Luku 18:7 - Ka Lamana'a Monoꞌi Lu Mu Tifiꞌehina Ka Yabe

⁷ Ana suhi huto Hu'mau boana'a enele'mo eto hu'ehina enali asaga utehi etehi aitoga kehe ite lehe'malibe lite lilata nehana meenehe'malina ni'ifihe? Hu'mau tala tele huto enehe'malina ni'ifihe?

Luku 18:7 ပူးပေါင်းရင်းမြစ်များ

Matiu 24:22

To Hu'mau ya'mana kana li hupa mone mehititaya asaga boana'i ma melugu meminatita'mu yabe. Ya hu'ehina Hu'ma ai enele'mo eto hu'ehina bona kumu'i ekesu mehalibe. Ya'mu luto ai ya'mana kana'a li hupa mone hilina'mu yabe.

Matiu 24:24

To faga faga Mesiagi to faga faga kaga lu yege hose bo babu lite nehetilete Hu'mau enele'mo eto hu'ehina bona'a enimi'i malalune lite babeyafana lumofihi lumofihi fato fato'i li huto hilana'mu yabe.

Matiu 7:11

Ya hu'ehinagi lenali bati menehana bona'magita yagapanatinimagihi hetofana epilata nehinogomo yalo lali kehelilune, Hu'ma Afotinifu kokulumalugu nohinauba lenali nunumu hu emite ya hite hilana bona'i hetofana lepilina'mu yabe.

Luku 11:13

Yalo ana huto lenali bo foipa'amagita yagapanatini enele'mo hofa telete ana'ina bati hu'ehina enegelo bite epilata nehabe. Ya suhi lito ana huto kokulumalugu nohina bo, Afotinifu, ai'a hapa'a sipi hetofana ni'igo aitoga loka halune'mu nehana Hetofa Sikalafu'a epilina'mu yabe, luto Yesu koko panana'a lu epi'ehina.

Luku 2:37

Alihi baha'a fililago ai fa'mene mino'ehina. To yatai kufu'a 84 nominabe ya nohuto'a sipi mono nohi hepato menohe'mina litana'i yabe. To ai nose'namofihi mo sito to nunumu huto minoto Hu'mamofihi yege fito to mono lili'na'a fuliga hiti folugu'i hiti lito minolata hu'ehina.

Luku 21:28

Ya'manana hapi fito huto hilube'mu nohinogomo lenali ho tilete latahatini li saga hilo. To Hu'mau lenele'malube'mu hilina kana'a huto hilina'mu yabe.

Romu 8:33

To Hu'mau lu kehelito lele'mo ho ti'ehinagi kiyi'afu lifisa ilina bo nohibe? Ana hilina bo mone menohibe. Hu'mau ai'asi bebe sose bona'ni nehabe luto ya'ma lali kumu luto lulata nohinagihe.

Kolose 3:12

Lenali Hu'mamofihi bona'a nehabe. Ai keke'i nolu lepoloto lenele'mo'ehibe. Ya hu'ehinagi lenali fato bona kumu leniginaga fi epelete fulu hite enehe'mete agoya hite minalo.

1 Tesalonika 3:10

Lali buto bu lenagalune luto to lenogobisalo minototi mono ka luga'a mino lito bu'ehina yamofihi lu lepilune luto utehi etehi babu luto lito Hu'mamofitoga amuya moloto lulata nohune.

2 Tesalonika 1:6

Ya'mu minoto Hu'mau lenali kumu keheli bati higo kaso'a hiti nasana li lepilata nehana bona'i enalitoga ana suhi huto eniginaga fise'na enalitoga aku'i epilina'mu yabe. To lenali hiti lali hiti lele'mo fulu hilube'mu nohuto laga hina hite minalana'mu yabe. Sipi Boti Yesuhi ya'ma amuya'a hiti agelo'a hiti enele'moto kokulumaguti limilina yupahi,

1 Timoti 5:5

Keto ana'i lamana'a ya'ma yagapana'a menehinogomo enali'anigo minete Hu'mamofitoga enemehi melete kana'amu kana'amu ute etehi Hu'mamofihi kaga lite buka tite lehe'malibe lite fifa ilata nehabe.

2 Timoti 1:3

Nigiko nagako bona'magi komopa'ani bati hu'ehigo i emi a emi hite Hu'mamofihi mege'i melete mine'ahana. To nani enali yagapana'ani nohuna bo ana suko huto Hu'mamofihi kele kele'i hu noetoto komopa'ni keta mehuse nohuna ya'ma kana'amu utehi etehi kai kumu kehelito minoto Hu'mamofitoga lulata nohube.

2 Timoti 2:10

Yana'mu nani keke'i luse foya asaga'i Hu'mau enele'mo eto hu'ehina bona'i enali kumu yabe luto baga'a hiti nasana ya'ma kofilata nohube. Ya nohugo enali ya'ma Yesu Kilisitou enubuto bilata nohina to fana talina hiti mino kosaba huse'na ya'ma lilabe luto ya hulata nohube.

Taitasi 1:1

Poluita nani Hu'mamofihi koko pana'a Yesu Kilisitohi aposolo bo nele'mo ho ti'ehina. Ya hu'ehina Hu'mau enele'mo eto hu'ehina bona'i enali aimo agoya hu emilabe luto enehe'mobo luto to lali mono'mofihi ka lamana'a kapogu enele'mo keheli bati hino luto ya'ma foya'mu nele'mo ho tito noho lifi'ehina yabe.

1 Pita 1:1

Nani Pitaita, Yesu Kilisitohi aposolo nohuna bo, Hu'mau nele'mo eto hu'ehina. To Hu'mau lenele'mo ho ti'ehina bona'magita, lenali guna molo'ehinalo Ponitasi metoga hiti Galesia metoga hiti Kapatosia metoga hiti Esia metoga hiti Bitinia metoga hiti tili tele hite mine'ahana lenali'i fayahi ya'ma koyoto nolepube.

2 Pita 3:9

Sipi Bo ai kaga lu molo leto'ehina yamofihi legeya'a huto hilibe luto ligitagahi huto kana'a yatama mehu'ehinamo ni'ibe. Bona'i luga'amagi keheligo ya'ma suhi lolo hulata nohina ya huto meni'ibe. Ai bona'i luga'a haya kelete fenene hi lalabe luto enegeba huto minolata nohibe. Ai bona'i silaga'magi komopa'ani i gelehe hite foipana hapa'ani he'milabe luto kehelito enali kumu yabe luto fulu huto enegeba huloto minolata nohibe.

Huto Hilina Ka 18:20

Lenali kokulumagu nehana to Hu'mamofihi pa sose bona'a to aposolo bo to mono ka lu yege hose bo nehana lenali ya'ma lenegelo bite komopatinigu bati hino. Hepa'i sipi'amofihi foipana'amagi lenalitoga keta'a hu lepele'ahanamo ya'ma Hu'mau yatai nona'a epito pa nosabe.

Huto Hilina Ka 6:10

Enali kaga kehe sipi ite ma lite li'ahana: Sipi Boti hetofa hiti lamana'a kai kana'a sipi le'mo yatama hu'ahane. Kai golahati'mu foipana melugu bonatoga ni'ina ya'ma hiya yupahi kaga'ani loko huto pa salane?

Huto Hilina Ka 7:15

Ya'mu Hu'mamofihi sekele mamu'a hiti kefa hisamofihi maha'aluga nehite utehe etehi sipi mono nonugu agoya hi etete minelata nehabe. Ya nehago sekele mamu'a hiti kefa hisalo minolata nohina ai'a kaba hu epoloto minalube'mu hibe.