Luku 18:38 - Ka Lamana'a Monoꞌi Lu Mu Tifiꞌehina Ka Yabe

³⁸ Ya lite nelago ai mele'isi kehe ito ma luto lu'ehina: Ke, Yesuo. Sipi boti Tebitihi Pana'ase. Kai kiginaga fi nimibo.

Luku 18:38 ပူးပေါင်းရင်းမြစ်များ

Matiu 12:23

Ya higo enali le'mo bego hite babu boana'i minanamagi be gelete topa helete ma lite li'ahana: Ya'ma boba Tebitihi pana'mouba nohifi fato bobe?

Matiu 15:22

Kena a'i mone ana kegi'a nominana a'uba Yesutoga o'ehina. Tebitihi pana'abe. Ai ya luto kehe i'ehina. Kai kiginaga fi nimibo. Foipa feleuba pa'nimofihi le'mo sibina nohinagi nehe'mobo.

Matiu 21:15

Ya huto Yesu hetofana li huto nohina'mu lite yagapana'i mono nonugu nehanamagi sipi kehe ilete: Tebitihi Pana'a yege filo li'ahana, ya nelago mono bo hiti to keya kamofihi tisa bo hiti enali bu gelete enitaluga logo bi'ehina yabe.

Matiu 21:9

To enali kohe toga bana bona'i hiti to alihi bana bona'i hiti ma lite kehe napa i'ahana: Tebitihi Pana'a yege filo. Sipi Bomofihi gi'alo ma noana bomofihi Hu'mau lusana emilibe. Hu'mamofihi lenegelo bi emilo. Ya lite babu boana'magi kehe napa ite li'ahana yabe.

Matiu 9:27

Yesu ana hepa'i he'miloto kapo moloto nobigo etubu pisi lu'ehina bo loemale'i mege'i lifite nebite ma lite li'aha'ina: Tatatifu Tebitihi pana'amaka kai le'ali'i kiginaga fi le'emibo lite kehe i'aha'ina yabe.

Luku 18:37

To enali ma lite lu emi'ahana: Yesu Nasalete hepalo bo kapo moloto noabe.

Luku 18:39

Ya noligo bona'i analo minanamagi ka emekite: Kaga meluse fa'mene minobo li'ahana. Ya nelago ana bouba aku'i ai sipi kehe ito lu'ehina: Tebitihi Pana'ase. Kai kiginaga fi nimibo.

Romu 1:3

Hu'mamofihi pana'a lali Sipi Boti Yesu Kilisito yabe luto ai kumu ya'ma hetofa ka lamana'a ni'inagihe. Ai Tebitihi nagatogati o'ehina'a lusi bo nohibe.

Huto Hilina Ka 22:16

Nani Yesuita ya'ma agelo'ni ho lifinogo ai ya'ma bona'ni li gehesamu li gehesamu lenali'i ya'ma kaga'a lu yege hoto lu lepilibe. Nani ya'ma Tebitihi tata'agihi to ai'a naga'i nohube. To go'i lilube'mu nohigo sonofi'i ofu'yahi fana meha'a nohube luto lu'ehina.