Luku 16:2 - Ka Lamana'a Monoꞌi Lu Mu Tifiꞌehina Ka Yabe

² Ya lago ana fe'noho bouba kaba bo'a kehe iloto ma luto loka ho'ehina: Hena hu'ahanogo kai kaga ya'ma nokehelube? Kai asaga fe'noha'ni ma'asi buto leka so su holoto fayahi go molo su ho netobo. Kai aku'i asaga'na nani'nilo kaba bo yatai meminalane'mu nolube.

Luku 16:2 ပူးပေါင်းရင်းမြစ်များ

Matiu 12:36

Ya hu'ehinagi nani lu lepilube. Asaga kaga boana'magi lilata nehana kaga'anilo alihi Hu'mau boana'i enele'mo fato fato hilina yupahi enoloka halina'mu yabe.

Matiu 20:8

To sinihi gise'na nohigo ana foya afo'afu kaba bo'a kehe iloto ma luto lu emi'ehina: Kai lili'na nelina bona'i kehe ito mina epibo. Alihi e'ahana lili'nalo panatogati hapi fito mina epimo buto yata'a kohe tete ete lili'na li'ahanamagihi alihi epitogo su heno.

Luku 12:20

To ana bouba ya ligo, Hu'mau: Kai negi bo nohane, luto, kai yatai folugu'i fililata'mu yabe. Filito to felekamo kugufaka he'mito bilina'mu yabe. To ya huto nofilitogomo, ya'mana li nupa hu molo'ahatanamo kuyu kuyu hite lilabe? Hu'mau ya luto lu emi'ehina.

Luku 12:42

To Yesu lu'ehina: Kaba bo mone ekesagu fe lina bo nohuto ai lili'na'a kaba hu bati huto minoto to sipi bo'auba kaba bo le'mo ho tiloto lili'nalo bo'a nose'na li keheli epilifi?

Luku 16:1

Yesu koko panana'a ma luto lu epi'ehina: Fe'noho bo mone minolata hina bomofihi kaba bo'a mone minolata hu'ehina yabe. Ya higo bona'i luga'amagi ana fe'noho bomofihi ma lite lu emi'ahana yabe: Kaba bokauba efahakamo he'mi su nohabe.

Luku 16:3

Ya luto fe'noho bouba ligo ana kaba bouba ma luto lu'ehina: Nani sipi bo'niuba lili'na'niloti a'nele'mo he'milube'mu linogo nani hena'ni hilube? Nani amuya moloto ke'muya mekifila to fato bona'i nose'na'mu kehe iluna nubuya'ni hilina'mu yabe.

Romu 14:12

Ya hina'mu lali asaga'i Hu'mamofihi bulo foyati li'ohuta'mu minenogo ai kagati loko hilibe.

1 Koliti 1:11

Na'o bogiyo. Nani folagahatinigu kenasabo bise ka huto nohina ya'ma Koloehi bona'amagi lago keheli'ohuna ya'ma lu nolepube.

1 Koliti 4:2

To kaba bo'a enali foya'a li'ahanaguti mone tito be ligi'ehina ka henana ni'ibe? Afo'afu lina'asigo hite li'ahanamo ni'ibe.

1 Koliti 4:5

Ya hu'ehina'mu lenali bona'magihi hapa'ani'mu lilata nehana amuya memalalo. Sipi Bouba ai'a i behe huto oto suguna'i fenene huto ni'ina nasana yamofihi le'mo hutotoga malalube'mu hibe. To bona'magita legekesa kehelilata nohutaga hiti ya'ma li huto hu su halube'mu hibe. Ya huloto Hu'mau ai'a bona'magihi hapa'ani moneko moneko'isi bu galina guna moloto enele'mo hetofa hu epololota liyafa hilube'mu hibe.

2 Koliti 5:10

Yamofi kumu ya'ma luto ma keheli'ohune. Mega lugufa hiti nohuto ana'ina lito moloto hu'ohuta bati huto ni'ifi to sibina huto ni'ibe yamofihi mone kegi'a ai eto eto huto kaga loko huto pa sose'na limilibe luto minoto lali asagatoga Kilisitohi ka foya kefa hisalo ho tiloto kululu tito nehetilune.

1 Timoti 4:14

Kohe toto ya'ma ka lu huto huto bona'i kaga'ani kai kumu li'ahanalo ya'ma mono olopa bona'i luga'a enali enayahi latahakalo melete lusa negi ketago hetofa Sikalafu'uba mono'mofihi amuya'a fi hele hu keto'ehinamofihi lamana'a sibi hu laligi mino hetofa huto kaba huto minobo.

1 Timoti 5:24

To enali'ani'mu kaga ma luto minomo buto nolube. Bona'i luga'amagihi foipana'ani huto hulatana ni'ibe. To enali foipana'aniuba kohe toto nobigo Hu'mau foipana'animu kehelito ita bise'namofihi nona'a epilina'mu yabe. To bona'i luga'amagihi foipana'ani fala kito ni'igo aliha kanagu huto hilube'mu hibe. Hu'mau enali hiti nona'a epilibe.

1 Pita 4:10

Lenali Hu'mamofihi ka'amofihi kehelite lenele'mo bati huse'namofihi amuya fato fato'mofihi guna molo lepolo'ehinamo yanatu foya'a lelite nebinogo bona'i luga'amagihi enele'mo bati hilana yanauba Hu'mamofitogati amuya'a lepilenogo yanatu'i ana hi epalalabe.

1 Pita 4:5

Ya nehanaya lenali ya'ma beto hilo. Enali enubu hiti nehananamagi hiti fili'ahana bona'i hiti alihi Hu'mau enele'mo nupa huto ka foya lilina kanagu aitoga hapa'ani lu hokolo hilana'mu yabe.

Huto Hilina Ka 20:12

Ya neha'igo fili'ahana bona'i tite minana'a limite minana'a sekele mamu'a hiti kefa hisamofihi gobisalo ho tite nehago bu go'ohuna. Kefa hisalo minana bouba buku mone li paka soloto mino'ehina. To mone buku li paka sago bu go'ohuna ya'ma amuya minoba minoba nehana bona'magihi enigi'ani koyo molo'ehina buku mino'ehina. To filite bi'ahana'amagi enali hite melete hi'ahana suhi ka lamana'a ya'ma bukugu keye mele'ahana ya'ma Hu'mau bu goloto kaga'ani libe sibi hifi bati hifi loko huto mino'ehina.