Luku 16:9 - Ka Lamana'a Monoꞌi Lu Mu Tifiꞌehina Ka Yabe

⁹ Nani lu nolepube, luto Yesu mone hiti ma lu'ehina: Lenali bati mehina efahi ma melugu nina hiti lenali bona'i enele'mo bati hite enele'mo lenalalutinigi enele'mo lolo hilafiye? O'e. Ya hilenogo alihi efahi lise kana'a su halina yupahi lenali lenele'mete kokulumatoga minoba minoba hepato bilanafiye? O'e, luto Yesu lu epi'ehina yabe.

Luku 16:9 ပူးပေါင်းရင်းမြစ်များ

Matiu 19:21

Ya ligo Yesu ana neheya kola bomofihi ma luto lu emi'ehina: Kai bati huto minalube lutomo asaga fe'nohaka buto bona'i noepito efahi lilotoka guna ito musufalo bona'i epibo. Ya hitogo hetofanaka kokulumalo minalibe. To kai ya huloto nani'i oto nemege'i molobo.

Matiu 6:19

Lenali ma melugu hetofa hatofa fe'nohatini li nupa mehilo. Ma melugu molepa kafamagi hiti to kagopa logose'nauba anana anana li sibina hulata nohigo to guminalo bomagi kafe sigite gumina felelata nehabe.

Matiu 6:24

Koko pana'i moneuba loe bolo moneko kumu lili'na lilata menohibe. Ya hilina ai mone bomofihi lili'na li bati nohuto mone bomofihi lili'na li bati mehilina'mu yabe. Lenali Hu'mamofihi lili'nalo bo'a neminete efapofihi lili'nalo bo'a moneko kumu meminalo.

Luku 11:41

Ya hu'ehinagi kai kohakagu to lapekagu ni'ilinana musufalo bona'i epiletogo asaga nasanaka gulu gulu lu su halibe luto Yesu Felosi bona'i lu epi'ehina.

Luku 12:33

Lenali asaga fe'nohatini bona'i luga'amagihi epinogo efahi ananalo lepilenogo aku'i ana efahi musufalo bona'i epilo. To lenali kosaba gu'i efahi li malalatamo analo'i sibina mehilina'mu yabe. To lenali ifo muya yogo fe'nohatini kokulumalo meminigilina'mu yabe. To kokulumalugu guminalo bona'i menehabe to efahatini sifolohi megilina'mu yabe.

Luku 14:14

Enali ya'mana bona'magi nose'naka nona'a gete mekimilinaya kai alihi kegelo bilana'mu yabe. Hena'mu kegelo bilabe? Alihi Hu'mau bulo bona'i bati hite mine fili'ahana to ti su nehenogo Hu'mau ana nose'nakalo mina'a kimiloto pa salina'mu yabe, luto Yesu lu epi'ehina yabe.

Luku 16:11

Ma melugu bati'na'a kaba hu bati mehilata alihi kokuluma hepalugu lusi bati'na'a hena huto kaba hilana ni'ibe?

Luku 16:13

Sipi bo loemale'i lili'na'atiti moneko bouba lilina'a huto meni'ibe. Mone'mofihi ipakafa nohoto mone'mofihi fokehi halina'mu yabe. To mone'mofihi le'mo bati nohuto mone'mofihi le'mo hale hilina'mu yabe. Lenali moneko kumu Hu'mamofihi nasana'a le'mo bati nehite efahi le'mo bati nehite mehilana'mu yabe, luto Yesu lu epi'ehina yabe.

Luku 16:4

Ya hu'ehina yatai nekesa mone'ya noyugube. Lili'na'niloti sipi bo'niuba nele'mo he'minogomo bo moneuba noha'aluga nele'mo bati huloto nele'mo bilina bomofihi nonuga bilube.

Aposolo 10:31

Ya huloto ma luto lu'ehina: Koniliasio. Asaga bona'i enumuhi meni'inamagi enehe'moto enele'mo bati hulata nohatamolo Hu'mau nunumu ka akeheli'ehibe.

Aposolo 10:4

Ya ligo Koniliasiu bu goloto koli huto loka ho'ehina: Sipi Bo, hena hibe? Ya ligo agelouba Koniliasihi lu emi'ehina: Asaga hetofa foya suhi nohatana'mu luto Hu'ma ekesu mehago nunumuka keheligo bati hu'ehibe.

2 Koliti 4:17

Metoga kalana'i mele letalana nesi'a yamofihi su halina yanauba sekele mamu'amofihi laga hina'a su mehose minoba minoba hilina'a li huto hu limilibe. Ana sekele mamu'a limilina'a yanauba lali kumu kalana'i nemalana li'ohutana be ligilina'mu yabe.

Yute 1:21

Ya nehite Sipi Boti Yesu Kilisitou ai fuluna'a molo lepoloto ule'ale huto mino kosaba'i ya'ma minomo bulata nasana molo lepalalina'mu geba hite nehite Hu'mau komopa'a lepi'ehina'alo minalo.