Luku 18:25 - Ka Lamana'a Monoꞌi Lu Mu Tifiꞌehina Ka Yabe

²⁵ Neka'mofihi kapo'alo kameli yagauba folo hokolo huto tilina keta besilina'mu yagi to Hu'mamofihi Kapo'alo yogo fe'noha'a babu lito ni'ina bouba sipi keta besilina'mu yabe.

Luku 18:25 ပူးပေါင်းရင်းမြစ်များ

Matiu 19:24

Nani mone'a hiti kaga lu lepilube lu'ehina. Kameli yagauba kata hetise neka'mofihi hokolo kapo'agu nesi'asi keta besinogo tilinaya to fe'noha'a babu luto nina bouba Hu'mamofihi kapo'alo bilube'mu hilinaya sipi keta besilina'mu yabe luto Yesu lu epi'ehina yabe.

Matiu 23:24

Lenali lenubu pisi lina bo bona'i kapo enelepilune'mu nehafihe? Lenali guya nose'nagu ume'ume'i noagomo hesi nehe'mite to kameli yaga noagomo lenali fa'mene asaga'i mikili helata nehabe.

Matiu 9:5

To ya'mana bomofihi foipanaka li nohe'mi ketobe nolunauba keta hu'ehifi, to ho tito kapo molobo lilunauba keta hu'ehibe?

Maki 10:25

Kameli yagauba neka hokolo kapo'agu kikipa ho'ehina'a fa'mene bati huto bilifiye? O'e. Amuya moloto fito foloto bilina'mu yabe. To ana huto fe'noha'a silaga'i ni'ina bouba Hu'mamofihi kapogu tilina keta gofa hu'ehina yabe.

Luku 18:26

Bona'i enali ana kaga kehelinamagi ma lite Yesuhi loka he'ahana: Ya latago Hu'mamofihi Kapo'alo minoba minoba hepa'iba kuyu'afu analo tilube'mu bati hilina ni'ibe?