Luku 19:13 - Ka Lamana'a Monoꞌi Lu Mu Tifiꞌehina Ka Yabe

¹³ Mebu'ohuto yata'a teni'a lili'nalo bo'a kehe i nupa huto goli efahi epila nohuto ma luto lu epolo'ehina: Lenali ya'mana efahi nolepunaloti bisinisi melete efahi luga'a mone hiti li huto hilafi nani alihi oto bu lenagalube.

Luku 19:13 ပူးပေါင်းရင်းမြစ်များ

Matiu 25:16

Ai ana kaba bo'ani abufa hulago 5,000 kina lina bouba hololu luto ana efatoti bisinisi mololoto 5,000 kina aku'i molo emito mone'a hiti efahi huto li'ehina yabe.

Matiu 25:20

To 5,000 kina emi'ehina bo ai o'ehina, ai 5,000 kina mone hiti molo emito liloto oto ma luto lu'ehina: Sipi bo, kai 5,000 kina nimi'ahane. Bu gobo, nani bisinisi moloto'ni 5,000 kina mone'a aku'i okalago li'ohube.

Matiu 25:22

To 2,000 kina sipi bo'auba emi'ehina bo ana huto o'ehina. Ai ma luto lu'ehina: Sipi bo, kai 2,000 kina nimi'ahane. Bu gobo, nani bisinisi moloto'ni 2,000 kina mone'a hiti molo emito li'ohube.

Matiu 25:24

To 1,000 kina sipi bo'auba emi'ehina bo ana huto oloto ma luto sipi bo'a lu emi'ehina: Sipi bo, nani akeheli keto'ohube, kai hakale kaga lulata nohata bo nohane. Mone bouba foya hekolo'ehinaguti kai nose'na kifilata nohane. To mone meto bo moneuba nose'na legeya'a tili hu'ehinaloti kai nose'na'a lilata nohane.

Luku 19:12

Ya'mu Yesu ma lu'ehina: Sipi bo mone foto hepatoga bulenogo gihiti bo le'mo lolo hilune'mu hilana ai aku'i i behe huto hepa'aga alina'mu yabe

Luku 19:14

Ya nohigo hepa'alo bona'magi enali ana bo sipi ipakafa he'ahana. Ya nehago ana bo abufa nohigo bona'i luga'a enoho lifigo kaga lite mege'i lifite bite enali ma lite li'ahana: Ya'ma bouba ai lali gihiti boti lolo mehilibe luto keheli'ohune li'ahana yabe.

Yoni 12:26

To bona'i moneuba foya'ni li netalube'mu nohuto'a nemege'i malalina'mu yabe. Ana kele kele pana'ni suhi huto nani nominonaga ai hiti minalu'ibe. Ana bo foya'ni netalata nohigo afo'nifu le'mo ho tito sipi gi molo etalibe.

Galesia 1:10

Ka noluna ya'ma bona'magi bu gete laga'a kehelilabe luto nolufihe? O'e. Hu'mau ai'a bu genogo bati hilibe luto ya'ma nolube. Nani ya'ma bona'magi nani kumu kehelinogo tilibe luto foya ya'ma nolufihe? O'e, to nani bona'magi nani kumu laga epesilina'mu sa sa nohufiye? O'e, Ya'ma hutita Kilisitohi kele kele bo'a lolo huto meminotita'mu yabe.

Yemesi 1:1

Nani Yemesita Hu'mamofihi koko pana'a to Sipi Bo Yesu Kilisitohi pana'amofita nani'ni fayahi nokoyobe. Lenali Isilaeli bona'magihi naga'i nayahi luga luga su hoto nigigusaga loemo leke ho malago tili tele hite bi'ahana bonatogati Yesuhi naga'a lolo hi'ahanamagihi keke'i lu epoloto ya'ma fayahi nokoyobe.

2 Pita 1:1

Simoni Pita nani Yesu Kilisitohi koko pana'a to aposolo nohuna bo, nani fayahi ya'ma nokoyobe. Afotifu, Hu'ma lamana hiti nohina bouba to Yesu Kilisitou lubuto bilata bouba lenele'mo bati higo lali suhi hite aitoga keheli ule'ale hilata'na mina'a suhi huto tito nohina'a bona'ise. Ya'ma koyoto nolepube.