Luku 19:12 - Ka Lamana'a Monoꞌi Lu Mu Tifiꞌehina Ka Yabe

¹² Ya'mu Yesu ma lu'ehina: Sipi bo mone foto hepatoga bulenogo gihiti bo le'mo lolo hilune'mu hilana ai aku'i i behe huto hepa'aga alina'mu yabe

Luku 19:12 ပူးပေါင်းရင်းမြစ်များ

Matiu 21:38

Ya higo enali foyagu lili'na nelina bomagi ana pana'a bu gelete ma lite musi musi ka li'ahana: Ya'ma bouba ai afo'afihi fe'noha'a li su halina'mu yabe. Lenali ho tilo, lali mana pana'a ho fililototi ya'mana foya'a laliti lilune.

Matiu 28:18

Yesu koko pana'amagihi ma luto lu epi'ehina: Kokulumalugu hiti melugu hiti asaga'na kaba hilane lutomo Afo'nifu ya'ma nimi'ehina.

Maki 12:1

To yalo, Yesu kaga lu epilube'mu nohuto fono ka ma luto lu epi'ehina: Bo moneuba naga'i foya kofoto to gegisa fi bego bego huto'a, to kaba bo minalana noho gito'a, to naga'i legeya'a li letite bai nagami'i lolo hilana keli mone kifiloto'a, yalo kaba bomagi enele'mo ho tiloto'a, fato kapogu buto mino'ehibe.

Maki 16:19

To Sipi Bo Yesu ai ana kaga lu epi su holoto'a yalo kokulumalugu tito folofa hu'ehibe. Anaga tito Hu'mamofihi yahi lamaga'aga mino moloto mino'ehina yabe.

Luku 20:9

To Yesu boana'magihi kilihe'i mone lu epi'ehina: Bo moneuba naga'i foya kofoloto'a, to kaba bona'mo enele'mo ho tito buto, foto hepatoga buto minoba minoba hu'ehina yabe.

Luku 24:51

Ai lusa'a gi epoloto nohigo Hu'mau fulu fulu huto kokulumalugu le'mo saga hu'ehina yabe.

Yoni 18:37

Ya ligo Pailatiu loka ho'ehina: Kai kigihiti bo nohane ya hifi? luto ligo Yesu lu'ehina: O'yo, kigihiti bo nohane luto lusiga nolane. To ito'nifu neketo'ehina'mu to huto hu'ohuna'mu ma melugu ka lamana'amu ya'ma lu yege haluta ya'ma nasana'muko o'ohunagi kehelilabe. To bona'i ka lamana'alo mege'i melete nehanamagi nani kaga'ni lu epise'namofihi akehelilata nehabe.

Aposolo 17:31

To ai asaga melugu bona'i ka foya liloto guna ilube luto limilina kana'a molo eto hu'ehibe. To ai ya'mana lili'na lilibe luto bo mone le'mo ho ti'ehinauba guna i epalalibe. Ai ana bo fili'ehinagati le'mo ho tilotomo ya'mana asaga bona'i enelepigo be gete keheli'ahabe.

1 Koliti 15:25

Yatai ya'ma Kilisitou foya'a lito kaba huto mino lito nobinogo Hu'mau fateha'amagihi gi fehupa'aga enele'mo malago foya'a li su halube'mu.

Hibulu 9:28

Kilisitou ai ana huto kana moneko'i silaga bona'magihi foipana'ani ai gupisalo tigo he'mu kito Hu'mamofihi kuguhi koyo emiloto fili'ehina. Aku'i foipa nasana li su halibe luto ni'igopa aimofihi geba hite fifa ite minelata nehana bona'i Kilisitou enubuto bise foya aliha'a li su haluna'mu yabe luto aku'i kokulumaluguti limito huto hilube'mu hibe.

1 Pita 3:22

To ai kokulumalugu tito Hu'mamofihi yahi lamaga'aga mino moloto nohibe. Yaga nohigo agelomagi mine'ahana'a hiti to kokulumalugu enigihiti bo mine'ahanaya amuya'a hiti mine'ahanaya Yesu enebe ligito kaba hu epoloto nominabe.

Huto Hilina Ka 1:7

Bu galo. Sopohi gupisalo alina'mu yabe. To bona'i asaga'magi enubutu bu galana'mu yabe. To Yesuhi magolohi fi'ahana bona'i hiti enali bu galana'mu to noto noto bona'i asaga'i enali ai'i bu gelete ai ka'a keheli meemi'ahana'mu yabe lite sipi yibi hafili hilana'mu yabe. Ya'ma ka'a ya huto huto hino. Lama'na ka.