Luku 16:25 - Ka Lamana'a Monoꞌi Lu Mu Tifiꞌehina Ka Yabe

²⁵ To Abalahau ma lu emi'ehibe: Pana'ni. Koyapa hapaka beto hubo. Kai koyapa ana'inaka hetofana babu luto ni'igo, kofokehi luto mino'ahata yabe. To Lasalasi ai koyapa kene'i nohuto sibina huto mino'ehina yabe. To yatai ai bati huto nohigo to kai kagabu'i nogigo nominane.

Luku 16:25 ပူးပေါင်းရင်းမြစ်များ

Matiu 27:63

Ya hilete ma li'ahana: Sipi bo yale, ai fagalo bouba mefili'ohuto kaga mone ma luto lu'ehina lu kimilune. Loegi monegi yupahi minoto'ni aku'i ho tiluna'mu yabe luto lu'ehina.

Maki 9:45

To ana huto kigitu foipana huse bo nohapi, ana kigigusaka laga hu he'mibo. Kigi luga luga hiti nohuto logo loba loba huto mesobose hepatoga bilata bati mehu'ehibe. To kigigusa mone kegi'a meni'inogo Hu'mamofihi kapogu tito minoba minoba hilata, ya bati huto ni'ibe.

Luku 16:20

To, kasiha'alo bo mone gi'a Lasalasi, analo kolata hu'ehina yabe. Ai kene'i nohuto to gufa'alo hepuhi babu luto loba loba huto mino'ehibe. To kene'i nohuto to kau'na nohoto ana sipi bomofihi nose'na letuha'a bati huto natita'mu yabe. To anaga nokago kalamagi ete hepuha'a kehe nenete mine'ahana yabe.

Luku 16:23

To ai logo hepa'mo ai'a Hete hepa'i anaga buto gabu sipi'a nogigo ya nohuto hiha lu'ehina: Akae. Akae, luto minoloto bu go saga huto'a Abalaha foto'i nohuto Lasalasihi nu ki'ehinalo bu go'ehina yabe.

Luku 16:26

To lali hiya huto kehe'malune. Folaganugu mone sipi yaba'mo ni'igo bo moneuba lali kegi'agati kaitoga bilina kapo meni'ibe. To ana huto kai beletogati lalitoga alina mone meni'ibe

Luku 6:24

Ehe. Lenali fe'nohatini babu lina bona'ise. Lenali bati huto minose'natini ali su he'ahabe.

Yoni 16:33

Nani fuluna'niuba lenalitoga minalibe luto kaga ya'ma lu nolepube. Lenali ya'ma metoga kalana'i nemele lepelenogo lenipagu sibina mehino. Nani'ni yamofihi ma metoga nasanamofihi abe ligi su holoto nohube.

Aposolo 14:22

Ya hilete etali Yesuhi kaga'a kehelise bona'magihi amuya melete mono ka lu epiba epiba hite li pili kalo lite lu epi'aha'ina. Ketana babu luto yata'a kofito bulototi alihi Hu'mamofihi kapo'agu tilune lite Polugo Banabasiugo lu epi'aha'ina yabe.

Romu 8:7

To bona'i enugufa'aniuba laga besise'nalo mege'i nemalanamagi nehago kehelise'na'aniuba kaba hu epalago enali Hu'mamofihi fateha'a nehana yabe. Henabe lutobe? Enali Hu'mau kaga lu molo'ehina'amofihi keheli he'mite pelesa i'ahana. Ya'ma Hu'mamofihi kaga'a amuya'anitu mekehelite to analo mege'i memelelata nehabe.

Filipai 3:19

Bona'i yanamagi enugufa'ani enibita hulata nohinamofihi hofa to'ehinana yanauba enogo'anifu lolo hulata nohibe. To fato fato'nauba enubuya hilina'mu golemehi kelata nehabe. To ma melugu nasana'muko keheli keheli hulata nehabe. Ya nehana'mu lite logo hepalugu bilune'mu nehabe.

1 Tesalonika 3:3

to ya'ma kalana'i melenogo lenali Yesuhi kapo'amofihi he'mi lalabe luto ya'mu ho lifi'ohube. Lenali ya'ma ya lite kehelilo. Luba hose'nauba lugupisalo tilube'mu higo Hu'mau ya'ma lu laga mehuse nohuto ananamotu lele'mo amuya hilina'mu yabe. Ya'ma lenali akeheli'ahanamo ni'ibe.

Hibulu 11:25

To foipana nasanamofihi laga'a hiti tupa kana mino laba huto meminose'namofihi ya'ma he'miloto Hu'mamofihi bona naga'a enali hiti keke luse'namofihi gupisa'alo nehago yalo ai hiti molo emito kehelilube luto mino eto huto mino'ehina.

1 Yoni 2:15

Lenali asaga'i metoga minoto nohuta suhi to me'mofihi gupisa'alo nasana huto huto ni'inalo komopatini yanaga mebino. Enali komopa'ani ya'ma me'mofihi gupisalonamofito minalina enali komopa'ani ya'ma miyagu afo'anifihi emilana'a meni'ibe.

Huto Hilina Ka 7:14

Ya luto noloka hago nona'a ma luto lu emi'ohuna: Kibina bo'nimaka ya'ma kaika keheli'ahatigi lu menonimine. Ya luto lugo ai lu'ehina: Enali kalana'i mele ketelata nehanamofihi komopa'aguti enabaga hiti e'ahanamo ni'ibe. Enali gukete'ani ya'ma sipisipi nala'amofihi golaha'atu okala hite lite hapa'a li lolo hite li'ahabe.