Luku 18:37 - Ka Lamana'a Monoꞌi Lu Mu Tifiꞌehina Ka Yabe

³⁷ To enali ma lite lu emi'ahana: Yesu Nasalete hepalo bo kapo moloto noabe.

Luku 18:37 ပူးပေါင်းရင်းမြစ်များ

Matiu 2:23

Ai buto Nasalete hepato nohi gito mino'ehina. Ya higo kaga lu huto huto bona'magi li'ahanauba legeya'a li huto nohibe lite li'ahana: Enali Nasalete bo yabe lite lilata hilana'mu yabe.

Luku 18:36

Babu boana'i kapo melete bila ela nehago ana bu'a pisi lina bouba keheliloto enoloka ho'ehina: Lenali hena nehabe?

Luku 18:38

Ya lite nelago ai mele'isi kehe ito ma luto lu'ehina: Ke, Yesuo. Sipi boti Tebitihi Pana'ase. Kai kiginaga fi nimibo.

Luku 2:51

Ya hilete aku'i he'mito ago etali le'mete moneka Nasalete hepato bi'ahana. To kaga'atiti etabaga liyafa huto mino'ehina yabe. To ito'afu asaga ya'mana kaga komopa'agu li moloto ai mino'ehina.

Yoni 1:45

To Filipiu bo mone Natanielihi sa sa huto bu goloto ma luto lu emi'ehina: Koyapa'i Moseu ma bomofi kumu keya kagu go'ehinamo lali abu go'ohune. Ai Nasalete hepatoti Yosefehi pana'a yabe.

Yoni 19:19

Ya hi'ahago Pailatiu mone keya'a lolo huto ma fayahi koyo'ehina: Yesu Nasalete Bo Yuta Bona'magihi Enigihiti Bo Yabe. Ana fayahi koyo'ehinana yafa lataha'alo ifoga mele'ahana.

Aposolo 2:22

Lenali Isilaeli bomagita ya'ma kaga kehelilo. Nasalete bo Yesuhu kaga lu lepilube'mu nohube. Ya'mana bomofihi yato Hu'mau amuya lili'na emigo li'ehina hiti topa hose'na hiti to babeyafana hiti li huto huto lenali folagahatigu bu'ehina, ya Hu'mau ho lifi'ehina bo nohibe lite lenali bu go bati hilabe luto yabe.

Aposolo 4:10

Ya hiletemo lenali asaga'i hiti to Isilaeli naga'i hiti ya'manana keheli bebe salo. Yesu Kilisitou Nasalete Bo ai gi'alo ma bomofihi gufa'a amuya moloto bati hu'ehibe. Ya higo ai folagahatinigu yatai lenubulo ho ti'ehibe. Lenali Yesuhi malipu yafalo hago fili'ehinamoya Hu'mau aku'i kene keliguti le'mo ho ti'ehibe.

2 Koliti 6:2

Hu'mau lu'ehina ka'a ya'ma ma huto ni'igo kehelilo: Nani lenehe'mose kapo hokolo hu'ohuna kanagu lenali ka keheli'ohunamo ni'ibe. To lenubuto bise kanalo lenele'mo bati hu'ohunamo ni'ibe. Ya lu'ehibe. Kehelilo. Kana lamana'a yata'isigo ni'ibe, lubuto bise kana ya'ma ana huto yatai ya'ma ni'ibe.