Luku 18:13 - Ka Lamana'a Monoꞌi Lu Mu Tifiꞌehina Ka Yabe

¹³ To takisi lilata bo fato'i ho tito minoloto kokulumatoga bu go saga huto bu megose melugu lipito bu goloto minoto yahi gofa holoto ma luto nunumu lu'ehina: O Hu'mao, nani foipa bo kai kiginaga fi nimibo.

Luku 18:13 ပူးပေါင်းရင်းမြစ်များ

Matiu 10:3

To Filipi hiti to Batolomu hiti yabe. To Tomasi hiti Matiu hiti etali takisi efahi lilata bole yabe. To Yemesi ai Alifiasihi pana'a yabe, to Tatiasi yabe.

Matiu 6:5

Kai nunumu hilube'mu nohutomo fagalo bomagi hilata nehana suhi kai mehubo. Enali mono nonugu ho tite nehite nunumu lilata nehabe, to hepalugu sipi kapo i loe lae hu'ehinalo bite bona enubugu nehite nunumu hilata nehabe. Nani lusiga luto lu nolepube. Enali mina'ani ali'ahabe.

Matiu 9:13

Lenali bite ya'ma mono kamofihi hapa keheli bebe sete li buto hilo. Nani yagakafa enehe'ahanamagi nimite nehago menebesibe. To nani fulu huse'na'muko nebesibe Hu'mau lu'ehina ni'ibe, luto Yesu lu epi'ehina yabe. To nani komopa'ani bebe sana bona'i kehe ilube luto meo'ohube. Nani foipa bona'i kehe ilube luto o'ohuna yabe, luto Yesu lu epi'ehina yabe.

Maki 11:25

To numuna hilube'mu nohutoka to bo moneuba koyapa sibina mone hu keto'ehina'a ni'inogomo kai ya'ma hu'ehinana komopakaguti li he'miloto komopaka fulu hino. Ya nohutoka numuna hilane. Kai ya huletogo kokulumalo Afokafu Hu'mau ana huto kaika foipanaka he'mi ketoto kaitoga komopa'a fulu hilina'mu yabe.

Luku 17:12

Ya huto hepa'i monelugu notigo falame bona'i nayahi luga luga su hago nehana Yesutoga e'ahana. Enali ete Yesuhi gufasilo ete ho metina foto'i ete ho tite mine'ahana yabe.

Luku 22:41

To Yesu analo enali'i he'mi epololoto ai'asigo bo moneuba efahi he'mi nomalana legege'alo bu mololoto lapusa nohifito lipito minoloto ma luto nunumu hu'ehina:

Luku 23:48

To asaga boana'i ete li nupa hite gili gili hana asaga'na huto higo enubu'aniguti bu ganamagihi sipi enelesa'ani ligo ya'mana fato huse'na huto hibe lite enekesa keheli keheli hilete i behe hite bi'ahana.

Luku 5:8

To Simoni Pitau huto hinana bu goloto lapusa nohi Yesuhi bulo melugu minoto lapusa filoto lu'ehina. Sipi Bo, he'mi netoto abufa hubo. Nani bo foipa'a nohube, luto lu'ehibe.

Aposolo 2:37

Asaga boana'magi ya'mana kaga kehelilete enali enelesa'ani ligo Pita hiti to luga'a aposolo pana'magitoga ma lite enoloka he'ahana: Ligibo lagabose. Ya lanago lali hena hiluta ni'ibe?

Romu 5:8

Lali foipana lito nominonogo Kilisitou lali kumu fili'ehina. Yana'mu Hu'mau sipi keke'i lu letoto lelepigo bu go'ohune.

2 Koliti 7:11

Bu galo. Ginaga fise'na ya'ma lapa mebi'ehibe. Yamofihi lenalitoga legeya'a nesi'a huto mehu'ehibe. Legeya'a sipi'a ahuto hu'ehibe. Hu'mamofihi kagalugu lenele'mo babahi huse'na to hapatini bati huto le'mo huto huse'na to foipa nasana fitu fose he'milata huse'na sipi'a to Hu'mamofihi ita bise'na lenelesa luse'na to nani kumu keheliya ite amuya molose'na, to foipanamofihi mone kegi'a epilata'na ya'ma nasana ya hina'a li huto hu'ehina ya'ma lenalitoga nona'a huto hulago lenali foipana memino'ehinamofihi hapa'a huto nohibe.

1 Timoti 1:15

Yesu Kilisito aiya bona'i foipana'aniloti enubuto bilube luto melugu limi'ehina yanamofihi legeya'a lamana'a ni'ibe. Asaga'i kehelilata nasana'a ni'ibe. Ana'ina foipa lilata nehana bona'magihi nani enebe ligi'ohuna bo nohube.

Hibulu 4:16

Ya hu'ehina'mu lali Hu'mamofihi kefa hisalo tubuto yalo lelesa meligo lehe'mose'na'a ni'igo tito babahi hinogo nehetilune. Ya nohinogoti keta huse nasana moneubafi moneubafi oto logobisalo neminenogomo Hu'mau ai'a lali kumu ginaga fi limilina'mu to lehe'malina'mu komopa'atu molo leto'ehina ya'mu luto nohinogo ana'asi lele'mo bati hilibe.

Hibulu 8:12

Ya hu'ohuna'mu kehelilune'mu nehabe. Nani keke'i nolu epoloto enali li sibi sibi hi'ahana'ani li he'mi epalaluna'mu yabe. To foipana'animu aku negekesa mone mekeheliluna'mu yabe, luto Sipi Bouba ya lu'ehina yabe.