Luku 16:19 - Ka Lamana'a Monoꞌi Lu Mu Tifiꞌehina Ka Yabe

¹⁹ Bo moneuba efaha'a babu luto ni'igo ai asaga yupahi hetofa gu kata hepilata huto to hetofa hatofa nose'na babu luto nolata huto mino'ehina yabe.

Luku 16:19 ပူးပေါင်းရင်းမြစ်များ

Maki 15:17

Yalo Yesuhi okoho naku'i hepi etete to lataha'alo ufeha'a hiti naga'i hesete kofi etete,

Maki 15:20

To yokolo'na hi su helago, ana okoho naku'i li he'mi etete yalo ai'a kata'a hepi etete fegutoga le'mete bite malipu yafalo ho fililune'mu le'mete bi'ahabe.

Luku 15:13

To ya hulago gona'auba kana loemofi mone'afi minoto aku'i ana'ina'a li gu ito kofiloto foto hepatoga buto mino'ehibe. Ana hepatoga nohuto'a foipa hapa'a huto mino'ehina.

Luku 16:1

Yesu koko panana'a ma luto lu epi'ehina: Fe'noho bo mone minolata hina bomofihi kaba bo'a mone minolata hu'ehina yabe. Ya higo bona'i luga'amagi ana fe'noho bomofihi ma lite lu emi'ahana yabe: Kaba bokauba efahakamo he'mi su nohabe.

Luku 16:18

Bo moneuba liha'a nohe'mi etoto fato a'i liha'a lilina ai bo alobo sibi sibina higo foipana'a nominabe. To bo moneuba liha'a le'mo he'mi'ehilina fato bouba liha'ni yabe luto lilina ai ana bouba sipi foipana'a li huto hulata nohibe, luto Yesu lu epi'ehina yabe.

Luku 16:20

To, kasiha'alo bo mone gi'a Lasalasi, analo kolata hu'ehina yabe. Ai kene'i nohuto to gufa'alo hepuhi babu luto loba loba huto mino'ehibe. To kene'i nohuto to kau'na nohoto ana sipi bomofihi nose'na letuha'a bati huto natita'mu yabe. To anaga nokago kalamagi ete hepuha'a kehe nenete mine'ahana yabe.

Huto Hilina Ka 17:4

To a'i ai gukete ya'ma safa'na to okofuhu gukete i kolo bito mino'ehina. To sekele mamu'a ya'ma goli efahi mina'a tito ni'ina nasana to hetofa efahi pesesu'i hiti lito li bati huto i kolo bi'ehina. Yanugu masu mone golitu lolo hi'ahana liloto mino'ehina ya'ma moko lise'namofihi kolo tanana'a to foipa nasanamofihi bai toloto mino'ehina.

Huto Hilina Ka 18:16

Ya nehite ma lite lilune'mu habe: Akae. Akae. Hepa'i sipi'amobe. Hena hilibe? Lose lose gukete koholina nupa'na safa'na lito i kolo bilata hu'ehinamobe. To fayaha'a hiti nasana golitu lolo hi'ahana fato fato'mofihi to mina'a tito ni'ina efahi fato fato'mofihi to mina'a ni'ina hetofa pesesu'i minolata hu'ehinamo ni'ibe.

Huto Hilina Ka 18:7

Enugufamofihi le'mo lite tite minete laga'amofihi gupisalo mineme bite meleke takehi hite minelata hi'ahanamo ni'ibe. Yamofihi mone kegi'a eniginaga fise'na to enuluhaya enagabu gilatana ya'ma li huto hite epilo. Ana hepa'uba ya'ma a'mofihi sipi a'i legi huto minoto komopa'agu ekesa kehelito ma luto nolina: Nani nominoto'ni sipi a'i gihiti bo'ani legi huto nohube. Nani keto a'i menohube. Eniginaga fise'na mekehelise laga'namofihi gupisalo mino lito buto minalube'mu hube.