Luku 17:6 - Ka Lamana'a Monoꞌi Lu Mu Tifiꞌehina Ka Yabe

⁶ Yesu ka'anilo ma luto lu epi'ehina: Lenali yafa legeya lagaso'asi mone'mofihi suhi luto kaga kehelise'natini ni'inogomo ya'mana nemuya yafa'a ma lite lu etalo: Kai ma yafamaka hapa'aka hiti i gonomi huloto buto hege nagamilugu kaika hekololoto tibo, lite linogo ana yafauba lenabaga liyafa huto kagatini kehelilina'mu yabe, luto Yesu lu epi'ehina yabe.

Luku 17:6 ပူးပေါင်းရင်းမြစ်များ

Matiu 14:29

Ya ligo Yesu lu emi'ehina: Obo. Ya ligo Pitau botiguti leheko limiloto nagami mupa'alo li hapi fito kapo moloto Yesu nohinalo bu'ehina.

Matiu 17:20

Ya lago Yesu ma luto lu epi'ehina: Hena'mugope lenali nanitoga komopatini nesi'asi mele'ahana'mu yabe. Lenali ma'naka lu lepilunagi kehelilo. Lenali nalepa legeya'a legi huto nanitoga komopatini nimise'natini minalina, ma kosamofihi mula kegi'a bu molobo lilana ai lenabaga liyafa huto bilina'mu yabe. To lili'na yege yege'i lenalitini lilana'mu yabe.

Matiu 21:21

Ya lago Yesu ka'anilo nona'a ma luto lu epi'ehina: Lenali lenekesu meheno. Lenali komopatini nanitoga melelete lenali loe lae komopatini meminalina nani ma nemuya yafamofihi hu'ohuna suhi hilana'mu yabe. To lenali ya'ma sunogo mehilana'mu yabe. Ma kosamofihi ma lite lu emilana'mu yabe. Ma kosa ho tito hege nagamilugu limibo lilana lenabaga liyafa huto limilina'mu yabe.

Maki 4:31

Ya'ma legita ni'ibe. Nose'na mone'mofihi bigaha'a kitili ketele'asi ni'inagi aku'i melugu kofolenogo tito asaga nose'na bege ligito sipina huto tito yaha'a ha'i fito ni'inogomo namamagi samapa'agu noha'ani negibe. Hu'mamofihi kapo'a ana nose'na legi huto hofa notabe.

Maki 9:23

Ya ligo, Yesu ma lu emi'ehina: Kai henabe luto keheli bati nohapiye luto noloka hane? Nanitoga keheli ule'ale huto komopa'a nimilina bouba asaga'na bati huto li huto hilina'mu yabe.

Luku 13:19

Ai nose'na mone'mofihi kitili legeya'a legi huto ni'ibe. Bo moneuba ana yafa legeya'a lito buto foya'agu he kofolenogo anana hofa toto yafa legi huto tilenogo ana yafa musa'alo namamagi noha'ani gilata nehabe, luto Yesu lu'ehina.

Luku 17:7

Lili'nalo boka moneuba foyakagu ke'muya nokifilinatifi to holupa kifigu yagaka kaba nohilinagati noenogomo me'me huto oto nose'naka nobo, luto lulata nohata ni'ifihe?

Luku 19:4

Ya huloto ai kohe toga hololu luto buto sifehe yafagu tiloto'a afenuga oto Yesu nobinogo ai bu golago limito bu galube'mu hu'ehina.

Luku 7:13

Ya nehago Yesu ana pana'mofihi ito'afihi komopa'agu pana'amu luto sipi yibi huto hepuhi nolago ma luto lu emi'ehina: Yibi mehubo.

Luku 7:19

Ai kehelito koko pana'a loemo kehe i bufalo mololoto etoho lifigo kaga mone lite bite Yesuhi loka halu'ibe'mu bi'aha'ina. Kaiba Yoniu kaitoga alube'mu nohina bomomu'i luto lu'ehinana nohapi to fato bona kumu geba hilune?

1 Koliti 13:2

To nani Hu'mamofihi ka lu huto huto hulata bo lolo huto huto'ni Hu'mamofihi suguna ka'a yamofihi keheli su ho'ohuto'ni to Hu'mamofihi kamofihi nekisa mokisa'a hiti keheli su hoto nohuto'ni to nani linogo kosa mone li sibi hu he'milibe luto keheli ule'ale hu'ohuto'ni niginaga mefise fa'mene minotita fa'menena lolo hutine.