Luku 16:29 - Ka Lamana'a Monoꞌi Lu Mu Tifiꞌehina Ka Yabe

²⁹ Ya ligo, Abalahau ka'alo nona'a lu emi'ehina: Henabe luto ho lifilube luto, mono buku ni'ibe. Moseu koyo'ehina ka hiti, to Hu'mamofihi ka lu huto hulata bona'mo keye'ahana ka hiti ni'ina yabe. Ana kaga kehelilana'mu yabe, ligo

Luku 16:29 ပူးပေါင်းရင်းမြစ်များ

Luku 16:16

Mosehi keya kaga'a hiti to lu huto huto bona'magi kaga keye'ahanana hiti Yonihi kanalo mino bati hu'ehina yabe. Ya hu'ehina Yoniu minana kana'aloti oto oto yatai ya'ma yupahi Hu'mamofihi ka lamana'amofihi kapo'a asaga hepatoga huto nohibe. Ya nohigo asaga bona'i amuya melete peninite Hu'mamofihi ana kapo'alo li hokolo hite bilune'mu nehabe.

Luku 24:27

to ai Moseu hiti to lu huto huto bomagi hiti ai kumu fayahi koyapa'i ge'ahanaloti mono kaga silaga'namo hapi fito luto tiloto etegekesa lu hokolo hu'ehina.

Luku 4:17

To enali mono lu huto huto bo Aisaiyahi buku'a ite ete emi'ahana. Ya nehago ai aho tito ana buku fokoloto ka mone ma luto ni'ina'mu sa huto leka so'ehina:

Aposolo 15:21

To asaga nohi hepato bo mone minola minola hi'ehite asaga fuli kanagu Yuta bona'i li gehesa hite kaga lu keheli fa keheli nehana nonugu Mosehi keya ka'a leka so epilata to ana ka'a lu yege holata asaga nohi hepato nehanamoya lali ya'ma akeheli'ohune luto Yemesiu lu'ehina yabe.

Galesia 4:21

Moseu keya ka lu'ehinamofihi agoya hu etalune lite lilata nehanamagita, lenoloka nohenogo lu nimilabe. Lenali keya ka lu'ehinamofihi fayaha'a nasana leka sete keheli fotogo mehafihe?