Luku 16:3 - Ka Lamana'a Monoꞌi Lu Mu Tifiꞌehina Ka Yabe

³ Ya luto fe'noho bouba ligo ana kaba bouba ma luto lu'ehina: Nani sipi bo'niuba lili'na'niloti a'nele'mo he'milube'mu linogo nani hena'ni hilube? Nani amuya moloto ke'muya mekifila to fato bona'i nose'na'mu kehe iluna nubuya'ni hilina'mu yabe.

Luku 16:3 ပူးပေါင်းရင်းမြစ်များ

Matiu 20:8

To sinihi gise'na nohigo ana foya afo'afu kaba bo'a kehe iloto ma luto lu emi'ehina: Kai lili'na nelina bona'i kehe ito mina epibo. Alihi e'ahana lili'nalo panatogati hapi fito mina epimo buto yata'a kohe tete ete lili'na li'ahanamagihi alihi epitogo su heno.

Maki 10:46

To enali bite Yeliko hepatoga nehetite mine'ahabe. To ana hepatogati, Yesu pana'alobo'amagi hiti babu bona'magi hiti he'mite bite nebago bu pisi lu'ehina bouba gi'a Batimeusi, Timeusihi pana'a yagi, ana bouba me kapo beletoga'a minoto bona'i ukimi ukimi huto mino'ehibe.

Luku 12:17

To ya higo ana sipi bouba komopa'agu ma luto ekesa yigi'ehibe: Hena'ni hilube? Noha'ni nose'na li nupa huto molose noha'nimo kikipa habe. Hena'ni hilube?

Luku 16:2

Ya lago ana fe'noho bouba kaba bo'a kehe iloto ma luto loka ho'ehina: Hena hu'ahanogo kai kaga ya'ma nokehelube? Kai asaga fe'noha'ni ma'asi buto leka so su holoto fayahi go molo su ho netobo. Kai aku'i asaga'na nani'nilo kaba bo yatai meminalane'mu nolube.

Luku 16:20

To, kasiha'alo bo mone gi'a Lasalasi, analo kolata hu'ehina yabe. Ai kene'i nohuto to gufa'alo hepuhi babu luto loba loba huto mino'ehibe. To kene'i nohuto to kau'na nohoto ana sipi bomofihi nose'na letuha'a bati huto natita'mu yabe. To anaga nokago kalamagi ete hepuha'a kehe nenete mine'ahana yabe.

Luku 16:22

Ya huto minoloto'a alihi fililago agelomagi le'mete bite Abalaha koyapa filito bu'ehina hepatoga le'mete bago Abalahau ai nu kito mino'ehina yabe. To, alihi yupahi ana sipi fenoho bomo ai ana huto fililago keli he'ahana yabe.

Luku 16:4

Ya hu'ehina yatai nekesa mone'ya noyugube. Lili'na'niloti sipi bo'niuba nele'mo he'minogomo bo moneuba noha'aluga nele'mo bati huloto nele'mo bilina bomofihi nonuga bilube.

Luku 18:4

Kaga loko nohina bouba yata'a ana eto a'i mehe'malube'mu hu'ehina alihi ma luto ekesa yigito lu'ehina yabe: Nani Hu'mamofihi koli'a menohu etona ana huto bona'i enele'mo bati menohuna yabe.

Yoni 9:8

Ya hu'ehigo lalu'agi koyapa'i ya'ma bouba nose'namu buka buka tilatamo bu ge'ahanamagi loka he'ahana: Muya bouba meto minoto buka tu'ehina bo ai nohifihe?

Aposolo 3:2

To Hetofa Kasito yabe luto gi'a nina kasito bo mone gigusa'a sibina lo'ehina ito'afu keto'ehina mino'ehina. Asaga yupahi ya'mana kasito le'mete ete he'mi etago nohuto boana'i mono nonugu elata hanamagihi efa kumu kehe ito nominana bo yabe.

Aposolo 9:6

Ya luto luloto ma luto lu emi'ehina: Kai ho tito hepalugu tibo. Alihi bo moneuba ya'ma suhi hubo luto lu kimilina'mu yabe.

2 Tesalonika 3:11

To ya'ma lenalitogati ka mone olago ya'ma luto keheli'ohune. Lenali folagahatinigu bona'i luga'amagi enali'ani foya'ani he'milete amanapa hilete nehite bona'i mone'amagihi foyagu ukimi akimi hite humofa'na nehanamo ni'ibe.