Luku 17:26 - Ka Lamana'a Monoꞌi Lu Mu Tifiꞌehina Ka Yabe

²⁶ Koyapa'i Noaha kanalo huto hu'ehina suhi lito ana huto Kokulumaguti limi'ehina Bomofihi kana'alo huto hilina'mu yabe.

Luku 17:26 ပူးပေါင်းရင်းမြစ်များ

Luku 17:22

Yalo koko pana'a ma luto lu epi'ehina: Alihi kana mone huto hilina yupahi lenali lenipagu yibi hilete ma lite lilabe: Kokulumaguti limi'ehina Bomofihi kana'a mele'isi aku huto hulenogo bu galune. Ya lilana lenali bu megalana'mu yabe.

Luku 17:24

Kopisi'nauba i begena huloto kokulumatoga mone kegi'a buto i begena hula oto mone kegi'a i begena hula nohinana yago Kokulumaguti limi'ehina Bouba yatai ya'ma kana'alo ana suhi hilina'mu yabe.

Luku 17:27

Asaga bona'i minete nose'na neba neba nehite ana'i kata hite nehago Noau sipi botigu tilago nagami'i bilito asaga boana'i enoho fito su ho'ehina suhi hilina'mu yabe.

Luku 17:7

Lili'nalo boka moneuba foyakagu ke'muya nokifilinatifi to holupa kifigu yagaka kaba nohilinagati noenogomo me'me huto oto nose'naka nobo, luto lulata nohata ni'ifihe?

Luku 18:8

Nani lu nolepube, Hu'mau hololu luto enehe'malina'mu yabe. Ya hu'ehina Kokulumaguti limi'ehina Bouba aku'i alina yupahi ma melugu bona'i aitoga enipa molo emite keheli ule'ale hite nehinogo alina ni'ifi, ya mehilanabe?

Hibulu 11:7

To Noa ai keheli ule'ale huse'na'a hiti bo mino'ehina Hu'mau alihi lipoti molo emilago ekesa kehelito kohe toto ka'a ekesa lito lu emigo Noau ya'ma kagalo keheli amuya moloto yagapana'a hiti enubuto bito minalabe luto ya'ma luloto nagamilugu boti sipi'a lolo hu'ehina. Ya huloto Noau Hu'mamofitoga agoya hu emito keheli ule'ale hilata yana'mu Hu'mau lamana bo nohane luto lu molo'ehina yauba ya'ma melugu bona'i foipana li'ahana'amagihi enifisa i'ehina suhi huto mino'ehibe.

2 Pita 2:5

To koyapa'i melugu bona'i foipana hite mine'ahana'a enali'i Hu'mau enubuto mebi'ehina yabe. Mone Noau ai bati bo minoto asaga bona kumu komopatini i gelehe hite eto'ehina hapa'a hite minalo, luto hetofa kaga lu epito mino lito buto mino'ehina bo aimo to lalameha'a sebeni'a mine malago Hu'mau enele'mo bati huto kaba hu epoloto enubuto bi'ehina yabe. Bona'i kegeiyo'a enalitoga nagami'i sipi hoto ti'ehinamo ni'ibe.

2 Pita 3:6

To aliha'a ya'ma nagami'ubago hoto bona'i to ana'ina silaga'i enohoto ifi to su ho'ehina yabe.