Luku 16:8 - Ka Lamana'a Monoꞌi Lu Mu Tifiꞌehina Ka Yabe

⁸ To alihi sipi bouba ana kaba bomofihi bu goloto yege fi'ehina yabe. Hena'mugope ai lataha'anigu bebe sana bona'magihi suhi li'ehina. Ma melugu bona'magi enali ya huse bona'i hiti lili'na moneka lilana, enali Hu'ma ka mege'i nemalana bona'i enahalana'mu yabe. Guminalo hapa'a ya'ma keheli bati nehabe, luto Yesu lu'ehina.

Luku 16:8 ပူးပေါင်းရင်းမြစ်များ

Matiu 12:32

To mone bouba Hu'mamofihi pana'amofihi kaga foipa lu etalinaya Hu'mau ana foipana'a li he'mi etalina'mu yabe. Ya hilinaya bo moneuba Sikalafu'mofihi kaga foipa'a lu etalinaya ana foipana'a Hu'mau li mehe'mi etalina'mu yabe. Yatai hiti aliha'a yupa hiti ana sunogo hilina'mu yabe, luto Yesu lu epi'ehina yabe.

Matiu 17:26

Pitau lu emi'ehina: Bonoho bona'magi yabe. Ya ligo Yesu lu emi'ehina: Ya hu'ehinagi ya'mana hepato bona'i takisi efahi mehe'milana'a huto ni'ibe.

Luku 16:10

To bo moneuba nesi'nasilo kaba huto hilinamofi to amuya moloto kaba hu bati hilina alihi sipina huto hilinalo ana huto kaba hu bati hilina'mu yabe. To bo moneuba nesi'nasilo kaba hu bati mehilina ana huto sipina huto hilinalo kaba hu bati mehilina'mu yabe.

Luku 16:4

Ya hu'ehina yatai nekesa mone'ya noyugube. Lili'na'niloti sipi bo'niuba nele'mo he'minogomo bo moneuba noha'aluga nele'mo bati huloto nele'mo bilina bomofihi nonuga bilube.

Luku 16:7

To mone bomofihi loka ho'ehina: Kaibe, kai henaki tina hu'ahane? Mone tauseni'a kile gu'i li'ohube. Tinalo tiketika malo nolito 800 yabe luto fayahi gobo, luto kaba bouba lilina'mu yabe.

Luku 18:6

To Yesu lu'ehina: Bati mehina suhi luto kaga loko hulata nohina bomofihi kaga'a kehelilo.

Luku 20:34

Yesu ka'anilo nona'a lu epi'ehina: Boana'i yatai kana'alo neminana enali li bo alobo hilata nehabe.

Luku 20:35

Ya hu'ehina boana'i Hu'mau lamana nehana yabe luto ho tilabe lu'ehina enali alihi kana'alo mine bati hilanamagi li bo alobo mehilana'mu yabe.

Yoni 12:36

Ya'ma fana meha'alo lenali mege'i nemelete anagu foya lamana'a lite minalo. Lenali ya hilete fana tose'namofihi boana'i lolo hilabe. Yesu ya luto lu epito ai buto fato hepatoga fala kito mino'ehina.

1 Koliti 3:18

Lenali komopatini keheli sibina mehilo. Lenalitogati moneuba nani ma melugu bona'magihi kehelise'na'ani bati huto li'ohuna bo nohube luto lilina ya'ma ai kehelise'na'a he'mito bona'magihi enubulo kehelise'na bati mehina bo lolo huto minalibe. Henabe lutobe? Ai ya hulenogo lusi kehelise'na Hu'mamofitogati lilibe luto yabe.

Efeso 5:8

Lenali koyapa'i enali suhi hite metepugu mine'ahanamo ni'ibe. Yatai ya'ma Sipi Bomofitoga nehepite fana mehatini hiti lolo hite nehabe. Ya'mu fana mehenamofihi legeya'a lolo hite yanamofihi babeyafalo minalabe.

Filipai 3:19

Bona'i yanamagi enugufa'ani enibita hulata nohinamofihi hofa to'ehinana yanauba enogo'anifu lolo hulata nohibe. To fato fato'nauba enubuya hilina'mu golemehi kelata nehabe. To ma melugu nasana'muko keheli keheli hulata nehabe. Ya nehana'mu lite logo hepalugu bilune'mu nehabe.

1 Tesalonika 5:5

Lenali fana mehenamofihi to yege'amofihi komopa'agu nehabe. Lali Kilisitohi naga'amagita sinihi to metepunamofihi komopa'agu menohune.

1 Pita 2:9

Ya hu'ehinaya lenali ya'ma lenele'mo eto hu'ehina bona'i yagi gihiti bomofihi mamufa gi emilatana bona'i lolo hite hetofa kapolo tite nupa hi'ahana bona'i to Hu'mamofihi naga'a lolo hite nehabe. Lenali kumu kehe ito metepuguti buyu huto lenele'moto hetofa fana tose'namofitoga lenele'mo molo'ehina yabe. Lenali Hu'ma ai hetofa hatofa hapa'a lu huto hinogo i futili hilabe. Ya hilabe luto lenele'mo'ehibe.

1 Yoni 3:10

Hu'mamofihi pa'a pana'a to Satahi pa'a pana'a enali hapa hapa'ani ya suhi huto ya'ma huto nohigo bu galune'mu nohune. Luga'a mino fotogo hite meminalana'mu enali kumu Hu'mamofitogati menehabe luto nokehelune. To enali komopa'ani ya'ma enalalu'anigihi meepinogomo enali kumu Hu'mamofihi bona'a menehabe luto ya'ma ana huto lilune.