Luku 19:21 - Ka Lamana'a Monoꞌi Lu Mu Tifiꞌehina Ka Yabe

²¹ Kaimo bu kogonamoya hosopa bo nohane, luto ya'ma bouba lu emi'ehina. Fato bona'magi ana'ina melelata nehana kai lilata nohane. Bona'magi nose'na foya'anigu hekelelata nehana kai ya'ma nose'na lilata nohane. Ya'mu kai kumu'i nani koli nohube luto ya'ma lili'nalo bouba lu'ehina.

Luku 19:21 ပူးပေါင်းရင်းမြစ်များ

Luku 19:20

To mone lili'nalo pana'a nehetiloto ma luto lu emi'ehina: Sipi bo, mone goli efapo nimi'ahatamo ma li'ohube. Nani gulugu fala kito li gu'i keto'ohuna ma bati huto asaga'i ni'ibe.

Luku 19:22

Yalo gihiti bouba ana lili'nalo pana'a ma luto lu emi'ehina: Kai bati mehata lili'nalo pana'i yabe. Kaika kagakamu ka foyagu kele'mo malaluna'mu yabe. Nani'ya bo nohuto'ni bona'magi ana'ina'ani nolito to nose'na foya'anigu hekele'ahana yana'ani lilata nohuna bomo nohube. Keheli'ahapi, ya?

Romu 8:15

To ya'ma Hu'mau lepi'ehina Sikalafu'uba koko pana'a lenele'mo lolo huto lenelesa melu'ehibe. Lenali Hu'mamofihi lusi pana'amagita li tifito logogose'namagi neminete ai kumu: Apaobe, Apaobe, lite kehe neibe.

Romu 8:7

To bona'i enugufa'aniuba laga besise'nalo mege'i nemalanamagi nehago kehelise'na'aniuba kaba hu epalago enali Hu'mamofihi fateha'a nehana yabe. Henabe lutobe? Enali Hu'mau kaga lu molo'ehina'amofihi keheli he'mite pelesa i'ahana. Ya'ma Hu'mamofihi kaga'a amuya'anitu mekehelite to analo mege'i memelelata nehabe.

2 Timoti 1:7

Ya nohitogo yanamofi kumu ma luto kehelibo. Hu'mau Sikalafu'a lalitoga ho lifi limi'ehina ai lelesati lulata nohina nasana meni'ibe Sikalafu'uba komopatigu limito ai'a amuya'a hiti to ginaga fise'na'a hiti limilata nohinagi to legekesa hokolo hu letalinamofihi limilata nohibe.

Yemesi 2:10

Bo moneuba Hu'mau keya ka lu'ehina ka'a keheli su hoto nekehelito moneko'isi he'milina yauba keya ka asaga'i pelesa neibe.

1 Yoni 4:18

To hena'mube? Komopati epilata'namofihi legeya'auba ya'ma lelesa luse'na ya'ma fife lu halina'mu yabe. Ya hu'ehina'mu enali enelesa luse'na lite minalana enalitoga komopa'ni emise'na huto hu lamana mehu'ehibe luto kehelilune. Hena'mube? Lahalifi, lite koli nehana yabe. Enali Hu'mau komopa'a limilata'namofihi hapa'a mone mekeheli'ahana yabe.

Yute 1:15

Ya huloto asaga bonatoga hapa'ani lu huto nohuto kegeiyo bona'i Hu'mamofitoga meneminana'a enali kegeiyo'na'animofihi hapa'a nona'a foipana epilina'mu yabe. To kegeiyo bona'magihi Hu'mamofitoga meneminana'amagi enali Hu'mamofihi kaga li sibina sabana hite ka laga mehina'a lilana ananamofihi nona'a epilina'mu yabe.