Luku 16:17 - Ka Lamana'a Monoꞌi Lu Mu Tifiꞌehina Ka Yabe

¹⁷ Alihi kokuluma hiti me'i hiti su hoto bilinaya keya ka'a nesi kasi hupamone'i mone ninaya su hoto mebilina'mu yabe, luto Yesu lu epi'ehina yabe.

Luku 16:17 ပူးပေါင်းရင်းမြစ်များ

Matiu 5:18

Ule'ale huto lusiga ma'naka luto nani lu nolepube, asaga'na ma me'i hiti kokuluma hiti su hoto bilinaya Hu'mamofihi keya ka'a kitili kitili'na su hoto mebilina analo minoba minoba hilina'mu yabe.

Luku 21:33

Kokuluma'i hiti me'i hiti su hoto fenene huto bilinaya nani kaga'ni su hoto fenene huto mebilina mino lito buto minalina'mu yabe, luto Yesu lu'ehina yabe.

Romu 3:31

Ya nohina'mu lali agoya hu emiloto keya kamofihi lu laga hilupi? O'e, ya huto meni'ibe. Lali Hu'mamofihi agoya hu emiluta ni'igo to keya kamofihi le'mo ho ti fefe lilune.

1 Pita 1:25

Ya huto ni'inaya, to Sipi Bomofihi kaga yauba amuya moloto minoba minoba huto minalina'mu yabe. To ana kaga ya'ma lu yege hose ka lamana'auba lenalitoga nehetigo ana kaga'ya kehelilata nehabe.

2 Pita 3:10

To Sipi Bomofihi kana'a ya huto hilina luba kala bona'magi kofohi nemalago otopa nehana ya suhi huto ana kana'uba henetilina'mu yabe. Ai huto nohinogo kokuluma'uba ko kililika sipi luto buto hokolo hilina'mu yabe. To kokulumagu ana'ina sonofi'i silaga'i ni'igo bu golata nohuta nasana'ya asaga'i logouba lo su henogo fa'menena lolo hilina'mu yabe. Ya hilenogo melugu to me'mofihi gupisa'alo ana'ina silaga'i logouba ana huto lo su hoto fenene hilina'mu yabe.

Huto Hilina Ka 20:11

To nani sekele mamu'a hiti kefa hisa sipilo koholi nasana mone bu go'ohube. Gupisa'alo mino'ehina ai gobisa bu go'ohuna ya'ma kokuluma hiti me'i hiti gobisaloti koli hilete aku'i huto mehite'atiti minigi'aha'ina.

Huto Hilina Ka 21:1

To nani nubu egolago kokuluma yuhufa to me'i yuhufa hiti bu go'ohuna. Kokuluma tafa'a to me'i tafa'a etali bite su hete'atiti to hege nagami'i ana huto buto su nohago silaga'i fenene hi'ahana bu go'ohube.

Huto Hilina Ka 21:4

Hu'mau ai'a enalitoga yibi hise nasanamofihi enubu nogoya kele li epalalube'mu hibe. Filise'na to yibi bena hise'na to enagabu'i gise'na yanana su henogo aku'i mone'a huto mehilube'mu hibe. Tafa nasana ya'iya'a ya'ma buto su halibe luto lu'ehina.