Luku 18:9 - Ka Lamana'a Monoꞌi Lu Mu Tifiꞌehina Ka Yabe

⁹ Bona'i luga'amagi lali bati bona'i nohune lite enali'ani enugufamofihi fokehi nehite to fato bona'momu'i enali bati mehana bona'i nehabe lite lilata nehana'mu Yesu ma bame ka lu'ehina:

Luku 18:9 ပူးပေါင်းရင်းမြစ်များ

Luku 10:29

Ya noligo ana keya kaga kehelise bouba ai'a gi'a le'mo bati hilube'mu Yesuhi ma luto loka ho'ehina: Kiyi'afu nani nalalu'nifu nohibe? luto Yesuhi loka ho'ehina yabe.

Luku 15:2

Ya nehago Felosi bona'i to keya ka tisa bo bu gelete gulu gulu bite ma lite Yesuhi ka emeki'ahana: Ma bouba ai foipa bona'i hiti enele'mo bati huto enali hiti nose'na nolata nohibe.

Luku 16:15

Yesu ma luto ana Felosi bona'i lu epi'ehina: Asaga bomagihi enubulo lenali bati hu'ohuta bo nohune lite lilata nehanaya Hu'mau komopatinigu bu go fulu tuto abu go'ehibe. Bona'magi enali hetofa fe'nohati yabe lite li pili kete minelata nehananaya Hu'mamofihi bulo kisilito tuguma bito bati mehinana ni'ibe.

Luku 18:11

Ai Felosi bouba ho tiloto faha'alo buto ho tito nohuto ma luto nunumu komopa'agu hu'ehina: O Hu'mao, nani bona'i luga'amagi suhi huto menohube ya'mu nani kegepohi nolube. Bona'i gumina felete to bo alobo loko hila ya hila nehana bomagihi suhi huto naniya menohube. Ana huto ya'ma bo ai takisi lilata nohina bo legi huto menohube.

Luku 19:7

Ya neha'igo asaga bona'i bu gelete gulu gulu bite ma lite li'ahana: Akae. Bati mehina suhi luto hetofa bomouba buto foipa bomofihi nonugu minalube'mu nohibe, lite enitaluga logo bi'ehina yabe.

Luku 7:39

To ai Felosi bouba Yesuhi nose'na nalu'ibe luto kehe i'ehina bouba ana a'uba hinana bu goloto ma huto ekesa yigi'ehina yabe. Ya'ma bo ai mana ka luto mono bomo nohutomo ya'ma a'uba gufa'alo meko nohina hena huse a'i nohifi luto bu galibe lu'ehina yabe. To hena huse foipana lito nominafi luto ai lilibe.

Yoni 8:48

Yuta bomagi aku i behe hite Yesutoga ete loka he'ahana: Kai Samalia kegi'a bo nohane, to foipa fele kai kugufagu ni'ibe lulata nohuta ya ma'naka nolupihe?

Yoni 9:28

Ya ligo enali huli ka lu emite li'ahana: Kai ya'ma bomofihi pana'a nohane. Lali Mosehi ka'alo mege'i nomoloto pana'alobo'a nohuta yabe.

Yoni 9:34

Ya ligo enali kaga'alo nona'a emi'ahana: Kai foipanagu keketona bose. Laliti'mu kaga mone li lelepilata nohapi? Ya lite nelite ana bomofihi le'mete mono nonuguti he'mi ete'ahana yabe.

Aposolo 22:21

To ya lu emugo ai: Mana hepatogati he'mito bufa hubo. Nani fegutoga bona'iloga fato'i koho lifilube'mu nohube, luto Sipi Bo ya lu nimi'ehina yabe.

Romu 10:3

Enali Hu'mau bona'i le'mo bati huse hapa'a yamofihi mekeheli'ahabe. Enali enegekesa'ani keheli'ahanamofihi hapa'a mege'i nemalabe. Enali Hu'mau enele'mo bati huse hapa'a mekehelite aitoga agoya hu meemi'ahabe.

Romu 14:10

Ya hina'mu lenali henabe lite bonatinimofihi ka emekite ka'a loko nehabe? To henabe lite le'mo laba nehabe? Hu'mau kefa hisalo minoto kaga loko huse yupahi lali asaga'i bu'alo ho tito minolenogo lali kumu ka foya liloto kaga loko hilina'mu yabe.

Romu 14:3

To lenali fato fato nose'namo nenanamagita ya'ma nose'na mone'a mo nosina bomofihi ka meemekilo. Ai'a ekesa keheli'ehinamofihi kaga loko mehilo. To ana huto lenali mone nose'na mo nesina guya'asigo nenanamagita ya'ma nose'na yege yege'i nonana bomofihi hapa'amu ka meemekilo. To hena'mube? Hu'mau ana bomofihi ale'mo'ehinagihe.

Romu 7:9

Koyapa'i nani keya kamoya mekehelise fa'mene mino'ohuna. To keya ka nanitoga huto hu'ehigo foipana'niuba hekele luto amuya molo'ehibe. Ya higo nani filise kapolo hapi fito moloto fililuta bu'ohube.