'ahana: Mono ka lu yege hose bo sipi mone folagahatigu huto nohibe. To Hu'mau boana'a enehe'moto enubuto bilibe luto a'noabe.

Yoni 12:18

Ya hu'ehina'mu ya'ma babu boana'i Yesuhi amuya lili'na'amu akehelite kapogu fo tula hete li nupa hi'ahana.